حكاياتنا من القسم العام °°°°طوايش الصغر °°°°

اسامة · 2014-08-05, 22:06

السلام عليكم و رحمة الله تعالى و بركاته

ليت الصغر يعود يوما لاخبره بما فعله المشيب بنا

كل واحد منا عنده طوايش الصغر في الشارع او في المدرسة او في اي مكان قبل ان يصل الى هدا المكان
قولوا لنا على طوايشكم لكي ناخد حدرنا من طوايش الجيل القادم

--كنا لانصوم في رمضان بحكم صغرنا ولكن عند الادان و الافطار يدخل الجميع لبيوتهم ونحمل نحن الحجارة ونهاجم الابواب بعشوائية ثم نختفي من الوجود لنظهر بعدها ونمر من المكان وكاننا ابرياء

-- كنا نكسر مصابيح الانارة العمومية بالحجارو ونعيش تحت الظلام الدامس وعندما ياتي الكهربائي ليصلحهم هو نازل من العمود الكهربائي و الحجارة تصعد الى المصباح الجديد قبل ان تطاء قدميه ارض الوطن

-- حتى المساجد كنا ندهب ونحن صغار لنصلى ولكننا كنا نظحك مما يجعل المصلين يطردوننا ونحن نهرب

-- كنا عندما نتفرج فيلم الرسالة نقوم في اليوم الموالي باخراج سيوفنا لمهاجمة الحي المجاور باعتبارهم قريش وهم يعتبرون كدلك وكنا دائما نربحهم

الحمد لله رفع عنا القلم في كل هده الطوائش
والحمد لله كبرنا وعرفنا وسلكنا من هادوك الطوايش

[COLOR="rgb(65, 105, 225)"]هده طوايشنا فارونا طوايشكم[/COLOR].

حاجة درتها في الصغر و انا نادم عليها لحد الآن
لميت انا و صاحبي الذبان و بدينا نصيدو فيه و نحطو فيه في بايط تاع طماطم مصددين و يا ريت حبسنا هنا برك
الذبان المسكين نحينالو جناح و خلينا واحد و طيشناهم تحت الباب تاع الجيران و دخل عليه الذبان ينقز ينطط لخاطر ما قدرش يطير
و الاهم انو حكمنا نحنا درناهم و هو حل الباب و الذبان قال اتفضل و الضرب بدا من جارنا ربي يرحمو
ذكريات

منقول للامانة مع بعض التعديل

Amina1996 · 2014-08-05, 22:18

هههههههههههه هيه صح كامل كنا نديرو هكا
انا من الطوايش تاعي كي كنت صغيرة,,,,
كنت باغيا ندير الحجاب كي كنت 3 ابتدائي و ماما ما خلاتنيش مالا كنت ندي خيمار في كرطابلي نوصل لوحد الدورة نديرو ونروح نقري و كي نروح نعاود نوصل لهذيك الدورة نحي الخيمار و نعاود نمشط شعري كيما كان و نروح للدار و لحد الان ماما ما علابالهاش ههههههه

اسامة · 2014-08-05, 22:39

اقتباس:

المشاركة الأصلية كتبت بواسطة amina1996

هههههههههههه هيه صح كامل كنا نديرو هكا
انا من الطوايش تاعي كي كنت صغيرة,,,,
كنت باغيا ندير الحجاب كي كنت 3 ابتدائي و ماما ما خلاتنيش مالا كنت ندي خيمار في كرطابلي نوصل لوحد الدورة نديرو ونروح نقري و كي نروح نعاود نوصل لهذيك الدورة نحي الخيمار و نعاود نمشط شعري كيما كان و نروح للدار و لحد الان ماما ما علابالهاش ههههههه

السلام عليكم
اكيد الطفولة متشابهة كثيرا
اضحكتني كثيرا يا امينة
الخمار تاعك خمار لعند الدورة ( ابتسامة ) باهي ياسر
انصح اختي ان تحكي الحكاية لامك الكريمة اكيد ستضحك كثيرا

