احتقر نفسي بسببه

[مشكلتي]

السلام عليكم
انا فتاة 26 سنة في مرة تلقيت رسالة خلوية من شاب (كان يدرس معي و شاءت الأقدار اننا توظفنا معا في نفس القطاع ثم نجح في مسابقة اخرى وترك القطاع) كتبلي انتي تعنيلي وحاب نكمل معاك حياتي في الحقيقة ان طنشتوا ومرجعتلوش بعد اسبوع رجع بعتلي رجعتلوا كتبتلوا ادا كاين نصيب وعلا ش لا ؟؟ بصح انت لازم دير خطوة
الحقيقة اتصل بي وتحدثت معاه مطول لأكثر من اسبوع حتى اصبح الحديث تافه وممل وهو اصلا يعرفني جيدا من اكون وكثرة الحديث في الفراغ ليس له معنى مادام ليست هناك علاقة شرعيةولأنه ببساطة حديث حرااااااام
استجمعت قوتي وصليت صلاة الإستخارة لمرات عديدة واتصلت به وحسمت الأمروقلت له بالحرف الواحد :*يا فلان انت يخي قلتلي راك ناولي لحلال يا ولد الناس ارواح اخطبني وقولي كلمة واحدة ايه ولا لا قالي :*درك مستحيل معنديش الوقت والامكانيات وانتي تشوفي فيها ساهلة بصح يخي قلتلك نجي نخطبك في الصيف *
قلتلوا *خلاص اسمعت انا المفيد وغلقت الاتصال بيه*
بعد تقريبا اسبوع بعتلي برسالة :كي نجي للولاية ونتفاهمو نلقى حل يرضيني ويرضيك
مارجعتلوش انا خلاص
البارح زاد بعت رسالة وقالي :اني جيت للولاية ارواحي نتلاقاو
انا مرجعتلوش خاطر حسيت باهانة كبيرة واحتقرت روحي

اخوتي ارجوكم لا تلومني ولا تعاتبوني اريد فقط النصيحة لوجه الله
دلوني بطريقة واقعية بعيدا عن المثالية
من فضلكم

[غليزاني 26 سنة]

نورمالمو رانا في الليال عشر
ان شاء الله تلقاي اجابة شافية اختي

[بثينة 24]

اختي ربي يهديك لي عينو فيك يجيك لدار مش يبعثلك رسالة تروحي تتلقايه والله عيب يخي قلتي يعرفك مليح وعلاه ماجاش لداركم ولكان ظروفه مش مليحة يمد غير الكلمة حتان يفرج ربي

[Jack-Sparow]

وعليكم السلام و رحمة الله

أختي الكريمة أنصحك نصيحة مثل أختي ... إياكِ ثم إياكِ أن يغرنك الشيطان و تخرجي معه ... و دائما أقول أن الوعد بالزواج باب يستعمله الكثير من الذئاب البشرية ... طبعا أنا لا أتهم هذا الشخص بعينه ... لكن أقول لك من يريدك و يريد الخير لك يأتي من الباب المشروع و لا داعي للطرق الملتوية ...
هذه نصيحتي لكِ ... لا تكلميه ...قولي له إذا أردت أن تطلبني للزواج باب الدار راهي مفتوحة ...و أسأل الله أن ييسر لك أمورك و جميع المسلمين

[knives66]

قوليلوا درنا فيها باب حاب تخطب اروح من الباب هدرنا و كملنا الهدرة

بقاء وقت عمل إذا راك واجد مرحبا إذا مزالك وجد روحك كي توجد

مرحبا بيك

[الصديق قروف]

ياخي حكيتي ماه واش بغى يزيد يتفاهم

مدام يعرفك وعلاش طلب تتلاقيه الا ادا مكانتش نيتو ماشي مليحة

[doba]

ربي يحييب الخير

[naamane3]

تصرفك سليم
واصلي تجاهلك له
لانه وحسب كلامك
لا يريد الا ما حرم الله

[نقاء روح]

اختي انت ناضجة وواعية لا تصدقي الذئاب البشرية
لو يريدك لعمل المستحيل وخطبك حتى بالكلمة برك
ابتعدي عن هذه الطريق
وادعي الله بالزوج الصالح الي يجيك من الباب ماشي من الطاقة يبغي يعقب بيك الوقت ومن بعد يقول ليك ماكش شريفة لخاطر خنتي باباك واهلك راح نحوس على الطاهرة النقية

ابتعدي وبدلي رقمك واخطيك من التوافه زوجك كتبه لك ربي وانت جنين في بطن امك لا تقلقي سياتي وحده
وربي يسير ليك

[bibicha]

شوفي وةاسمحياي على كلامي هذا ماراهوش ناويك لي يكون ناوي لحلال والله يتسلف و يجي يحط عليك اليد و زيد ماعندوش الوقت واش ورجع رئيس
ددولة بغففف انسان تافه اسمحيلي حنونة نقولك باي هاذا انسان مارايحة تدي من عندو والو الوغ خلي روحك شريفة و عفيفة و مدام حكيتو فالهاتف قولو لا عندك هدرة قولها فالهاتف علاش حتى نتلاقاو و مدام شقا لولايتك راه عندو الوقت
الله يبعثلك نفس مومنة يا رب

[راية الاسلام1]

السلاام عليكم
اختي غيري رقم هاتفك، ان كان يريدك حقا فسياتي بااحثا عنك، وان كان غير ذلك فسيُفضح
انت اخطأت حين تساهلت معه من البدااية
اياك ان تلتقي به أختي،
موفقة

[نورسين.داية]

السلام عليكم

هو هذا النوع من المواضيع ما يجعلها تافهة .....الدوران في حلقة مفرغة ......تعلمين شخصيا ماذا أستنتجه من هذه الوضعية أن كلى الطرفين ليس جدي و خصوصا الشاب ......يعني gaspillage du temps في آخر المطاف ....ذلك الشاب لا ينوي شيئا من الأصل .....و القصة كلها لهو لا أقل و لا أكثر

و انتي قيمي الموضوع بطريقتك .............

[hodahodahoda]

خداري

ادا اراد الحلال الطريق واضح

[anise2011]

لي عينو فيك يجيك لدار مش يبعثلك رسالة

[الجنة الجنة]

اسألي نفسك ما الفائدة من الالتقاء لما تجاوبي على هذا السؤال راح تعرفي الطريق اللي تديه ربي يكتبلك اللي فيه الخير