الخدمة الوطنية بالمدرسة للدرك الوطني يسر-بومرداس

mobeljunior · 2014-07-30, 21:21

السلام عليكم ورحمة الله وبركاته
اود ان اعرف معلومات عن الدرسة العيا للدرك الوطني -يسر- بومرداس .من حيث المعاملة ، الإنضباط الفائض (متى يكون ان وجد)
مع العلم اني في رتبة طالب ضابط احتياطي..
افيدونا افادكم الله اخواني .
الاستدعاء يوم15 سبتمر

بلعباس. · 2014-07-30, 22:14

وعليكم السلام اخي
انا ايضا عقبتها دركي
وعلى حساب علمي ماكانش الفائض يعني تعقبها وفي الدرك افضل من الجيش (نصيحة مجرب)
والمعاملة راك في الخدمة الوطنية انت وشطارتك لكن النظام افضل من الجيش وراك تشوف وتعرف

safir taider · 2014-07-30, 22:37

علاش خويا بداو يصلو الاستدعائات

amine eco · 2014-07-31, 00:17

هل وصلت الاستدعاءات...........

mobeljunior · 2014-07-31, 10:49

انا رحت جبتها من مكتب التوظيف تاع سعيدة

mobeljunior · 2014-07-31, 10:53

كنت حاب ندير ملف الكفالة قالولي ما ديرش الفحص الطبي ما عندكش الحق باش تديره قالولي حتى تدخل في الكازينة حت الملف تما

amine eco · 2014-07-31, 13:13

جواب على سؤال ؟

amine eco · 2014-07-31, 13:44

المهم

المدرسة مزيرة من حيث ملف طبي وتدريب لانه يدربوكم طلبة درك
+ ترفد 100 طبيب مزيرويبعث عينة نعجة
من حيث هياكل والاكل وغرف ممتازة
ميتاسيون لكل ولايات وتلبس خضرا

صالح القسنطيني · 2014-07-31, 20:47

و عليكم السلام

عرف المدرسة إخراج الفائض من الأوائل و لكن هدا ليس قانونا فقد يغيرون

و كما لا يخفى على أحد فالمدرسة استهدفت مرات من قبل الجماعات المسلحة و استهدف الدرك قريبا منها و كل مدرسة استهدفها الإرهاب تكون (مزيرة ) و تدريبها خاص

mobeljunior · 2014-08-01, 08:19

بارك الله فيكم

taider19 · 2014-08-01, 09:37

انا راني تماك خويا رحت في مارس اللي فات المهم في الدفعة نتاعنا داو غير الصغار في العمر والكبار طلقوهم من حيث المعاملة والانضباط مزيرة شوية في اليامات اللوالا ومن بعد ماكان والو انت المهم ادي كاش دوسي ميديكال اذا عندك

alg31 · 2014-08-01, 23:56

rani femak nfewet fiha darak watani ;tadrib s3ib machi kima eljaych ;makla we el mo3amala mliha

mobeljunior · 2014-08-04, 16:46

ellah ya3tikom elsaha

zehir586 · 2014-08-04, 20:44

السلام عليكم
المدرسة العليا للدرك الوطني بيسر
كونت ومازالت الى يومنا هذا تكون اطارات الدولة من الضباط
لك الشرف الكبير اخي ان تؤدي واجبك الوطني في هذه المدرسة العريقة.
اتمنى التوفيق لكم ان شاء الله.

miloud laboukhi · 2014-08-04, 21:11

وين راه الشرف خويا كي تعقب في المدرسة العريقة لي راك تحكي عليها انا عقبت الستاج ثم وندمت كي رحت كان رحت للجيش ماتحكيش خويا بلا ماراك شايفها عشنا الامرين حنا فيه تدريب قاسي حتى منتصف اليل وتم تخبط في الكرفي حتان تكره حياتك وكي يعود ماكاين والو راك في القسم الديقوطاج يقتلك