طلب

[هاجر المدانية]

صباح الخير , عندي شوي قاطو حبيت نخبيه لمدة ,حبيت نديرو في الكونجيلاتور زعما مايخسرش؟؟؟؟؟؟؟؟؟؟؟ تعيشو كاش ما ترايو عليا.

[melissa lola]

نورمال اختي مايخسرش عادي ديريه في بورت مونجي واغلقي مليح واجبديه ساعتين ولا ثلاثة قبل الاستعمال

[نبيل2010]

أمممممممم بصحتكم

[همس الحروف]

نورمال اختي ما يخسرش تقدري حتى تحطيه في بورتمونجي وتربطي عليها بساشي وتحطيه في الفريجدار لتحت خلاص

[100000100001]

مي كون يكون نتاع قلاصاج تاني ما يخسرش؟

[lilii7179]

عن تجربة ما تخافي ما والو , حتى نتاع القلاصاج ما يروح ما يجي, بصح لكان قلاصاج شوكولا انتي و زهرك قادرة كي تخرجيه يتبدل اللون برك , بصح القلاصاج نتاع السكر عادي. حبت نبهك برك انو الكونجيلاتور نتاعك الا حبيتي تكونجلي القاطو ما لازمش تكون فه ريحة نتاع ثوم او روائح قوية باش ما يرجعوش للقاطو نتاعك , و اذا دخلك الشك حطي القاطو في porte manger يتقفل مليح و زيديلو صاشي , و ك تحبي تحطيه اجبديه ساعتين على الاقل.
انا مثلا كي يدخلو الضياف (ضياف الغفلة طبعا) نروح نجري نجبدو و فالشتاء نحطو في صحن فوق الفورنو , هذاك هو ما بين ما حكينا شوي و ما وجدت القهوة يكون القاطو واجد و واحد ما يفيق بلي مكونجلي

[*ازهار*]

لم اجربها من قبل