هام جدا لمن سيلتحق في سبتمبر

just do it · 2014-08-20, 23:35

اولا لازم تعرفو بلي كاين زوج دفعات وحدة ف 15 سبتمبر ووحدة ف 22 سبتمبر والخرجة كيفكيف وقادر دير الروتار سمانة ولا بصح الاحسن تدخل بكرب بسك قادر يديرولك قالب ويقوللولك بلي ساي منزيدوش نستقبلو ويديروك يا انسومي عاصي ولا يعطيوك سورسي وتولي ضيعت 6 اشهر عل جال يمات روتار
ما اود قوله معلومة بسيطة باه تكونلكم فالبال فقط واخص بالذكر هنا اللي يدخل ويحكموه يفوتها الله يبعد الشر عليكم
كي تدخل ف 15 سبتمبر بالضبط راك من حقك تخلص هذاك الشهر يعني يتحسبلك بسح لومان تدخل من 16 و طلع راك متسالوش ومعلومة اخرى حافظ على دراهمك كي تدخل لانو عندك 4 اشهر عاد باه تخلصهوم رابال ايه رابال كبير يبالك كيما 40 مليون المهم يعني كي يجي تريزوري يخلصكوم غادي الي دحل ف 15 بالضبط حتى لو كانت ويكاند دخل هذاك يخلص شهر زيادة عل الي دخلو ف 16 وطلع
يعني نتا اذا ممعولوش دير روتار بزاف روح دخل ف 15 خيرلك ومتقولش معندي مندير بدراهمه بسك داك الوقت تكون مشومر لوكان يزيدوك الف فرنك متلقش
نصيحة مهمة فالعسكر اذا راك باغي تنجح حفظ الميم تحفظك يعني تبعها غي مشفتش منعرفش مكانش ,,,,,,, وماداسرش بزاف وماتلعباش مارق بسك يقولك كي تدخل الكزيرنة الرجلة نحيها وخليها عند الباب ومتوصلش روحك حتى واحد مايلحقك بسك تولي فتلع وهبط وممكن محكمة عسكرية لاقدر الله وتعشي دارب 5 سنين خدمة وطنية وصرات لشحال من واحد
ملاحظة معلوماتي راني نمدهالكم عن تجربة شخصية مشي رادو تريتوار بسك انا ملقيتش الي يقولي هذ الصوالح قبل ماندخل والي قالي شي حاجة قالها بلا ما يعرف وغلطني
الله يسهل

no name rix · 2014-08-20, 23:46

شكراا لك
راك زيدتناا السوسبانس

amine eco · 2014-08-21, 03:09

لا بركا متغلط في ناس يا اخي دخول مبكر ماشي احسن حل

انا كنت في اغواط الاسبوع الاول دخلو 400 لبسو 300 منهم ومنبعد ياوليدي زادو 800 سفيل ههههه من خلعة لي كانو لابسين بداو يندبوا واش جابنا بكري

+ يا اخي ههههه تغامر ب 18 شهر من اجل 9000 دج ههههههههههه واش من منطق راهي ليهم كون ةاحد يعرف روحو يخرج

+ اصلا فترض واحد حاب يفوتها هههه علاه يتمرند 10 ايام يربحها رقاد في دارهم

اكررو اعيد توقيت دخول كذلك مهم جدا

shane2010 · 2014-08-21, 03:46

هههههه فهمونا خاوتي ندخلو بكري ولا لا !!!!

amine eco · 2014-08-21, 04:01

حسب كزيرنة لي رسلوك ليها وحسب مكالمات هاتفية للاعضاء للدخلو اوائل هوما يوجهوك

shane2010 · 2014-08-21, 04:54

انا في تمنفوست و المشكل انا الاول لي راح نروح من صحابي

just do it · 2014-08-21, 14:49

خويا amine eco نظن تحصلت على التالق غي مشنطاج واش فوتها ولا راك غي تسمع امالا نعاود نديرلك درس بلي راك فهمت غالط ثانية فيبالي راك تقرا غي العنوان وترد ة
انا قلت اذا راك باغي تدخل ف 16 وماباغيش دير الروتار بزاف احسنلك تدخل ف 15 و اذا باغي دير كيما قلت 10 ايام فوتها فالدار خير لك وبالنسبة للاعفاء على حساب الكزرنة باه متغلطش خوتك كاين الي تطلق توالا وكاين الي تطلق لوالا
انا عندي زوج لافامي دخلو لوالا ومن لسو ودربو قريب شهر ومن بعد دخلو وحدين جدد امالا تلقو لوالا و حكمو هذوك
والخلاصة ديرها فيد مولانا ولي جابها ربي رضى بيها ومتنساش قوله تعالى "وعسى ان تكرهوا شيئا وهو خير لكم "
خويا الايكو رجاء متزيدش تفهمني غلط وتغلط الناس معاك ولا تتكلم بما لا تعلم
وشكرا

amine eco · 2014-08-21, 15:38

اقتباس:

