ارتفاع حرارة المحرك؟

[megueddem]

عندي سيارة ميغان 1999 ماشية حوالي 300.000 كم

بدأت تسخن منذ الأسبوع الماضي .حيث ترتفع درجة حرارتها في المرتفعات فقط .وتخرج الماء من القارورة .

أخذتها للميكانيكي .فاخبرني بأن :joint de cullasse محروق

فطلبت منه استبدال :joint de cullasse ومسح : la cullasse

لكن في نهاية العمل .بقي المشكل كما كان .أي ترتفع درجة حرارة المحرك في المرتفعات.وتدفع الماء من

القارورة (vase expantion ) نتيجة الضغط ( pression) .

أنا محتار وجد قلق .خسرت حوالي 1.000.000 دون أي نتيجة .أفيدوني وبارك الله فيكم .

[hanafi19]

السلام عليكم ، شوف يا أخي ربما الردياتور راهي معمرة بالتراب أو غطاء القارورة فاسد.بالتوفيق

[Ayad3]

كما قال لك الاخ hanafi راقب Radiateur أو غطاء قارورة الماء أو هناك تسرب للماء من بعض les durites الناقلة للماء ولو بسيط جدا مما يؤدي الى ما يسمى ب les prises d'air دخول الهواء في مجرى المياه بالنواقل الذي يؤدي أيضا الى مشاكل في ارتفاع درجة حرارة المحرك أو تعطل عمل مضخة الماء la pompe a eau فقط أسألك سؤال ما ذا تقصد بقولك مسح la cullasse؟هل تعني أن الميكانيكي قام ب le rabotage de la cullasse؟

[just do it]

خويا هذو ثلث صوالح ديرهم
دبر ميقان كيم تاعك سلف عليه البوشون تاع الرادياتور وجرب بالاك البوشون يخرج النفس
ولا يكون داخلك الهواء للراديلتور
ديبوشي الرادياتور
نحي الترموستة وجرب بالاك متكونش تفتح
معلومة اخرى خطرات الزيت تكون خفيفة بزاف تقدر فبعض الحالات تشوفلك اللوط
ولي ميكانيسيان الله يهديهم نوصيك متديش لوطوك لاي واحد راه بيهم غي الدراهم ولوكان جا ميكانيسيان تاع صح كاين صوالح يديرهم قبل باه يتاكد بلي جوان بصح مين خاطيه الحرفة قاع يحصلو فجوان هديك ابسط حاجة يعرفوها ربي يهدينا ويهديهم
ارجو ان اكون قد افدت

[megueddem]

المشاركة الأصلية كتبت بواسطة Ayad3

كما قال لك الاخ hanafi راقب Radiateur أو غطاء قارورة الماء أو هناك تسرب للماء من بعض les durites الناقلة للماء ولو بسيط جدا مما يؤدي الى ما يسمى ب les prises d'air دخول الهواء في مجرى المياه بالنواقل الذي يؤدي أيضا الى مشاكل في ارتفاع درجة حرارة المحرك أو تعطل عمل مضخة الماء la pompe a eau فقط أسألك سؤال ما ذا تقصد بقولك مسح la cullasse؟هل تعني أن الميكانيكي قام ب le rabotage de la cullasse؟

نعم .أعني:أن الميكانيكي قام ب le rabotage de la cullasse

[just do it]

ياخويا الربوتاج واش داه ليه الغلطة تاعك خويا لازم متخليش اي واحد يخربلك فلوطوك وحاجا كيما دي لازم تسقسي قبل انا خوتي زوج ميكانسيان وقبل منخرب فحاجة من لوطو نسقسيهم للزوج ونزيد نشاور زوج ميكانسيان جوارينا
ربي يجيبلك التسهيل

[Kob-Tiarti]

اكبر غلطة درتها كي بدلت الجوان كيلاس وديتها لتورنو ،لو كان جوان كيلاس كون غي تمشي شويا ولا تفورصي على السيارة ترتفع حرارتها وليس فقط في المرتفعات ، والله العالم اظن ان عندك تسريب هواء في السيارة.

[Ayad3]

المشاركة الأصلية كتبت بواسطة megueddem

نعم .أعني:أن الميكانيكي قام ب le rabotage de la cullasse

السلام عليكم

عندما تصبح la cullasse غير مستوية بفعل الحرارة الشديدة التي تتعرض لها و يكتشف الميكانيكي ذلك يلجأ الى عملية ;Rabotage وحسب معلوماتي أن لم أخطئ يضع double joing de cullasse ؟فاذا كان الميكانيكي قام بكل هذا و بقي المشكل فأكيد أخي أن المشكل مازال وربما في الامور التي ذكرناها سابقا أو عملية RABOTAGE لم تكن دقيقة و حسنة.
من المفروض على هذا الميكانيكي من الاول اذا تأكد بأن المشكل في la cullasse ان يستشيرك قبل أن يقوم بأي عمل فمن الأحسن تغيير la cullasse تمام بواحدة جديدة أو حتى من عند بائعي la casse المهم عليك بمتابعة المشكل حتى تجد له الحل بالتوفيق

[Kob-Tiarti]

المشاركة الأصلية كتبت بواسطة Ayad3

السلام عليكم

عندما تصبح la cullasse غير مستوية بفعل الحرارة الشديدة التي تتعرض لها و يكتشف الميكانيكي ذلك يلجأ الى عملية ;Rabotage وحسب معلوماتي أن لم أخطئ يضع double joing de cullasse ؟فاذا كان الميكانيكي قام بكل هذا و بقي المشكل فأكيد أخي أن المشكل مازال وربما في الامور التي ذكرناها سابقا أو عملية RABOTAGE لم تكن دقيقة و حسنة.
من المفروض على هذا الميكانيكي من الاول اذا تأكد بأن المشكل في la cullasse ان يستشيرك قبل أن يقوم بأي عمل فمن الأحسن تغيير la cullasse تمام بواحدة جديدة أو حتى من عند بائعي la casse المهم عليك بمتابعة المشكل حتى تجد له الحل بالتوفيق

ليس شرط ان يضع double joing de cullasse الا في حالة انه تم عمل تورنر من قبل لانه كي يديها لتورنو مرة ثانية راس المحرك يكون نازل عن مستواها الطبيعي فيرجعوه للمستوى الطبيعي بوضع double joing de cullasse .

