السلام عليكم اختي عملت بقلاوة وشكرتها بزاف قاتلي ما تاخدش الوقت وتجي مقرمشة و الله ننصح بيها كل حبيبة الطريقة كالتالي : نوجد الحشو 3كيلات كوكاو بكيلة سكر رطب (قلاصي) شوي قرفة ونلم بماء الزهر مالازمش يكون جاري شاد روحو ونخلوه مدة .2-العجينة:رطل فرينة نزيدوه 2ملاعق اكل سمن المدينة فقط نجمع بماء و ماء الزهر وندلك مليح كي نكمل نقسمها 7 كويرات ونخليها ترتاح نصف ساعة. 3-التحضير : فوق الطابلة نحطو سنيوة مدورة كبيرة باش تساعدنا على العمل ندهن البلا تاعنا نوجدو بجنب نروحو للكويرات طبعا كالعادة لازمني 4كويرات من اسفل نفرش ساشي تاع الرولو فوق السنيوة و نبدا نفتح الكويرة 1و2و3و4 مثل الرقاقة قطر 10سنتيم هنا يجي السر تاع اهاد البقلاوة ندري فوق القرصة1 النشاء و قطع صغيرة من الزبدة تاع التوريق اسمها زبدة صالحة لازم هاد النوعية ادا نحط القرصة2و نزيد ندردر النشاء و قطع الزبدة و نغطي بالقرصة 3 ونحط النشاء و الزبدة ونزيد القرصة الرابعة
ضرك نفتح بالحلال تجي ساهلة ماهلة مرة ةحدة مع بعض في 4 نحط في البلاطو القرصات الاربعة مع بعض ونحط فوقهم الحشو تاعي نرجع للسنيوة و بنفس الطريقة نفتح 3 كويرات اللي تبقاولي ونغطي الحشو تاعي .نصيحة باش تجيك هشة ادهني الوجه بالسمن بالبانس من فوق وشكليها وحطيها في الفور .العسل ننصحك ديري تاع مرجانة بنين يشبه للعسل الحر اقسميه على 2النصف الاول زيديه ماء الزهر وسقي بيه البقلاوة تاعك وخليها في البلاطو في الغد زيدي اسقيها بالنصف الثاني وخليها تتشرب مليح في البلا تاعها ادا صبرتو عليها . ما تخافوش راها تجي مبسة من زبدة التوريق اللي بين القرصات و زيد تجي مورقة و تتقرمش يا رب نكون فدتكم اخواتي .
( تقرير عن مشاركة سيئة )، و الموجودة أسفل كل مشاركة .
2014-07-25, 12:12
طريقة سهله لصنع البقلاوة
العرض العادي
