عاونوني بأفكاركم

البريئة · 2014-07-25, 12:48

السلام عليكم
حبيتكم تعاونوني بافكاركم صنعت صابلي و ماخرجليش مليح بالرغم من أنني بروفيسونال فيه و حبيت نرحيه و نصنع بيه قاطو آخر واش تقتارحوا عليا الله يجازيكم

takwaaa · 2014-07-25, 13:18

كاين اختي واحد اسمو قنفوذ ترحي عجينة الصابلي و تزيديلها كمية كاوكاو و نفس الكمية بيمو مرحي وشوية عسل و كنفيتير و لمي زيديلو شوية زبدة اذا ما تلمش و امبعد شكليه كيما تحبي و ديري فوقو الشيكولة و دردري عليه الكاوكاو ولا حليه فبلا و صبي عليه الشيكولة و ديري خطوط بيضة كي الميل فاي و كي شيح قصيه اسهلك من التكركيب

البريئة · 2014-07-25, 13:25

شكرا اختي تقوى أنا في انتظار بقية الاقتراحات

الماسة النادرة · 2014-07-25, 13:32

انا نعرف كي ترحيه زيديلو الكاوكاو حلوة الترك وشوييية زيدة واذا تحبي شوية عسل ماشي بزااف وحليه فوق شاسي وقطعيه مربعات ولا بالكاس تاع الشاي ومن بعد ديريه في الشكولا وذرذري عليه جوز الهند

أم أحمد عبد الصمد · 2014-07-25, 17:21

أنا صراتلي في قاطو تاع الحج تاع ماما رحيتو زدتلو كاوكاو و حلوة الترك ولميتو بالمربى و تقدري تزيدي ديول تحمصيه و ترحيه يجيب القاطو مقرمش شكليه كويرات و لا كيما تحبي مبعد غطسيه في الشيكولاطة و التزيين على حسب ذوقك مكلاه تزيدي البيمو لأنو في بلاصت البيمو درتي قاطو مرحي