نصيحة مجرب لطلاب باك 2015

[sofian skill]

السلام عليكم اخوتي . انا خالد من المدية علوم تجريبية . واش - راكم خايفين من الباك العام الجاي ههههه . ماتخافوش ماكاين والوا انا عقبت الباك هذا العام وتحصلت على معدل 13.72 والحمد لله . ماكانش منها الباك صعيب . المواد كامل ساهلين .توكلوا على الله فقط وتجنبوا القلق والياس والخوف . بالنسبة للشريعة والاجتماعيات كل درس تقراوه احفضوه وافهموه باش يبقالكم الوقت في اخر السنة للمواد الاساسية .اما بالنسبة للمواد الاساسية كثروا من التمارين واقراو الدعم . اما الادب فهناك اسئلة معينة دائما تتعاود . اما الفلسفة فعليكم بفهم الدرس فققققققط ولاتحفظوا شيئا.اما الانجليزية فحاولوا ان تشرحوا الكلمات لي تقراوهم بزاف .والفرنسية انا عام طول ماكنتش عارف كامل واش رانا نقراو وجامي ديت فوق6 اما فالباك ديت 13 لان الاسئلة نتاع اختيارات .وكاينة حاجة مهمة = خلوكم مالغش في الاختبارات وخاصة في الباك فهو امر خطير جدا .
والامر الذي اشدد عليه كثيرا هو حل تمارين الباك السابقة فهي الموجه في طريقة حل التمارين . خاصة في المواد الاساسية . وفي الاخير اتمنى لكم النجاح العام المقبل .واعلموا يقينا انه من توكل على الله في اي عمل فلن يخيبه مولاه
.وادعوا الله عز وجل حتى يجعلكم من الفائزين

- اللهم انفعنا وانفع مجتمعنا وامتنا الاسلامية بعلمنا
- اللهم اصلح احوال بلادنا الجزائر واحوال امتنا العربية
- اللهم انا نعوذ بك من الجهل والخوف والنفاق والفقر
- اللهم انصر اخوتنا في غزة على الصهاينة واجعلهم من الصابرين