لا اريد ان اتزوج

[مشكلتي]

السلام عليكم اخوتي رمضانكم كريم وصح فطوركم
مشكلتي اني خطبت منذ حوالي شهر لشخص لم اعرفه من قبل لكن قبل ان يتقدم لخطبتي تحدثت اليه عن طريق النت وهو انسان محترم ومتفهم بعدها صليت صلاة الاستخارة وكنت مرتاحه وعلى هدا الاساس وافقت عليه رغم اني لم اره امامي (رايت فقط صوره ) ووافقت اسرتي كدلك عليه بعد ان سالنا عنه وعن اهله ..ثم اتت عائلته لبيتنا في زيارة صورية يعني جاو للشوفة(يسما لحد الان كاين غير الشوفة ماكان والو) ...صراحة لم احس بالفرحة في داك اليوم لا ادري لمادا وتم الاتفاق ان يكون العرس بعد سنتين وان اتم باقي دراستي وانا متزوجه
انا الان اشعر بضيق شديد واشعر برغبة كبيرة في عدم الزواج رغم انو مليح معايا ويعاملني مليح وماشفت منو غير الخير ...واحس ااني تسرعت كثيرا في هدا القرار ....انا اريد فسخ الخطبة (لا اريد ان اتزوج لا به لا بغيرو حتى اتم دراستي )
وكون نفاتحو فالموضوع ونقولو بلي ندمت مانيش حابة نتزوج حتى نتم قرايتي علابالي بلي مش راح يتقبلها ويدير فبالو بلي كشما كاين ودرتها سبة برك...وانا ربي شاهد مانيش حابة نتزوج وانا نقرى حابة حتى نتم قرايتي كامل وهو مستحيل يقبل بهاد الشرط
هاد ليمات اني نصلي فصلاة الاستخارة مرة حلمت باني لبست صباط بالصح ماجانيش مليح فرجلي جاني كبير
ومرة اخرى نمت اني لابسة صباط تقطع كامل فرجلي
لا اردي ان كانت هذه علامات او امارات من الله عزوجل ام هي مجرد اضغاث احلام
صراحة انا في حيرة كبيرة من امري من جهة حابة نفسخ ومن جهة غايضني ولد الناس مالقيتش وش نقولو
والله ماني مستراحة خلاااص خلااااااص حابة نبطل ومانيش حابة نتزوج كي نتفكر بلي حانتزوج يهبطلي المورال
هل ادا ما فسخت نكون ظلمته ؟ وهل ربي يعاقبني على هدا القرار
في رايكم اي الامرين هو افل اضرارا ؟؟ ان اضغط على نفسي ونتم رغم اني مانيش مستراحة ورغم اني مانيش حابة نتزوج ونقرا ......او نبطل واكيد هو رايح يجيب عندو الحال وانا كون نبطل رايحة نخلق سبب اخر باش مانقيسوش