عادة غلاء الاسعار بعيدا عن .......وضعية السوق

[كاميلا]

السلام عليكم
موضوع مهم وحساس للغاية كثير ما نسمع بما يعرف بتخفيض الاسعار عند اقتراب الاعياد المسيحية لدى الغرب يعني تصبح فترة solde ايضا ومايخدث عند الشرق المسلم هو العكس اللي يبيع الخضرة يسرقك واللي المواد الغذائية يسرقك تخيلوا يوجد عصير لشركة bifa راهم هنا في قسنطينة يعني المصنع راهو هنا كاتبين فيه سعر للمستهلك 20 دج كاين منهم اللي يبيعوا ب 30 دج هذا كمثال بسيط عن جنون الذي اصاب هذا المجمتع كي يقرب المواسم يكثر التايهوديت حاشاكم لارحمة ولا شفة انا عملي بسيط هو صناعة الحلويات من المنزل بالطلب وقررت عن طيب خاطر نخفض سعر في مايخص حق يدي يعني قررت خاصة في فترة الاعياد والمواسم والاعراس ندير سعر للجميع راني جزء من هاد المجتمع رغم انه فيه العديد من اللي ميستاهلوش بصح هذا قرار نابع عن اعتقاد كبير وقررت كخطوة ايجابية نخفض السعر مع نفس الجودة لكل الزيونات في المواسم والاعياد لانه صراحة غرت الغرب الكفار مع انني لي صديقات من الغرب علابالي باللي كفار بصح عندهم الانسانية اللي افتقدناها في مجتمعنا فما رأيكم بفكرتي البسيطة