راية الاسلام1 · 2014-08-05, 22:27

السلاااام عليكم
هههههه اضحكتني كثيرااا خاااصة تاع قريش

أذكر كنا داااائما نصونيو على بيباان الجيراان ونهربوووو

وايضااا كنت نفش عجلاات سياارات جاارنا المسكين والله كينتفكرهاا يغيضني

ومرة سقط المطر والحي تعمر بالبرك جبت انا وصديقتي 2 قرع مااء وعمرنااهم ورحنا لاول 2 ديااار من العماارة وصبيناهوولهم عند مدخل الباااب
كي فتحو البااب تخلعووو قالتلها نفضتي قالتلها الاخرى لااا علاه انتي نفضتيي
جاابو الخل وبدااو يقرااو في القراان ويسميو في باالهم كااش سحووووور هههههه وحنا شاابعين ضحك

وكثيرة هي حمااقات الصغر

بااااارك الله فيك اخي

اسامة · 2014-08-05, 22:45

اقتباس:

المشاركة الأصلية كتبت بواسطة راية الاسلام1

السلاااام عليكم
هههههه اضحكتني كثيرااا خاااصة تاع قريش

أذكر كنا داااائما نصونيو على بيباان الجيراان ونهربوووو

وايضااا كنت نفش عجلاات سياارات جاارنا المسكين والله كينتفكرهاا يغيضني

ومرة سقط المطر والحي تعمر بالبرك جبت انا وصديقتي 2 قرع مااء وعمرنااهم ورحنا لاول 2 ديااار من العماارة وصبيناهوولهم عند مدخل الباااب
كي فتحو البااب تخلعووو قالتلها نفضتي قالتلها الاخرى لااا علاه انتي نفضتيي
جاابو الخل وبدااو يقرااو في القراان ويسميو في باالهم كااش سحووووور هههههه وحنا شاابعين ضحك

وكثيرة هي حمااقات الصغر

بااااارك الله فيك اخي

[size="6"] عليكم السلام
واقيلا ما عاتش نحبس ضحك درتي حالا و الآن نبانو عاقلين
ذكرياتك باهية و الله ضحكت بالصوت حتى لامي دارت قاتلي يزي الحس
انا كان نقولك طوايشي تحيري
لميت انا و صاحبي الذبان و بدينا نصيدو فيه و نحطو فيه في بايط تاع طماطم مصددين و يا ريت حبسنا هنا برك
الذبان المسكين نحينالو جناح و خلينا واحد و طيشناهم تحت الباب تاع الجيران و دخل عليه الذبان ينقز ينطط لخاطر ما قدرش يطير
و الاهم انو حكمنا نحنا درناهم و هو حل الباب و الذبان قال اتفضل و الضرب بدا من جارنا ربي يرحمو
ذكريات[/size]

راية الاسلام1 · 2014-08-06, 14:35

اقتباس:

المشاركة الأصلية كتبت بواسطة اسامة

[size="6"] عليكم السلام
واقيلا ما عاتش نحبس ضحك درتي حالا و الآن نبانو عاقلين
ذكرياتك باهية و الله ضحكت بالصوت حتى لامي دارت قاتلي يزي الحس
انا كان نقولك طوايشي تحيري
لميت انا و صاحبي الذبان و بدينا نصيدو فيه و نحطو فيه في بايط تاع طماطم مصددين و يا ريت حبسنا هنا برك
الذبان المسكين نحينالو جناح و خلينا واحد و طيشناهم تحت الباب تاع الجيران و دخل عليه الذبان ينقز ينطط لخاطر ما قدرش يطير
و الاهم انو حكمنا نحنا درناهم و هو حل الباب و الذبان قال اتفضل و الضرب بدا من جارنا ربي يرحمو
ذكريات[/size]

