ساعدوني في اقناع اخي

[غزة في قلبي]

السلام عليكم و رحمة الله تعالى و بركاته
اخي 21 سنة منتقل الى السنة الثالثة جامعي تخصص مالية ( تسيير و اقتصاد ) نجح بتفوق بصح ما علاباليش واش صرالو حاب يحبس و يخدم قالك لوكان نعول على الشركات و الخدمة بالتخصص نتاعي نطول
المهم انا نصحتو انو يكمل و يدخل مسابقة الحماية المدنية برتبة ملازم كي يكون ان شاء الله عندو ليسانس ،، حقيقة ما عنديش بزاف معلومات عليها علابالي كاين ستاج و مبعد الخدمة نهار و يريح نهارين
عاونوني نخليه يقرا هاد الموضوع و نقنعو يكمل لانو هو يسمعلي كوني اختو الكبيرة مادابيا يكون اقتراحي مبني على معلومات
1/ ما هي مدة التربص ؟ و هل هناك تعويض فيما بعد عن هذه الفترة ؟؟؟
2/ ماذا عن الخدمة الوطنية ؟؟ هو قام بالتأجيل ( سورسي ) كونو مازال يقرا في الجامعة ؟ و هل يتحصل على البطاقة الصفراء بعد انتهاء التربص ؟؟
3/ هل يحتاج الامر الى معريفة كبيرة لاننا معتمدين على ربي و ناس على قد حالنا كم نسبة نجاحو في المسابقة اذا ما توفرت فيه كل الشروط و اجتاز كل الامتحانات بنجاح ؟؟
4/ خويا من عنابة اين يدفع الملف ؟ و الستاج وين ؟؟ و الخدمة يبعتوه لولاية اخرى او لا ؟؟
5/ طبيعة العمل هل يقوم باطفاء الحرائق ام يعمل في الادارة اي في مكتب ؟؟
6/ و اخيرا الراتب ؟ كم يقدر و لو بالتقريب

و شكرا لكم اتمنى ان تجيبوا عن اسئلتي سؤال سؤال خاصة لذوي الخبرة و اجركم على الله
في انتظاركم انا و اخي لانه سيقرأ الردود
في حفظ الله