المشاركة الأصلية كتبت بواسطة just do it

خويا amine eco نظن تحصلت على التالق غي مشنطاج واش فوتها ولا راك غي تسمع امالا نعاود نديرلك درس بلي راك فهمت غالط ثانية فيبالي راك تقرا غي العنوان وترد ة
انا قلت اذا راك باغي تدخل ف 16 وماباغيش دير الروتار بزاف احسنلك تدخل ف 15 و اذا باغي دير كيما قلت 10 ايام فوتها فالدار خير لك وبالنسبة للاعفاء على حساب الكزرنة باه متغلطش خوتك كاين الي تطلق توالا وكاين الي تطلق لوالا
انا عندي زوج لافامي دخلو لوالا ومن لسو ودربو قريب شهر ومن بعد دخلو وحدين جدد امالا تلقو لوالا و حكمو هذوك
والخلاصة ديرها فيد مولانا ولي جابها ربي رضى بيها ومتنساش قوله تعالى "وعسى ان تكرهوا شيئا وهو خير لكم "
خويا الايكو رجاء متزيدش تفهمني غلط وتغلط الناس معاك ولا تتكلم بما لا تعلم
وشكرا

انت اخي كلام غير عام وقلت روحو مع لولا تابع واش كتبت مليح

انا قلتلم التأخر او مع اوائل يعتمد على ثكنة

ونتحداك واحد راح مع اللولا لي تلمسان مثلا وطلقوه لانه في اغلب يطلو متأخرين على عكس يسر لي يخرجو الاوائل

بنسبة ليلبسو يخرجوهم منبعد غير لي عندو زهر لانه مستبعد واحد يدربو 20 يوم منبعد ينحيلو كومبا يخرجو

بنسبة لي انا كنت مع الاعضاء الحمد وكامل خرجنا نصف ملف طبي وفائض وبعض كفالة وجهتم وو جهوني والحمد الله جنا في 6 اعفاء راهم هنا ويحكولك كيفاه خرجنا

انت راكم بريزي كي حكموك برك ربي يقدرك خويا

+ خلينا منه هدرة تاع دراري هاذي تألق شونتاج اععععع تعيف

~~بن ثابت3~~ · 2014-08-21, 22:57

السلام عليكم

الذهاب حسب عقللية الثكنة

فمثلا في تلمسان من خلال سؤالي وترددي على المنتدى علمت انها تطبق الاواخر واللي لبس يعقب وبفضل الله كان كذلك جوزت أسبوعين كان معي العديد من اعضاء المنتدى الاخ منير - هاني ....والعديد تعرفت عليهم هناك هم من أهضاء هدا المنتدى وخرجنا مع الفائض والحمد لله

وأعرف قريب لي علم ان الاغواط تقوم بعملية تغيير الاواخر مع الاوائل فذهب وكان رقمه في التسجيل01 كان مشهور كما قال لي جوز شهر و خرج

هذان مثالان عن ثكنتين

نحن هنا لنفيد مثلما استفدنا
والواحد يسعى و يبذل مجهوده ويستشير وحتى اذا حصل ما لايريد فليصبر

أعرف أستاذ أدب وحافظ لكتاب الله هو الان يجوز فيها عندما ألتقيه لا يظهر علية أي جزع راض بقضاء الله ومحتسب

ولا تنسى الاستخارة من الان حتى ولو كررتها عدة مرات تجد نفسك راضية بما قدر الله

just do it · 2014-08-21, 15:08

الىshan 2010
انا خكي رحت البرومو صحابي قاع تاع البرومو مشينا حنا ثلاثة وهما حتى واحد ممشى وثبطولي العزبمة قالولي متروحش ستنا الاعفاء و لا كاشي سورسي بصح انا كي نقرر حتجة ندرس مليح بمساوئها وحسنتها وقررت نمشي وكي دخلت كرهت حياتي وقلت بالاك صحابي كان عندهوم الحق بصح اليوم الحمدلله ديجا كي باقيلي 6 اشهر كي نعيطلهم يقولوولي رانا نادمين الي مشينا واليوم واش ان اراني برا بكواغطي وهما السورسي وكملهم وكل خطرة تجيهم لوردابال و ميتشجعوش ونزيدلك حاجة انا الصغير فيهم هما درك تالي عندو 27 ونص يعني لوكان يمشي يفوتها درك يخرج 30 عام هههه علاش بيك تفوتها مع ولادك
خويا اذا راك مقتنع وعندكش مفر معريفة ولادوسي ميهمكش صجابك ربي يسهل ونشالله تتحصل عل الاعفاء