السلاام عليكم
هههههههه والله كبرناا وعقلنااا والحمد لله
الله غاالب
والله حتى حنا كناا نصيدو بصح النحل والفراشات والجرااد في القرع كنت نحكمهم بيدي عاادي
ودوكا صدقني والله نخاااف منهم خاااصة الجرااد ههههه
والله ضحكتني بزااااف حكاايتك
بااارك الله فيك

اسامة · 2014-08-06, 17:38

اقتباس:

المشاركة الأصلية كتبت بواسطة راية الاسلام1

السلاام عليكم
هههههههه والله كبرناا وعقلنااا والحمد لله
الله غاالب
والله حتى حنا كناا نصيدو بصح النحل والفراشات والجرااد في القرع كنت نحكمهم بيدي عاادي
ودوكا صدقني والله نخاااف منهم خاااصة الجرااد ههههه
والله ضحكتني بزااااف حكاايتك
بااارك الله فيك

و عليكم السلام
نعم كبرنا و الحمد لله كان مرفوع علينا القلم كي درنا هذوك الطوايش
استمتعت بحكاياتك
النحل حيرتيني تصيدي فيهم انا ولد و ما كنتش نصيد فيهم لخاطر نخاف منهم اما الجراد عادي خلاص راكي شجاعة صح
و فيك بارك الله اختي

Amina1996 · 2014-08-06, 15:26

اقتباس:

المشاركة الأصلية كتبت بواسطة اسامة

[size="6"] عليكم السلام
واقيلا ما عاتش نحبس ضحك درتي حالا و الآن نبانو عاقلين
ذكرياتك باهية و الله ضحكت بالصوت حتى لامي دارت قاتلي يزي الحس
انا كان نقولك طوايشي تحيري
لميت انا و صاحبي الذبان و بدينا نصيدو فيه و نحطو فيه في بايط تاع طماطم مصددين و يا ريت حبسنا هنا برك
الذبان المسكين نحينالو جناح و خلينا واحد و طيشناهم تحت الباب تاع الجيران و دخل عليه الذبان ينقز ينطط لخاطر ما قدرش يطير
و الاهم انو حكمنا نحنا درناهم و هو حل الباب و الذبان قال اتفضل و الضرب بدا من جارنا ربي يرحمو
ذكريات[/size]

هذا الذبان و ماخليتوهش؟؟ ههههههه يالطيف تعذبو في ملائكة الرحمان
و شوف شكون لي راحو يهدر امينة الستوتة انا نقلك الصح ربيت سلحفات و درت المستحيل باه نحيلها هذاك البيت لي تدخل فيه بصح حجر عييت مسكينة تعذبت بصح على جالها كنت نسرق الصلاطة من الثلاجة و نديهالها هههههه و لضرك مزالت عايشا و نموت عليها هذا ما قدرت نربي كنت حابة قطة بصح ماما عندها الحساسية من الشعر تاعها هههههه

اسامة · 2014-08-06, 17:55

اقتباس:

المشاركة الأصلية كتبت بواسطة amina1996

هذا الذبان و ماخليتوهش؟؟ ههههههه يالطيف تعذبو في ملائكة الرحمان
و شوف شكون لي راحو يهدر امينة الستوتة انا نقلك الصح ربيت سلحفات و درت المستحيل باه نحيلها هذاك البيت لي تدخل فيه بصح حجر عييت مسكينة تعذبت بصح على جالها كنت نسرق الصلاطة من الثلاجة و نديهالها هههههه و لضرك مزالت عايشا و نموت عليها هذا ما قدرت نربي كنت حابة قطة بصح ماما عندها الحساسية من الشعر تاعها هههههه

