أنا نصرف بزاف

[karim vovinam]

السلام عليكم
أخوتي مشكلتي بالك تضحكم
أن دوكا أني نخدم فل السوق نبيع الحوايج تاع الخارج الحمد لله أنا عندي مودة و أنا نخدم و نحب نلم دراهم مرة لميت مليون روحت شريت تيليفون ليما و خلاصو وكولما نلم نشري هجة للدار ولا لوالديا و هما يقولولي لم بش تبني و أنا أني هب نبني و الشكل أنا نصرف بزاف معرفتش واش ندير حرة و الله عونوني الله يستركم حا نبكيييي هههههههه ما تضحكوش عليا ههه أيا سلام عليكم

[loufa]

السلام عليكم
بارك الله فيك تحب تفرح والديك لكن بما انهم طلبوا منك تلم فكل مرة تجمع فيها مبلغ اعطيه للوالدة نتاعك وقولها هاذو للبنيان واذا خصيتو او سخفتي على حاجة نقصو منهم
اما اذا قعدو عندك انت رايح تصرفهم
ماتنساش تخلي مصروفك الخاص بك حتى ماتقعدش كل وقت تطلب من الوالدة

[فارس وجواد]

عليك بحصالة .

[كلنا راحلون]

هههههههههههههههههه

[mouloudfan]

ربي يحفظك لوالديك وسمع رايهم هذي هي النصيحة

[salem1985]

ربي يوفقك اخي تهلا في والديك

[first first]

شوف اخي.........مادام عندك هاد العقلية راك جامي تخبي.
يعني مهما يزيد مدخولك اكيد يوجد ماينقصك او ينقص العائلة واكيد راح تصرف.
احسن نصيحة انا شخصيا نديرها............خلي مبلغ مصروف والباقي مدو للوالدة........وقلها متخليكش تقيسو...........هكا ماتصرفش.
وكاين حل كان يديرو اخ زميلة اختي......منين يلم مبلغ يشريه لويز ويخبيه بصيغة دهب ................هكا يحافظ عليه.

[" أبو عبود"]

شوف يا خويا، ما تككثرش الحسابات. اصرف على والديك ولو ما يبققالك حتى دورو لان ربي يعوضك من جهة اخرى وهذه عن تجربة. لكن ابتعد عن الاشياء لي ما عندهاش قيمة. هذي حكاية هاتف اخر طارز والفليكسي لي ما فيهش فايدة. اما الواجب ولو تتسلف ما يهمكش لان ربي مش رايح يخليك صدقني راني نقلك عن تجربة