وانا اتوقع ان الميكانيكي لم يضع قياس الضغط داخل المحرك، لكي يحدد هل يوجد تسريب في joing de cullasse ام لا ، لان لو كان فيه تسريب لارتفعت حرارة المحرك عند اقل جهد وليس عند المرتفعات فقط ، وانا نظن انه عندو تسريب في الهواء او مضخة الماء دفعها ضعيف.

[megueddem]

بارك الله فيكم اخوتي على هذه الردود

( وانا نظن انه عندو تسريب في الهواء )

نعم يوجد تسريب للهواء في الماء ويوجد ضغط في القرعة نتاع الماء

وهل هذا يدل على أن la cullasse فاسدة ؟أم هناك جهة أخري مسؤولة غلى ذالك؟

ولعلمكم أن أحد الأصدقاء أخبرني أن la cullasse نتاعي من النوع اللي ما يترابوتاج. هل هذا صحيح ؟

[Kob-Tiarti]

المشاركة الأصلية كتبت بواسطة megueddem

بارك الله فيكم اخوتي على هذه الردود

( وانا نظن انه عندو تسريب في الهواء )

نعم يوجد تسريب للهواء في الماء ويوجد ضغط في القرعة نتاع الماء

وهل هذا يدل على أن la cullasse فاسدة ؟أم هناك جهة أخري مسؤولة غلى ذالك؟

ولعلمكم أن أحد الأصدقاء أخبرني أن la cullasse نتاعي من النوع اللي ما يترابوتاج. هل هذا صحيح ؟

ليس شرط ان تكون la cullasse ، ممكن يكون عندك تسريب غطاء الرادياتور ولا مضخة الماء ولا الثرموستات.

[megueddem]

أخذت السيارة لمسلح الرادياتور لتنظيفها

فأخبرني بأن المشكل في :la cullasse وليس في الرادياتور

مأذا أفعل ؟؟؟؟؟؟؟؟؟؟؟؟؟؟

راني خايف نشري LA CULLASSE ونركبها ويبقى المشكل !!!!!!

[megueddem]

المشاركة الأصلية كتبت بواسطة megueddem

عندي سيارة ميغان 1999 ماشية حوالي 300.000 كم

بدأت تسخن منذ الأسبوع الماضي .حيث ترتفع درجة حرارتها في المرتفعات فقط .وتخرج الماء من القارورة .

أخذتها للميكانيكي .فاخبرني بأن :joint de cullasse محروق

فطلبت منه استبدال :joint de cullasse ومسح : La cullasse

لكن في نهاية العمل .بقي المشكل كما كان .أي ترتفع درجة حرارة المحرك في المرتفعات.وتدفع الماء من

القارورة (vase expantion ) نتيجة الضغط ( pression) .

أنا محتار وجد قلق .خسرت حوالي 1.000.000 دون أي نتيجة .أفيدوني وبارك الله فيكم .

اليوم عند مراقبة دورة التبريد وجدت تسرب ماء التبريد على مستوى الرادياتور



فهل هذا التسرب هو الذي أدى الىتواجد فقاعات الهواء في قارورة الماء ؟والى ارتفاع الضغط داخل قارورة الماء؟



والى ارتفاع درجة حرارة المحرك في المرتفعات.؟

[just do it]

ياخويا فلول قلتلك بدا بتسرب الهواء ال الرادياتور بسك هو اكثر المسببات وتقدر تعرفها كي تمشا بيها بزاف وتحبس فوق حاجة بيطون ولا كارلاج شوف تحتها تجبر نقطات تع الماء ف الارض بصح بعض الحالات ميبنش خصك تحوس عليه وكاين وحد لي ديريت فيهم برجور يتباعو اذا تعك مفيهش برجور دوريجين
اما الكيلاص فلا انصحك ياخويا الا اذا الميكانيسيان مركبلكش جوان جديد لازم تشوفو بعينيك كاين محتالين ونت ديجا رابوتتها يعني لوكن هي كن مشا المشكل
90 ف المئة عندك الرديتور دخلها الهواء

[megueddem]

المشاركة الأصلية كتبت بواسطة just do it

ياخويا فلول قلتلك بدا بتسرب الهواء ال الرادياتور بسك هو اكثر المسببات وتقدر تعرفها كي تمشا بيها بزاف وتحبس فوق حاجة بيطون ولا كارلاج شوف تحتها تجبر نقطات تع الماء ف الارض بصح بعض الحالات ميبنش خصك تحوس عليه وكاين وحد لي ديريت فيهم برجور يتباعو اذا تعك مفيهش برجور دوريجين
اما الكيلاص فلا انصحك ياخويا الا اذا الميكانيسيان مركبلكش جوان جديد لازم تشوفو بعينيك كاين محتالين ونت ديجا رابوتتها يعني لوكن هي كن مشا المشكل
90 ف المئة عندك الرديتور دخلها الهواء

نعم .لقيت بلاصه في الرادياتور تخرج حاجه قليله من الماء.مايش حاجه كبيره بزاف.