ويا خويا الايكو غي متعلقش ديجا وليت كي نشوف اسمك قلبي يطلع

shane2010 · 2014-08-21, 15:20

اقتباس:

المشاركة الأصلية كتبت بواسطة just do it

الىshan 2010
انا خكي رحت البرومو صحابي قاع تاع البرومو مشينا حنا ثلاثة وهما حتى واحد ممشى وثبطولي العزبمة قالولي متروحش ستنا الاعفاء و لا كاشي سورسي بصح انا كي نقرر حتجة ندرس مليح بمساوئها وحسنتها وقررت نمشي وكي دخلت كرهت حياتي وقلت بالاك صحابي كان عندهوم الحق بصح اليوم الحمدلله ديجا كي باقيلي 6 اشهر كي نعيطلهم يقولوولي رانا نادمين الي مشينا واليوم واش ان اراني برا بكواغطي وهما السورسي وكملهم وكل خطرة تجيهم لوردابال و ميتشجعوش ونزيدلك حاجة انا الصغير فيهم هما درك تالي عندو 27 ونص يعني لوكان يمشي يفوتها درك يخرج 30 عام هههه علاش بيك تفوتها مع ولادك
خويا اذا راك مقتنع وعندكش مفر معريفة ولادوسي ميهمكش صجابك ربي يسهل ونشالله تتحصل عل الاعفاء

ويا خويا الايكو غي متعلقش ديجا وليت كي نشوف اسمك قلبي يطلع

شكرا اخي الكريم و بارك الله فيك ... ماعندي حت حل نتوكل على ربي و نروح انا شي ليقلقني كي قالو لمدة اصبحت عام سجلت قلت نتهنى منها و مبعد قالك مزال مي كاتبة وش راح ندير و راهم قولو المدرسة مليحة و نشاءالله نروح انا و صحابي كامل نهار واحد و كيما جات تجي

just do it · 2014-08-21, 16:14

منيش باغي نردو ها سباب ومعايرة اذا غلطت فحقك سمحلي
نتبيريزا هههه وعلاه قتلت الروح والله الحمد لله حقا تمنيت نديها ساهلة مي ماشي قع نديو الاعفاء عرفنا عقليات ورجال وناس ومواقف وتعلمنا صوالح متعلمهمش فسيفيل والحمد لله ما قطعولي رجل منحولي يد عام ونص حنا الشبيبة حياتنا قع ضياعا ولا نتا وش راك دير فيها قرينا 16 عام على الاقل ودرك المخير فينا راه لانام
سمحلي ثانية ونشالله معريفة خير ربما سوء تفاهم فقط

amine eco · 2014-08-21, 16:50

اقتباس:

المشاركة الأصلية كتبت بواسطة just do it

منيش باغي نردو ها سباب ومعايرة اذا غلطت فحقك سمحلي
نتبيريزا هههه وعلاه قتلت الروح والله الحمد لله حقا تمنيت نديها ساهلة مي ماشي قع نديو الاعفاء عرفنا عقليات ورجال وناس ومواقف وتعلمنا صوالح متعلمهمش فسيفيل والحمد لله ما قطعولي رجل منحولي يد عام ونص حنا الشبيبة حياتنا قع ضياعا ولا نتا وش راك دير فيها قرينا 16 عام على الاقل ودرك المخير فينا راه لانام
سمحلي ثانية ونشالله معريفة خير ربما سوء تفاهم فقط

يا اخي نورمال رانا نقصر ومتناقشين برك
راك تعرف حنا جزائرين كي نختلفو في اراء تكثر معاير
مكاش مشكل خويا تلمساني
رانا نتلاقو نشربو قهوة ونقصرو ويراه مشكل

just do it · 2014-08-21, 16:17

اه صح نورمالمو راه عاد عام ونص بسك ميقدوش يردوها عام بين ليلة وضحاها بصح راهم زادو فالشهرية اسبيرو يفوت 16 مليحة كي شغل راك تفوت فلانام وزيد تنحي حاجة من طريق

just do it · 2014-08-21, 16:25

خطا في مكان الموضوع عذرا