فهموني اذا راني غالطة

[hadjerjouja]

انا ما عنديش بزاف ملي تخطبت خطيبي يحب يتحكم في كلش يخصني يدخل في كلش قالي ما تزيديش تروحي للسوق وكل حركة ديريها لازم نعرفها قبل ما ديريها يتعامل معايا على اساس مرتو اليوم تعاركت معاه قتلو مدامني في دار بابا هوا لي يتحكم فيا انت مزلت ما وليتش على اسمك نهارلي تعقد تحكم فيا قالي انا عندي مدامني خطبتك عندي الحق نامرك وندخل فيك انا هذي عقليتي معقد وانتي شوفي واش يخرجك قولولي يا ناس غلطت ولا وعلى حساب واش راني نشوف البنات الكل غير يتخطبو يولوتقول مخطوبين وانا هذي العقلية ما قدرتش نتقبلها

[hadjerjouja]

اذا غلطت قولولي

[knives66]

ممممم هذا قال راه معقد يعني مريض

اما قضية يتحكم في كل حركة هنا فسدها من حقوا يعرف خبارك واش يخصك امور كيما هكذا

اما هذي ما تخرجيش ما ديريش وهو ما عقدش هذا معول يكرهك من ضورك

[آمِيْرَتُه]

السلام عليك
كل واحد و عقليته
عن نفسي قبل ما نخرج نقوله وين رايحة
و اذا كاين حاجة تناقش فيها معاه
مي ماشي محسسني بلي مخنوقة
غير بالعقل و تفاهمو
منقدروش نحكمو عليه اذا كان معقد و لا مريض
لأن تقريبا لي يخطب يبغي يحكم
و الله اعلم
ربي يهنيكم

[مراد سابقا6]

انا واحد مازال مخطبتش

بصح كي نخطبك ندير كيما هو

مانيش نلزم عليه تقعد في البيت بصح كي ترخج تخبرني

لا أحب الدياثة

[عفاف عفة]

السلام عليكم .....
ختي الراجل تهم فيه العقلية .....إدا كانت عقليتو ماشي عاجباتك افري كلشي هنا قبل ماتتطور الامور .....لكن قبل إستخيري ....ماتعيشيش تحت التسلط تاعو على خاطر هدا سكوت عن الحق .....
في أمان الله

[مريم سلمى الجزائرية]

السلام عليكم و رحمته تعالى و بركاته:
أختي أرى و الله أعلم أن لا وَلاية له عليك ما دُمتما لم يُعقد قرانكما فهو ليس من محارمك حاليا ،و ليس من حقه ما يقوم به فوالدك حفظه الله هو ولي أمرك.
عليكما أن تُرْجعا في أموركما لديننا الحنيف فهو من يعطي لكل ذي حق حقه و ليَكُن النقاش مبنيا على حسن الاستماع و اللباقة في الرد حتى لا تُعَودا نَفْسيكُما على الإساءة بالكلام فيعقبها إساءة بالتصرف لا قدر الله.
فإن أردت أن تستشيري فاستشيري دائما أولي العلم و ليكن إمام في المنطقة التي تسكنين فيها.
وفقك الله إلى ما يرضاه.

[نورسين.داية]

المشاركة الأصلية كتبت بواسطة مراد سابقا6

انا واحد مازال مخطبتش

بصح كي نخطبك ندير كيما هو

مانيش نلزم عليه تقعد في البيت بصح كي ترخج تخبرني

لا أحب الدياثة

لا أعتقد أن الأجنبية تقبل هذه العقلية ..............................ربي عاونك

[نارينا]

المشاركة الأصلية كتبت بواسطة نورسين.داية

لا أعتقد أن الأجنبية تقبل هذه العقلية ..............................ربي عاونك

الاجنبية الكتابية سواء يهودية او مسيحية ستقبل يانورسين ألا تعلمين أنه لم يخلق مثلها في البلاد ؟؟

[نورسين.داية]

السلام عليكم

عزيزتي هذه الشكوى كان من باب أولى توجهينها لنفسك أنتي ، علاش ....منطقيا تحركاتك هو من أين ينزل عليه الوحي بها في رأيك ؟؟؟؟؟؟؟؟؟؟؟؟؟؟؟؟

أنتي طبعا تعطينه ميز أجور اليومي .............c est normal هو يحب يلعبها راجل .................أوقفي توريد المعلومات يحبس عليك parasite
ببساطة

[عبد الله 22]

ماعندوش الحق وهذا العقلية نتاع واحد يعتقد أن الرجولة هي الامر و النهي وأنه ذو شخصية تمكنه من السيطرة عليك في حين هو فقط مجرد خطيب في إي وقت يمكن ان ينسحب الامور هذه مفصول فيه الشي الوحيد التي أنت مدين له به هي أن لا يخطبك شخص أخر

[bellaluna]

لست مخطأة أختي و هو خطبك من والدك وليّ أمرك إلى أن يتمّ عقد قرانك فتتحوّل الولاية للزوج قبل هذا ليس من حقّه لا محاسبتك عن وقتك و لا مالك و لا حتّى الخلوة بك لأنّه أجنبي عنك. و من إحترام الخطيب لخطيبته و عائلتها أن لا يُشكك في مسؤولية و الدها و لا يدّعي أنّه أحرص عليها من والدها.

[hadjerjouja]

بارك الله فيكم

[loulou88]

اختي كل واحد وعقليتوا مي انتي فهميه غير بالعقل بلي مش منحقوا يتحكم فيك من درك خاطر راكي كازلتي ساكنة مع باباك
والله اعلم

[samirabahi]

واش بغيتي صبتي راجل يخمم فيك ويخاف عليك ويحوس وين تروحي زعمى راه يغير انتيا فهمي ماعليش