انصحوني

zinou107 · 2014-09-08, 18:48

السلام عليكم خاوتي حاب نستفسر بخصوص المتطوع هل عندو الحق في الفائض او
الاعفاء بسبب طبي
و وش هي الثكنات لي فيها الفائض بزف مع العلم قالولي في مركز التجنيد تقدر تخير اي
ثكنة غير بجاية لانها كومبلي
مع العلم عندي شهادة مهندس دولة في الهندسة المعمارية و خايف لا يحكموني كي يطلبو
اختصاصات معينة لان اختصاص تاعي يبعتوهم لبجاية
انصحوني بخصوص التطوع واي ثكنة اختار و بارك الله فيكم

zinou107 · 2014-09-08, 20:11

و لا رد !!!!

zinou107 · 2014-09-08, 20:21

خاوتي لي عندو كاش نصيحة و معلومة يفيدنا بها بارك الله فيكم

sinopointic4 · 2014-09-08, 21:15

عندك الحق في الفائض في حال الثكنة لي وحت ليها كومبلي
وتاني الاعفاء بسبب طبي لكن بشرط يكون لديك ملف طبي قوي

zinou107 · 2014-09-09, 02:12

بارك الله فيك اخي sinopointic4
الاخوة وش من ثكنة فيها الفائض بزاف

zinou107 · 2014-09-09, 16:20

و لا نصائح !!!!!!!!!!!!!!!!!!!

khaoula la dentiste · 2014-09-09, 16:37

خويا زينو.. انا سجلت متطوع بصح خيرت تامنتفوست. المدرسة العليا للبحرية ..
خيرتها اعلى جال بزاف احوايج..منها.. مدرسة جيدة و الناس شكروها بزاف .. قالوا الاقامة تاعا مليحة و المكلة و اك تعرف و قالوا بلي هي المدرسة الوحيدة لي تخلص فيها على جال الماكلة بتلي 70 دج لليوم يعني كل شهر ينيحولك 2100دج من الشهرية.. و زيد على ذلك المدرسة ترفد 70 واحد فقط هما يبعثوا لواحد 250 و بلاشي جماعة لي تجي متطوعة.. و الميتاسيوا نتاعها غير فالساحل ... اما بخصوص الفائض في هذه المدرسة يشوفوا اذا كاين اي مدرسة خاصة في العدد يبعثولها ولكن الان و العلم لله المدارس كامل فيها الفائض او على الاقل الكتفاء ... و الفائض اصلا امر غير ثابت يتغير من كل دفعة كيما دفعة لي فاتت كان فيها فائض كبير ومن المتةقع ايضا في دفعة مارس فائض كبير نضرا للعدد الذي يريد ان يلتحق وزيد على ذلك الناس كي سمعت بلي راهي عام فقط حبين كامل يفريوها.... هذي هيا خويا نشاء نكون افدتك واي معلومة اخرى او استفسار اني اهنا

zinou107 · 2014-09-09, 19:06

بارك الله فيك اخي khaoula la dentiste
وش رايك نطلبها متطوع في الحراش و هل فيها امل في الفائض

khaoula la dentiste · 2014-09-09, 19:33

شوف واش نقول لخويا حاجة يكون فائض او لالا هذا من امر الغيب.. ماعلبناش بيه... بصح نقولك بلي الحراش كان فيها فائض في الدفعتين السابقتين فائض كبير ثاني المدرسة تحكم اذا ماخنتنيش الذاكرة حوالي 300 و هي دخلولها واحد 800 او900 او اكثر طلقوا لي درلهم الطبيب inappet و ام بعد بداو يطلقوا جماعة الفائض .. و كيما احكالي واحد ولد بلادي و راهوا يفوت ذرك الثم فالحراش قالي فالفائض تلقوا للكبار في السن و المتزوجين وهذا اخبر رسمي

zinou107 · 2014-09-09, 19:53

بارك الله فيك اخي khaoula la dentiste
و هل للمتطوع الحق في الفائض و الاعفاء بسبب طبي

hakim-medea · 2014-09-09, 19:58

اسمحلي يا اخي انت ذكرت بأنو ماحبيتش تدير في بجاية لانو كومبلي
ممكن تفهمني في هاذي تعيش
شكون قالك بلي تعمرت و هل هذا يعني وجود فائض فيها
أنا رايح في 22 /09 و ماهي حظوظي في بجاية ؟ تعيش فهمنا لحبيب
شكرا مسبقا

khaoula la dentiste · 2014-09-09, 20:03

اقتباس:

المشاركة الأصلية كتبت بواسطة zinou107

بارك الله فيك اخي khaoula la dentiste
و هل للمتطوع الحق في الفائض و الاعفاء بسبب طبي

الاعفاء بسبب طبي راهوا حق مشروع ان اثبت ذلك من عندطبيب الثكنة.. اي اذا المرض تاعك يستاهل اكتدي اعفاء.. ام بخصوص الفائض فليس هناك شيء موحد فهناكمن يجندون المتطوعين و ليس كلهم عينة فقط ..وهناكمن لايستعرف باتاتا بكلمة متطوع و يصنف مثله مثل غيره.. و في الفائض يبداو بجماعة المعريفة و من بعدكاين لي يخرج على حساب السن او المتزوجين او الطول او الديبلوم.... و ربي يوفقكو يرزقنا بالاعفاء

zinou107 · 2014-09-09, 20:29

بارك الله فيك اخي khaoula la dentiste
و هل للمتطوع الحق في الفائض و الاعفاء بسبب طبي

khaoula la dentiste · 2014-09-09, 20:32

جاوبتك خويا zinou.. اقرا الرد

zinou107 · 2014-09-09, 20:33

شكرا اخي khaoula la dentiste على هاته النصائح
و ربي يسهلنا امورنا كلنا ان شاء الله