عرض أيفون 5 s

أشرف 23 · 2014-10-09, 20:40

السلام عليكم عندي أيفون 5 s أسود للبيع
الأيفون جديد مع كل لوازمه المشكل أنو على الايكلود
الهاتف أصلي من أمريكا
الهاتف للجادين 0773745620

أشرف 23 · 2014-10-11, 18:49

ولا واحد يشتري

أشرف 23 · 2014-10-11, 21:24

تم تخفيض السعر الى 22000دج

zico-gti · 2014-10-11, 22:18

اذا كانت الرسالة تشير الى فقدان كلمة السر يعني نظيف كلين ايمي و مفتوح رسمي اعطيك فيه 14000

أشرف 23 · 2014-10-11, 23:28

اقتباس:

المشاركة الأصلية كتبت بواسطة zico-gti

اذا كانت الرسالة تشير الى فقدان كلمة السر يعني نظيف كلين ايمي و مفتوح رسمي اعطيك فيه 14000

بلاك ليست يا خويا او 5s ماشي 4
متساعدنيش راني خاسر ياخويا انا شريت ايفون جديد او بدلوهولي فالems
زيد راك حاب تشري 5s يسقاملك ب 26000

AyOuB0587 · 2014-10-12, 10:07

انا جاد في الشراء اذا كان نظيف
صور لي الشاشة الخاصة بالايكلاود وارسلها لي عبر الخاص
وسأتواصل معك

أشرف 23 · 2014-10-12, 14:11

يا خويا راهوا بلاك ليست وانا نبعتك لسيد لي احلهولك ب مليون او مثين رسمي من ابل أنا محبيتش نحلوا كرهتوا كي بدلوهولي

AyOuB0587 · 2014-10-12, 16:44

اقتباس:

المشاركة الأصلية كتبت بواسطة أشرف 23

يا خويا راهوا بلاك ليست وانا نبعتك لسيد لي احلهولك ب مليون او مثين رسمي من ابل أنا محبيتش نحلوا كرهتوا كي بدلوهولي

انا نفتحوا وحدي
انت اعطيني الصورة او الايمي ومن بعد ساهل
لانك في عنابة بعيد علي يلزم نتفق على أدق التفاصيل

أشرف 23 · 2014-10-14, 20:05

اقتباس:

المشاركة الأصلية كتبت بواسطة AyOuB0587

انا نفتحوا وحدي
انت اعطيني الصورة او الايمي ومن بعد ساهل
لانك في عنابة بعيد علي يلزم نتفق على أدق التفاصيل

مقدرتش نرفع الصورة اذا حبيث ال***** achref3541

Rabah.Mernissi · 2014-10-12, 20:08

بالتوفيق اخي الكريم

salah ozil · 2014-10-15, 16:48

اخي ممكن 1500.000

أشرف 23 · 2014-10-20, 10:40

اقتباس:

المشاركة الأصلية كتبت بواسطة salah ozil

اخي ممكن 1500.000

اتصل بي وانشاء الله نتفاهم

azzou22 · 2014-10-16, 01:54

أيفون s5 به أيكلود مفعل ب25000 دج راك بنيتك خويا
أساسا أخي أيفون c4 ومافوق به أيكلود مفعل ثمنه لا يتجاوز 500 دج بالنسبة لي فهو لن يفتح لك ولا يوجد فتح رسمي لأيكلود من أبل ففتح أيكلود ليس مثل فتح الشبكة حتى بدراهمك ومتحلهش
ففتح أيكلود لن يتم الا عن طريق كلمة أبل ايد وكلمة المرور وفي حالة ضياعهما منك ان ضاعت وهي احتمال 5% فعليك معرفة ايميل المقفول عليه أو السؤال السري لتغيير كلمة المرور مع ضرورة معرفة كلمة أبل ايد أما غير ذلك فهو رسميا عند شركة أبل جهاز مسرووووق
وهادي نتاع كاين واحد يحله بمليون وميتين ضحكتني باينة عليك خاطيك تخربيش نتاع أيفون أكبر الهاكرز في العالم في نظام الماك وios محلوش الأيكلود باستثناء أيفون 4

أشرف 23 · 2014-10-20, 10:47

اقتباس:

