قاطوبالشكلاطة من اروع ما يكون

[omaymen]

[CENTER][CENTER]

البسملة1

عندي مدة ماحطيتش وصفة هاذ القسم
اليوم جبتلكم وصفة رائعة اول تجربة ليا ومارانيش ندمانة عليها خاصة انو نجحلي اول مرة والطعم ياسلام خياااااالي مانحكلكمش بنة رائعة.
نخليكم مع المقادير:
180غ سكر
3 بيض
125غ زبدة طرية
1/2 لتر حليب
40 غ كاكاو
80 غ شكلاطة سوداء
180غ فرينة
ملعقة صغيرة بكربونات الصودا
خميرة كيميائية(ساشي) (انا استعملت الخميرة الكيميائية الموجودة في العلب حطيت ملعقتين صغيرتين)



نطلع بياض البيض en neige

القناش:

90غ شكلاطة سوداء
90غ شكلاطة الحليب
3/4 كاس كريمة(اذا ماتوفرتش ديرو كريم فريش
ملعقة كبيرة نوتيلا(اختياري بصاح تعطيك نكهة خاصة
في كسرونة وعلى نار هادية خلطي كلش وخلي كلش يذوب حتى يتشكل قناش شباب

كريمة الزبدة:
120غ زبدة طرية
300غ سكر قلاصي
45غ كاكاو
200غ جبن طري
خلطي مليح الزبدة الطرية مع السكر والكاكاو من بعد زيدي الجبن وخلطي مليح (درت نصف مقادير الكريمة)
من الاحسن نوجدوها قبل ونحطوها في الثلاجة

طريقة التحضير:
بالباتور
نضرب صفار البيض مليح مع السكر حتى يبياد الخليط
نضيف الزبدة الطرية ونضرب مليح......االخليط1

في كسرونة وعلى نار هادئة نحط الحليب والكاكاو ونخليه يغلي من بعد نفرغو على الشيكولا ونحرك حتى تذوب ونخليه يدفا شوية.....الخليط2
ننضيف الخليط 1 مع 2(بعدما يكون 2 دفا شوية) ونزيد الفرينة.الخميرة,وبكربونات الصودا
نزيدلهم بياض البيض ونحرك برفق من تحت الى فوق
نحطها في مول (انا درت دائري)
ندخلها الفرن يكون متوسط 175 درجة (قريب ساعة باش طابلي ماتتقلقوش تنحوه من الفرن)
كيبرد قسمتو ودرت كريمة الزبدة
درتلو القناش كيشد روحو شوية شبحتو بالكريمة المتبقية
جربوه اكيد راح يعجبكم ان شاء الله