شريك الفنيانة ....أخيرا

[أم محمد علي 25]

السلام عليكم و رحمة الله تعالى و بركاته

أولا آسفة على التأخير و هذا راجع إلى طبيعة عملي، بدون إطالة إليكم الوصفة.

1kg فرينة ، كأس إلا ربع سكر حرش ، كأس إلا ربع زيت ، 4م ك خميرة خبز ، 1 م ص ملح ، نصف لتر حليب دافئ ، 2 بيض ( 1 بيضة + بياض و الصفار ندهن بيه)

نخلط كل شيئ ماعدا الفرينة و من بعد نشيح بيها لازم تكون عجينة طرية ، نخليها ترتاح نصف ساعة ( نغطي الإناء و ندخلوه إلى فرن دافئ)

نشكل كريت بحجم حبة التريدة و نخليوهم يطلعوا 2 ساعات و من بعد ندهن بخليط البيض + الحليب و نرش بالسكر أو الجلجلانية و نحطهم يطيبوا في فرن مسخن مسبقا.

ما يديش وقت طويل كي تشمي الريحة خلاص راه طاب ، شهية طيبة

سلام