وصفتين براس الخروف

[ام ساجد]

البسملة1



1/ راس مسلوخ وطايب في الفرن

نسلخ الراس بموس حلاقة والطريقة سهلة غير ابدي اسلخي من فوق وانزلي حتى تكملي كل الراس ونغسلو بالماء والخل والملح

ثم نعمل شوي زيت + راس حانوت مهرس مع الثوم + شور رند مرحي + الاكليل + ملح + مغرفة صغيرة طماطم علب

نخلطهم ونحط فيهم الراس وندهن مليح مليح ثم نحط الراس في ورق شفاف



ثم في ورق الالمنيوم ونحطو في الفرن يطيب مدة ثلاث ساعات



وهنا بعد ما طاب






2/ مثوم بالراس

نقطع الراس ونغسلو مليح بالخل والملح والماء ونحطو يغلي شوي في الماء ونصفيه ثم نحطو مرة اخرى في ماء + شوي زيت + ملح + ورق رند

ونخليه يطيب مليح ثم نصفيه وننزع اللحم من العظم ونقطعو قطع صغيرة

نقطع حبات طماطم قطع صغيرة ونسخن الزيت ونرمي فيه الطماطم + ملعقة طماطم ونخليها طيب على نار قاوية حتى تنشف مليح من الماء

ويطلع الزيت نضيف ليها كمية مليحة من الثوم المهروس ونقلي حبات فلفل حار



نخلط اللحم مع الطماطم ونقطع حبات فلفل ونخلي شوي لزينة ونخليهم يهزو الغلوة مع بعض ونطفي النار

وهنا بعد ماطابت




وممكن نضيف ليها بطاطا مقلية



وهاذي فكرة للمعدنوس باش يبقى اخضر ونزين بيه الاطباق

لما تشري المعدنوس تغسليه وتنحي منو كمية ربطة صغيرة ونقص من الاغصان شوي ونحطها في طاس طويل فيه الماء

انا هاذ الباقة بقتلياسبوع خضراء مع انو هي ما كانتش من النوع الجيد يعني لو كانت مليحة قادرة تبقى اكثر من اسبوع