إلى أختي أم نسمة

[أم أحمد معاذ]

أختي ام نسمة لم استطع ارسال رسالة خاصة بسبب عدد المشاركات


شوفي نبدا اولا بالعبر عندك 3كيلات سميد متوسط مع كيلة ليست ممتلئة سمن انا اضع ثلاث ارباع سمن وشوي زيت وقرصة ملح تبداي تبسي فيه حكي مليح بالاصابع حتى يتبسس خليه يبات ليلة كاملة وفي الغد خلطي الخليط تاع السميد بخليط ماء+ماء الزهر المهم تكون ريحة ماء الزهر باينىة باش يجي المقروط بنين وبداي ترشي ما تعجنيهش بزاف فقط قد لي يتلم وتبداي تخدمي

نسيت العقدة تاخذي التمر وتنقيه وتفوريه من بعد تضغطي بالفرشيطة اواي حاجة عندك وديري شوي سمن وشويب ماء زهر وقرفة مطحونة وشوي جنجلان

تبداي ديري حربوش وتبسطيه ثم تمرري السبابة في الوسط وتضعي حربوش من التمر وتعيدي غلق حربوش السميد وتاخذي طابع المقروظ وتطبعي وتقصي الحبات بالسكين
أنا أستعمل الطابع لا ااستعمل النقش
احيانا يكون السميد يشرب الماء كي تشوفيه نشف باطراف الاصابع فقط رشيه وبداي تخذمي ياارب يكون الشرح مفهوم واذا اردت الاستفادة اكثر ضعي في محرك البحث في المنتدى المقروظ والقي نظرة على جميع الوصفات واكيد كل اخت ستاخذي منها فائدة ربي يوفقك حبيبتي وةياارب ينجح معاك عيد مبارك يا غالية