مساعدة

amarbobr · 2014-07-25, 17:10

السلام عليكم يا احباب الله سحا فتوركم وصحا رمضانكم اني حاب طلب منكم خاسني وصفة حلوى ماتطيبش وتكون ففيها البيمو و الديول المهم خاصتني حلو ماتطيبش الله يخاليكم

أم أحمد عبد الصمد · 2014-07-25, 17:28

حبيبتي
طحني باكي بيمو تاع 4 ألاف و نصف زيديلو كاوكاو محمص و مرحي مشي رقيق و مشي خشين ، مقدار 10 ألاف حلوة الترك رحيها وزيدي حمصي باكي و لا زوج تاع ديول و طحنيهم خلطي مليح و لميهم بالمربى شكلي كويرات و لا أي شكل تحبيه خليها تنشف ممكن تحطيها في الثلاجة علاخاطر سخانة و مبعد غطسيها في الشيكولاطة و ديري خطوط بالشيكولاطة و لا أشكال من عجينة اللوز في وسط كل حبة
السر في الديول يخلي القاطو مقرمش مذاقو هايل
مشي شرط تتقيدي بالعبر لي قلتولك المهم على حساب الشي لي يكون عندك

amarbobr · 2014-07-25, 18:14

شكرا كتير اختي الله يطول في عمرك و ربي يخليك

madhar · 2014-07-25, 18:31

اختي
2بايط ماجور وكاس تاي جوز ولالي عندك 100زبدة شوية تاع حلوة الترك 2مغارف كاكاو 2مغارف قهوة نيس كافي و تبلي بلعسل وطرحيها وطبعيها كيما حبيتي,انا طبعتها دوائر و ندخل نص في الشكولا ونص في القلاصاج وحطي جوزة من فوق
القلاصاج حطيلو شوية نيس كافي. نتمنا يعجبك

أم أحمد عبد الصمد · 2014-07-25, 18:46

اقتباس:

المشاركة الأصلية كتبت بواسطة amarbobr

شكرا كتير اختي الله يطول في عمرك و ربي يخليك

العفو حبيبتي ، صح فطوركم