طريقتي في قلي السردين.

[ome loudjeine]

سلام اخواتي .

حبيت نوريلكم طريقتي في اعداد السردين ونتمنى تجربوها.

اولا ننظفو السردين ونغسلوه ونحطوه في كسكاس يقطر.

نجيبو حبة بصل صغيرة ونرحيوها.وحبة طماطم مرحية+دبشة مقطعة+ملح+كمون+فلفل اسود+مغرفة كبيرة طماطم مصبرة وشوية عصير

ليمون وفي الاخير فنجان ماء ونوضعوهم في كيس بلاتيكي صغير ونخلطوهم.

نجيبو السردين الي نظفناه ونحطوه في الكيس ونخلوه اطول مدة ممكنة يعني كل مايطول يجي بنبن.

ومن بعد نجبدوه ونقليهم كيما راهو يعني مانحولوش هاديك الخلطة نحطو وحدة فوق وحدة ونقليوه.

انا نمرغدو في الدقاق تاع الفريك يزيدو بنة.

نتمنى تجربوه واعتدر لاني ماوضعتش صور لاني عضوة جديدة مانعرفش نوضع الصور.