الله غالب كنت صغير الله اعلم في السنة الرابعة ابتدائي مبصح جيل تاعنا كانت فيه البراءة ماشي زي الجيل تاع تو
مبصح نادم على واش درت الصح
المهم انا مربي خمس فراخ ( يعني عصافير ماشي فلاليس) وحدة اسمها البيضة لخاطر بيضاء اللون و واحد اصفر اسمو لصفر و واحد تشيني اسمو سيمبا لخاطر زي اسد يبان فيه بوكلا تاع لحيا و وحدة صفرا اسمها لهذبة سمتها اختي لخاطر يبان فيها زوز حواجب
عندهم ثلاث سنين معايا
و واحد اكحل هاذوك تاع لبرا عندو غير جناح ربيتو مع لفراخ تاعي قلت ينبت جناح و نطيرو مبصح ما نبتش نخرج فيهم من لكاجا يدورو يدورو فوصت الدار و يرجعو وحدهم للكاجا ياكلو كلش حتى لكسكس
الفكرون انا نكرهو يبانلي هايش غير يدفع اي حاجة قدامو و يبقى يدفع يدفع حتى يتعب

Amina1996 · 2014-08-07, 15:01

اقتباس:

المشاركة الأصلية كتبت بواسطة اسامة

الله غالب كنت صغير الله اعلم في السنة الرابعة ابتدائي مبصح جيل تاعنا كانت فيه البراءة ماشي زي الجيل تاع تو
مبصح نادم على واش درت الصح
المهم انا مربي خمس فراخ ( يعني عصافير ماشي فلاليس) وحدة اسمها البيضة لخاطر بيضاء اللون و واحد اصفر اسمو لصفر و واحد تشيني اسمو سيمبا لخاطر زي اسد يبان فيه بوكلا تاع لحيا و وحدة صفرا اسمها لهذبة سمتها اختي لخاطر يبان فيها زوز حواجب
عندهم ثلاث سنين معايا
و واحد اكحل هاذوك تاع لبرا عندو غير جناح ربيتو مع لفراخ تاعي قلت ينبت جناح و نطيرو مبصح ما نبتش نخرج فيهم من لكاجا يدورو يدورو فوصت الدار و يرجعو وحدهم للكاجا ياكلو كلش حتى لكسكس
الفكرون انا نكرهو يبانلي هايش غير يدفع اي حاجة قدامو و يبقى يدفع يدفع حتى يتعب

مسكين الفكرون ههههههه واحد مايشتيه على الاقل لقا وحدا تشتيه كيما انا ههههه و ربي يخليلك الفراخ تاعك و ربي يشفي هذاك لي ما عندوش جناح مسكين وماذا بيك خليلي الفرخ الابيض هههههههه نتمصخر
ربي يخليهملك انا نشتي لقطوط و الفراخ
القطوط ماما عندها الحساسية منهم
والفراخ نخاف عود يموتو و نحصل
مالا نربي فكرون ونسكت ههههههه

Amina1996 · 2014-08-05, 22:36

انا كنت طايرا فوق القانون ثلاث مرات و الطاكسيات يقيسوني كيعاد ديما نجري في الطريق و تعجبكم ما نحسش و ما يصرالي والو بصح نبدى نبكي و ندير روحي قريب نموت من الخلعة تاع بابا ههههههههههه
و خطرا طحت من الدالة صح تضريت بصح ميش لدرجة كبيرة و كي جا بابا داني للصبيطار و رجعني للدار درت روحي دايخة من الخلعة ههههه
و خطرا درنا فرض في الرياضيات كنت ديما ندي 10 من 10 و هذيك المرة كنت مريضة مالا ديت0.5 و رغم ذلك معدلي كان 08 و الرتبة 2 و هكاك و خفت مالا هذيك 0,5 رجعتها بالستيلو 10.5 و كشما شفتو 10 و نصف في الابتدائي ياخي اعلى علامة 10 و مافاقوش دارنا و حتى كي رجعت الدفتر ما فاقش الاستاذ ههههههه

اسامة · 2014-08-05, 22:53

اقتباس:

