وضعية المتطوع في حالة الفائض

[dzmohamed]

هل صحيح ان الجندي المتطوع لا يمكنه الاستفادة من الاعفاء في حالة الفائض
ارجو منكم افادتي لاني في حيرة من امري
و بارك الله فيكم

[Himoo9]

على حسب علمي ماكانش منها لأنو كاين متطوعين و خرجوهم في الفائض و كاين متطوعين و خرجوهم عادي بالملف الطبي...و في الأخير الي كاتبهولك ربي راهو يستنى فيك

[أحمد زابانة]

نعم هذا ما يحصل لا علاقة بالأمر بين متطوع أو مجند أو عاصي حتى ممكن تخرج فائض بصفة عادية

[dzmohamed]

راكم متاكدين?? لان هذا الكلام سمعته من قبل ولكن ولا واحد اكد لي الخبر او اشار الى وجود قانون معين
لاني حاب نتخذ قرار بين نروح متطوع او لا
وبارك الله فيكم على الاجابة و المساعدة

[Himoo9]

هذا واحد راح لبجاية في 16 سبتمبر كمتطوع و خرج البارح هاهو واش قال

أنا ركبت متطوع و الأغلبية كانو متطوعين
في ما يخص الفائض ما زال ما بان والو
و الملف الطبي قبلوني و راني فالدار على الرغم متطوع
ناس تهدر غي هاك من راسها
بالاك فائض فيها تخمام متطوع الله أعلم
و راني سقسيت واحد رقيب قالي ما كان ما دخل متطوع و لا مشي متطوع منجمتش نجيب تفاصيل أكثر المعلومات كانت شحيحة

[العصفور الهائم]

يا خويا وش رايح نقولك

في مركز الخدمة الوطنية بالناحية العسكرية الاولى بالبليدة

كي تدخل لقاعات الانتظار تلقاهم مافيشين في الحيط عدة قوانين من بين هذه القوانين كاين قانون مكتوب البند العريض بلي المتطوع له

الحق في الخروج كفائض في حالة التشبع مي كي تجي تشوف الصح وراه كاين ثاني قانون آخر يقلك بلي المتطوع له الحق في اختيار الثكنة انا روحت ليهم وجيت نخير الثكنة قعد السيد يضحك قالك ماكانش منها المتطوع خير الثكنة قلت له بان هذا القانون كايم منو وكي كثرنا اعليه انا وواحد السيد كان معايا قالنا بلي العام الليفات كنا مطبقينو مي السنة راه تنح هذا القانون (مع العلم كيما قتلك راهم مافيشيينو في الحيط) هكداك و الله ماقيمنا و عطانا أوامر الاستدعاء بلى ماخيرنا

امالا وش نقلك مادام مقبولوناش و بلعطونا في حكاية اختيار الثكنة
ممكن جدا يحصل انو المتطوع يشدوه ولا مايشدوهش في حالة الفائض الله أعلم
وش رايح انقلك كلشي بالمكتوب وانت اذا كنت مديسيدي باه تروح . دير في بالك بلي راك معول تعقب وخلاص باش مايطيحلكش المورال.

[Himoo9]

هادي هي خويا + في عنابة تقدر تخير عادي جدا كي تدخل و تقولو جيت نرفد oa وحدو وحدو يقولك وين حاب تروح..كل ثكنة و كيفاه

[elhacene.ab]

اخي ماكاشفرق بيناتهم لان عند دخولك المدرسة ينحولك الاستدعاء و ياتوك بون و يولي هذاك هو الرمز تاعك كيما كامل الناس و مينجموش يفرقو بيناتهم هذا فيما يخص الفرق
اما الفائض انت كيما كامل الناس لي داخل الثكنة انا خويا مستفاد مالفئض رغم انو راح متطوع اقسم بالله مكان فرق بين المتطوع و العادي

[أحمد زابانة]

الأخ لي قال بلي المتطوع لا يختار الثكنة أقول له هذا غير صحيح ، لأنه من حقك تختار الثكنة لي تحب أنت لكن هذا العام حصل مشكل في بعض الثكنات هناك عدد رهيب جدا ... لأنه مثلا هناك ثكنات عدد المسجلين فيها أكثر من 2000 و هي تستوعب 300 يعني أين سيتم اضافتك ؟؟؟ ههههههه
لذلك سيقول لك أن الثكنة منفجرة اختر ثكنة أخرى و هكذا ..... يعني القانون يتغير للضرورة أحكام أليس كذلك ؟
أما المتطوع فيمكنه الخروج مع الفائض و على لسان الكولونال عنده أولوية في الخروج ... مثلا لو كان الاختيار بين المتطوع و المجند سيختارون المجند لأنك أنت متطوع يعني زائد هذا ما قاله لي الكولونال .