تحضير الملفوف من بلعباس

[ام عبد الله 22]

السلام عليكم
عيدكم مبارك تقبل الله منا ومنكم وغفر لنا ولكم إن شاء الله.
كما وعدتكم نقدم لكم طريقة تحضير الملفوف او بولفاف كما يقولو البعض كل منطقة وتقاليدها وعاداتها حنا في بلعباس نقولولو ملفوف.
أولا نغسلو الكبدة مليح و نرشوها بشوية ملح ونشويوها من الجهتين مثل ما في الصورة.



ثم نقطعوها شرائح سمكها 2سم و نشويوها مرة ثانية من الجهتين .



ثم نقطع الشرائح لمكعبات أو مستطيلات ونتركهم على جهة.
ونجيب الشحمة نلويها او نرولها و نقطعها على شكل اشرطة عرضها 4 أو 5 سم.
نأخذ كل شريط نملحو شوية ونضع قطعة من الكبد و نلوي مرتين او أكثر حسب الأشخاص لي يحبو الشحم و هكذا حتى ننتهي من الكبد.
في الأخيرنضع القطع الملفوفة بالشحم في لي بروشات ونشويو للمرة الثالثة. وبالصحة و العافية.




أعتدر ما صورتش الشحمة لأن لباتري تاع الكميرا طاحت