المشاركة الأصلية كتبت بواسطة amina1996

انا كنت طايرا فوق القانون ثلاث مرات و الطاكسيات يقيسوني كيعاد ديما نجري في الطريق و تعجبكم ما نحسش و ما يصرالي والو بصح نبدى نبكي و ندير روحي قريب نموت من الخلعة تاع بابا ههههههههههه
و خطرا طحت من الدالة صح تضريت بصح ميش لدرجة كبيرة و كي جا بابا داني للصبيطار و رجعني للدار درت روحي دايخة من الخلعة ههههه
و خطرا درنا فرض في الرياضيات كنت ديما ندي 10 من 10 و هذيك المرة كنت مريضة مالا ديت0.5 و رغم ذلك معدلي كان 08 و الرتبة 2 و هكاك و خفت مالا هذيك 0,5 رجعتها بالستيلو 10.5 و كشما شفتو 10 و نصف في الابتدائي ياخي اعلى علامة 10 و مافاقوش دارنا و حتى كي رجعت الدفتر ما فاقش الاستاذ ههههههه

السلام عليكم
انا كرشي وجعتني من الضحك
انا حكاياتكم نحكي فاها بالصوت باه ماما تسمع و تقول يااااااااااااااااااااه مكاش منها ( ابتسامة )
التزوير و وصلتيلو ا واش بقا ياخي الصغر ياخي
حكايات و عشرة و نص و ما فاقوش :d

كرشي وجعتني صح

أنور الزناتي · 2014-08-05, 22:37

السلام علبيكم
كنت و أنا دون السادسة ما أنفك أطرق باب الجار بكل قوتي، لألوذ هاربا مباشرة، ثم أراقب من بعيد ما يفرزه تصرفي. فكانت الجارة كعادتها تفتح الباب لتكتشف أن لا أحد أمام الباب، فينطلق لسانها السليط ليعزف أحلى سيمفونية سباب و شتم و لعن سمعتها في حياتي... كنت أستمتع حقا برؤيتها و هي تصبّ جام غضبها على الطارق دون أن تتعرّف عليه.
لحظات كدت أنساها لولا موضوعك أخي وسيم.
بارك الله فيك
تحيتي

اسامة · 2014-08-05, 22:57

اقتباس:

المشاركة الأصلية كتبت بواسطة أنور الزناتي

السلام علبيكم
كنت و أنا دون السادسة ما أنفك أطرق باب الجار بكل قوتي، لألوذ هاربا مباشرة، ثم أراقب من بعيد ما يفرزه تصرفي. فكانت الجارة كعادتها تفتح الباب لتكتشف أن لا أحد أمام الباب، فينطلق لسانها السليط ليعزف أحلى سيمفونية سباب و شتم و لعن سمعتها في حياتي... كنت أستمتع حقا برؤيتها و هي تصبّ جام غضبها على الطارق دون أن تتعرّف عليه.
لحظات كدت أنساها لولا موضوعك أخي وسيم.
بارك الله فيك
تحيتي

السلام عليكم
ربما كنت اسرع من البرق لهذا لم تتعرف عليك الجارة مسكينة شبعتها ذنوب من السبان
اذا لست الوحيد من كان يطرق الابواب و يهرب ثم يعود لسأل ( واش بيك اخالتي يطببطبو و يهربو تو نعس و نقوليك شكون )
و فيك بارك الله
ايام صدقني اشتقت لها كثيييرا كثيرا كانت حلوة

ana hia · 2014-08-05, 22:42

هههههههههههههههههههههههههههههههههههههههههههه حكايات تهبل

انا من كنت صغيرة ضال هاملة من زقاق لزقاق و
كنت نروح للزاوية و انا كنت احسن صوت في صاحباتي و كنت ضال نتقلش ههههههههههه

من كنت صغيرة كان خويا محمد ديما يخرطلي كلش بصفتو هو كلبي و انا نوكلو الكلب يقيضني الحال كي نتفكرها ههههههههه

من كنت صغيرة كنت ضال نتاعفر مع عمتي نحطلها هدرة في الصميم ههههههههههههههههههههههه ضال يضحكو عليا ههههه

ممممممم بزاف حوايج نتفكرهم و نقوللكم