المشاركة الأصلية كتبت بواسطة azzou22

أيفون s5 به أيكلود مفعل ب25000 دج راك بنيتك خويا
أساسا أخي أيفون c4 ومافوق به أيكلود مفعل ثمنه لا يتجاوز 500 دج بالنسبة لي فهو لن يفتح لك ولا يوجد فتح رسمي لأيكلود من أبل ففتح أيكلود ليس مثل فتح الشبكة حتى بدراهمك ومتحلهش
ففتح أيكلود لن يتم الا عن طريق كلمة أبل ايد وكلمة المرور وفي حالة ضياعهما منك ان ضاعت وهي احتمال 5% فعليك معرفة ايميل المقفول عليه أو السؤال السري لتغيير كلمة المرور مع ضرورة معرفة كلمة أبل ايد أما غير ذلك فهو رسميا عند شركة أبل جهاز مسرووووق
وهادي نتاع كاين واحد يحله بمليون وميتين ضحكتني باينة عليك خاطيك تخربيش نتاع أيفون أكبر الهاكرز في العالم في نظام الماك وios محلوش الأيكلود باستثناء أيفون 4

باين فيك محلب بزاف أنت او زيد مكانش هذا ايفون 4c يلي زعمة تعرف فالايفون او نتخاطر معاك فوق واش تحب على الايكلود بلي كاين لي احلو وهنا في الجزائر او يزينا بالكوبي كولي تيعك راك دايرها للناس لي تبيع الايفونات اكل وال500دجلي راك تحكي علاها زيد لم 500دج اوخرا علاخاتر المنتدى راح يقلبو الدخلة ب1000دج

azzou22 · 2014-10-20, 23:12

اقتباس:

المشاركة الأصلية كتبت بواسطة أشرف 23

باين فيك محلب بزاف أنت او زيد مكانش هذا ايفون 4c يلي زعمة تعرف فالايفون او نتخاطر معاك فوق واش تحب على الايكلود بلي كاين لي احلو وهنا في الجزائر او يزينا بالكوبي كولي تيعك راك دايرها للناس لي تبيع الايفونات اكل وال500دجلي راك تحكي علاها زيد لم 500دج اوخرا علاخاتر المنتدى راح يقلبو الدخلة ب1000دج

الحاجة الأولى هاذ الأيفون 4c لي راني نهدر عليه مشي كيما الأيفون 5c هذا راني نقصد بيه أيفون 4 cdma وهو نوع من شبكة الاتصالات مشي كيما gsm وهو موجود في جميع أنواع نسخ الأيفون وأنا عطيتك مثال عليه على خاطر خرج في 2011 مور أيفون 4 gsm خ2010 وعليه تم تطوير نظام الأيكلود على نسخة الأولى مبغيتش نحكيلك ليسطوار نتاع أيفون بصح الله غالب مفهمتش واش كنت نقصد
الحاجة الزاوجة نتاع نتاخطر معاك بلي كاين لي يحل الأيكلود هنا في الجزائر خويا أنا نتخاطر معاك ماشي في الجزائر برك نتخاطر معاك قاع في لوموند يا كاين واحد يحله باستثناء صاحب الحساب أو شركة أبل هنا خويا بعد في الجزائر قاع لي ريباراتور تاع الغرب ضربتهم مكانش لي يحله وزيد حتى في الشرق والعاصمة ومكانش وحتى لي ريباراتور نتاع واد كنيس كاين لي دايرين في لانونس يحلوا ايكلود بصح كي تلغالهم وتديهلهم يقولك الله غالب نتا ايماجيني لقور وما حلوهش يحلوه لعرب في لانترنت وماكنش لي يحله مجرد مواقع نصابة تظهر وتختفي جميع مواقع والفوريم المختصة في الأيفون الأجنبية والعربية أكدت على استحالة فك الأيكلود في الوقت الحالي وأنا متابع لاخر تطورات فك الأيكلود حتى أن هناك بعض الفرق التي ظهرت فجأة ونالت الشهرة متداعية حلها للأيكلود مثل فريق دولسي لكن تبين للجميع أنها دخان بلا نار وهناك طريقة واحدة وهي طريقة روسية ظهرت في المنتديات الروسية لكن غير مؤكدة لحل الأيكلود وهي حل الجهاز ونزع بعض القطع الالكترونية لايتجاوز طولها ميليمترين لكن هذه الطريقة يلزمها أشخاص محترفين وماتريال مجهد والتضحية بالجهاز
والحاجة الثالثة كي عطيتلك 500 دج في بورطابل خويا راني عارف واش نهدر وهاد الهدرة نتاع 1000 دج للدخلة للمنتدى لوكان يقلبوها 1000 دج ماتجيبش الخردة نتاعك تبريزونتيه
وفي التالي خويا السيد لي يقدر يحلك أيكلود ويكتشف الثغرة قوله يبريزونتي روحه يديوه يطير يخدم في أبل