الغاااااااااااااااااز من يحلها دون غش ؟ ؟ ؟ ؟

[basma malak]

السلام عليكم وحمة الله وبركاته
اليوم جبتلكم 9 الغاز كل واحد ولا وحدة تحل لغز واحد
ايا شوفوكم يا عباقرة بسح ممنوع الغش
وممنوع الذهاب الى google







1- سلسلة في سلسة فيها خوك وفيها بوك وفيها سلطان الملوك

2- خب خب يشوف الماء يهرب

3- انا نجري وهي تجري سبقتني بنت الحلوف

4- طيري حوام في راسو حديد كل ما يحوم يجيبلي كلمة جديدة

5- الشيخ كبير كبير يمشي بالتقيرليلة كبير ويصبح صغير

6- تطير بلا جنحين وتاكل الحم بلا سنين

7- جانا ضيفناه من الفرحة كتفناه

8- بيض رفروف يشرب لماء كما لخروف

9- داير كي الخبزة وجلدو كي المعزة
..

[monisad]

8 العجيين

[عروبة وطن]

نستعمل قوقل ولا لا

[basma malak]

المشاركة الأصلية كتبت بواسطة monisad

8 العجيين

بسح ماشي غير العجين يخصو ثلاثة

[♥ بسمة ♥]

1- المقبرة

[basma malak]

هيا انا انتضركم اين انتم

[basma malak]

المشاركة الأصلية كتبت بواسطة عروبة وطن

نستعمل قوقل ولا لا

no ممنوع الغش

[basma malak]

المشاركة الأصلية كتبت بواسطة عروبة وطن

نستعمل قوقل ولا لا

ممنوع استعمال google

[سهول الجلفاوي]

1- المقبرة
2- الغبار
3- الطريق
4- القلم
5-القمر
6-الرصاصة
7- المولود الجديد
8- العجين أو الصوف
9- البندير

[basma malak]

قلت كل واحد يحل وحدة ماشي كامل
مع ان كل اجابتك صحيحة

[سهول الجلفاوي]

العفوووووووووووووووو

[basma malak]

جابلي ربي هذه الاجوبة السريعة
من google

[سهول الجلفاوي]

هذه اللالغاز سهلة وبسيطة
لا تحتاج لادنى تفكير
ولا تستحق ان افتح صفحة
غوغل من اجلها