خياطة عين البيض ام البواقي

miar · 2014-10-28, 14:05

مساكم بالخير يا حباباتي والله ما نعرف وعلاش كيما هكا راهم حدفو موضوعي ومانعرف وعلاه

ترجيت الاخت الحبيبة miimicha لي هي من عين البيضا تعاوني وتعطيني رقم هاتف الخياطة خاطر بنتي والله ما خيطت والو

الخفيف يا خاوتي لي تعرف خياطة من ام البواقي او عين البيضاء

ياريت ادلني برقم هاتف الخياطة والله ماننس خيركم واجركم على الله

ام عبد غفور · 2014-10-28, 20:44

السلام عليكم راني نعرف خياطات في عين البيضاء ل كن لااعرف ارقام هواتفهم توجد واحدة في سوق العاصر ادا كنت تعرفي المكان واخرى كيما ال سوق مقابل حفافة حفيضة ادا كنت تحرفيها

ام عبد غفور · 2014-10-28, 21:01

سلام اختي من عين البيضاء راني بحكم لااسكن بعين البيضاء لااعرف خياطات بزاف وقنادري اختي هي لي تخيطلي عندهم وقنادري ديما ملاح هدا الصيف اختي العروسة خيطت قندورة فو طة وبلوزة عند هدي اللي في سوق العاصر الخياطة كانت روعة لكنها غلية وطول و الخياطة نتاعي نخيط قنادر خفاف وانا من بكري نخيط عندها المهم ادا تحبي نسقسي ختي عليهم لكني مانجمش نمدلك ارقام هواتفهم لاني اضنها امانة ولايجب اعطاؤها الا بئدنهم ويا اختي راني بحكم الغربة تاعي يمجرد ان عرفت انك من بلدي حنيت وردتلك امهم ادا اردت اي مساعدة راني في الخدمة حتى ولو كنت بعيدة وعلى الفكرة في ولاية وهران كاين عين البيضاء لهدا سقسيتك واش من ولاية انت اللمهم في رعاية الله

miar · 2014-10-28, 22:45

يعطيني الصحة أختي تقدري تسقسيلي على وحدة تكون قريبة من ثانويةبراكنية علي باختيار أعطيني العنوان واسم الخياطة

AZIZA1 · 2014-10-29, 06:47

سقسي على وحدة اسمها نفيسة هي معروفة بزااااف
هي ممكن حبست الخياطة مي عندها بنات تخدم
خياطتها متتعاودش
و مكانها حي فلسطين

ام عبد غفور · 2014-10-29, 09:15

السلام عليكم اختي ميار راني مانعرفش البلايس تاع براكنية لاني من جماعة لاسيتي ونواحيها فقط اما اختي عزيزة راني كنت نسكن في حي فلسطين لكني لم اسمع بها ممكن تقوليلي اين تسكن بضبط لاني اعرف الخياطة نفيسة اللي دير الفرقاني والي رحلت وعادت تسكن في كباش

miimicha · 2014-10-30, 00:05

ya khti wallah ma '3nadu numro ta3ha idha thabi na'3tiik numro ta3i ndih liha psq rahi jarti

miar · 2014-10-30, 16:41

اقتباس:

المشاركة الأصلية كتبت بواسطة aziza1

سقسي على وحدة اسمها نفيسة هي معروفة بزااااف
هي ممكن حبست الخياطة مي عندها بنات تخدم
خياطتها متتعاودش
و مكانها حي فلسطين

يعطيكالصحة يا اختي كباش راهي قريبة ليا راني نسكن منين ثانوية براكنية على

بغيت رقم برطابل نتصل بيها ونتفاهمو وربي يوفقك اختي ويقدرك لفعل الخير

miar · 2014-10-30, 16:45

اقتباس:

المشاركة الأصلية كتبت بواسطة miimicha

ya khti wallah ma '3nadu numro ta3ha idha thabi na'3tiik numro ta3i ndih liha psq rahi jarti

يا اختي لكان تعطيني رقم هاتفك ماش مشكل ويكثر خير ك اختي ويعطيك الف صحة وعافية