بطاطا بولونجي

[ام عبد الله 22]

أردت تقديم هذه الوصفة البسيطة لأنها محبوبة من عند الدراري الصغار.لكم الكيفية
خدي كمية من البطاطا نقيها و قطعيها دوائر و ملحيها حسب ذوقك وحطيها في مقلاة طبقات مثل ما في الصورة



ثم إغمريها بالزيت و ما تخافيش ما تجيش مزية



شوفي مستوى الزيت



ثم ضعيها على نار هادئة تنضج وغطيها نص نص



وخطرة على خطرة دخلي فيها الموس وشوفيها لا نضجت. كي تنضج فرغي منها كامل الزيت بدون ما تفقد شكلها المستف. جبي بيضات حسب كمية البطاطا و ضيفي لهم ضرسة ثوم مرابيا وملح و فلفل اسود خلطيهم او ضربيهم مليح وفرغيهم على البطاطا ورجعيها للنار الهادئة وفي هذا الوقت حضري صلصة طماطم كي ينضج البيض فرغي فوقها الصلصة.



و هذا التبسي لوليدي الصغير



بالصحة و العافية.