جديد....غريبية العيد مممم

ام عبد الله 22 · 2014-09-30, 22:03

السلام عليكم
من احب الحلويات عندي هي الغريبية وسبق لي أن وضعت وصفة الغريبية بالزيت في هذا القسم و الآن أقدم لكم غريبية بالسمن التي أعدتها صباح البارحة بمناسبة عيد الأضحى المبارك.
1 كيلة سمن دوبيها وديريها في الثلاجة تبرد بعد ذاك وضعيها في إناء و زيدلها 1 كيلة سكر قلاص + فاني + قرصة ملح وخلطي مليح بالباتور حتى يذوب السكر + ضيفي 9 م ك زيت وخلطيها مليح + 3 م ك حليب بودرا + 3 كيلات ونصف كيلة فرينة مع نصف م ص خميرة كميائية + في الخير مبشور القارص. ثم شكليها كويرات و حطيهم في مول المعمول باشتأخد الشكل ولحبيتي ديري في مول المعمول شوية لوز أو كوكاو مرحي خشين ثم كورة العجينة باش تجي مزينة وحطيها في الفور مسخن 5د على درجة 160° مدة 25 دقيقة. كي تشوفيها بدات تشقق شوية خرجيها و خليها تبرد في صينيتها و بالصحة و الهناء و عيد مبارك. لكم الصور ( صور العجينة خرجو مضلامين ما حطيتهمش أعتدر).

نصف العجينة حشيتها بالحلقوم وزينتها بلوزة من الفوق ودرت لوزة راقدة في الغريبية لي محشية بحلقوم أحمر و لوزة واقفة في الغريبية المحشية بالحلقم أصفر للتفرقة فقط.

كيلة السمن لي درتها كان وزنها 450غ وهذه الكمية عطاتني 77حبة

alchimi · 2014-09-30, 22:42

مشكورة أختي على الوصفة و الشرح المفصل

الغريبية تحبها أمي وكنت نبحث على وصفة تكون كيما نتاع بكري

عجبتني من الصورة

إن شاء الله نجربها هدا العيد

zamilio · 2014-09-30, 22:51

مممممممممممم جاتك تهبل يعطيك الصحة نجربها انشاء الله

المستغفرة · 2014-09-30, 22:54

يعطيك الصحة يا ام عبدالله جعلها الله في ميزان حسناتك
تهبل
هايلة
تشهي

ام ياسمين10 · 2014-10-01, 08:18

يعطيك الصحة اختى جاتك تهبل حابة نخدم غريبية هاد العيد والله احترت واش نخير كلهم راعيين

ام عبد الله 22 · 2014-10-01, 09:32

اقتباس:

المشاركة الأصلية كتبت بواسطة alchimi

مشكورة أختي على الوصفة و الشرح المفصل

الغريبية تحبها أمي وكنت نبحث على وصفة تكون كيما نتاع بكري

عجبتني من الصورة

إن شاء الله نجربها هدا العيد

مشكورة على مرورك وعيد مبارك يا أختي

ام عبد الله 22 · 2014-10-01, 09:34

اقتباس:

المشاركة الأصلية كتبت بواسطة zamilio

مممممممممممم جاتك تهبل يعطيك الصحة نجربها انشاء الله

الله يسلمك عيدك مبارك يا أختي

ام عبد الله 22 · 2014-10-01, 09:38

اقتباس:

المشاركة الأصلية كتبت بواسطة المستغفرة

يعطيك الصحة يا ام عبدالله جعلها الله في ميزان حسناتك
تهبل
هايلة
تشهي

الله يسلمك يا أختي المستغفرة شكرا لك وما شاء الله على محمد و عبيدة عيدك مبارك.

صدفات · 2014-10-01, 09:56

يعطيك الصحة
تبان هايلة هذه هي الغريبية نتاع زمان جاري التطبيق إن شاء الله

douniadiab4 · 2014-10-01, 10:40

يعطيك الصحة هايلة

ام حمزة22 · 2014-10-01, 11:53

يعطيك الصحة روعة راهي تبان تشهي

دائمة الحمد · 2014-10-01, 11:57

هائلة أم عبدالله ماشاء الله تهبل

mounia hse · 2014-10-01, 12:12

merciiiiiiiiiiii bcp

ام رشدى · 2014-10-01, 12:17

4444444444444444444يعطيك الصحة نقدر نخدمها بالمارغرين ولا لازم السمن وماهو اسم السمن المستعمل والسمن كي نحطو في الثلاجة ونجبدو يكون جامد ولا مانخليهش يجمد اي مجرد يبرد فقط لاني حاب انجربها وجامي صلحتلي

ام عبد الله 22 · 2014-10-01, 12:39

اقتباس:

المشاركة الأصلية كتبت بواسطة ام رشدى

4444444444444444444يعطيك الصحة نقدر نخدمها بالمارغرين ولا لازم السمن وماهو اسم السمن المستعمل والسمن كي نحطو في الثلاجة ونجبدو يكون جامد ولا مانخليهش يجمد اي مجرد يبرد فقط لاني حاب انجربها وجامي صلحتلي

الله يسلمك أنا الغريبية عمري ما درتها بالمرغرين لأنها بالنسبة إلي تجي كي petits fours لكن تاع السمن راه ذوقها يجي روعة .
أنا نستعمل سمن مدينة لأنه ما فيهش ديك البنة القوية وديريه في الثلاجة ماشي في الكونجيلاتور و ما عليش لا جمد بالباتور يطرا بسرعة و ربي يعاونك توكلي عليه وراها تصلاحلك إن شاء الله.