سيقتلني الخوف من الزواج

[مشكلتي]

السلام عليكم
انا فتاة في ال 28 مخطوبة مشكلتي اني لم انم مند 4ايام بسبب الخوف الدي غلبني من الزواج فمند 4 ايام كانت كل ساعاتي غاية في الروعة كيما يقولو نحب راجلي راجلي يحبني مابقاليش بزاف مور العيد الكبير وندير العرس الفرحة ديالي تقلبت ملي رحت معاه نشوف الدار اللي راح نسكنو فيها باش نشوفو كيفاش نخدموها ختو استقبلتني احسن استقبال داري في الطابق الثاني طلعت نشوف بصح حسيت حاجة غير طبيعية جاني البكا وحبيت غير نخرج من تم ..... و كي كنا حابطين انا وهو فالدروج ماكانش كامل مهتم بيا منشغل في التليفون يهدر مما زاد في احراجي وخجلي فانا فتاة نحشم بزاف وانزعجت لعدم اهتمامه ولم ابدي انزعاجي باش مايقولش راهي تتفشش عليا بصح بيني وبين روحي بديت نقول هدا قبل مانجي ماعلابالوش بيا مالا كي نجي كيفاش....... وكيفاش نعود ساكنة معاه بعيدة على دارنا وبديت نستغفر وقلت دوك ننسى انما الامر تطور كثرمن كنت نيماجيني احس بالم نفسي رهيب يادن المغرب مانقدرش ناكل نفسيتي تبدلت 180 درجة نظرة الحب اللي كنت نشوف فيه بيها راحت كان يسوى عندي كل الدنيا دوكا نشوف فيه انسان مسموم راح نعاني معاه وفقط مع العلم انه ناس ملاح بزاف وحبيتو وهو لي حببني فالزواج قبلو كنت مخطوبة مع واحد مدة طويلة قبل 20يوم من العرس انفصلنا لانه خدعني وانا حمدلله صبرت ووكلت عليه ربي وكيما كان الحال ربي فرج عليا برااجل سيد سيدو في ظرف سنة تمت خطبتي التانية وكيما كامل العباد الكمال لله فيه بزاف لي ديفو بصح ملاحتو غلبت كلش وحبيتو من قلبي وانا لي كنت نقول في حياتي مانزيد نحب دوكا مانتخيلش حياتي بلا بيه بالنسبة لظروفي دارنا مفششيني بزاف خطرات نقول بلاك علاجال هادي بصح مايلحقش الالم النفسي لهاد الدرجة والله راني نعاني وتاكلة على رابي بصح حابة نفهم واش راهو صاريلي ماراني نقدر ناكل ماراني نقدر نرقد ماراني حاملة خطيبي حتى الخدمة نخدم وانا عينيا معمرين بالدموع حاساتو كوشمار لازم انوض منو ونقول هدا كامل علاجال خلاني وراح يهدر فالتيليفون ...................... مع العلم انا شخصية اجتماعية جدا ومرحة بصح كي كنت صغيرة العكس تماما مانقدرش نريح تانية بعيدة على ماما ننكر كامل الناس والحمدلله كي كبرت راني طبيبة خجلي دايما في محله عاونوني يالوكان بكلمة وادا راكو تشوفو فيه فشوش والله نتقبل اي نصيحة يا لوكان تجرحني قابلة المهم قلبي يرتاح وعينيا يرتاحو

[مراد سابقا6]

هذا امر عادي يحدث للكثير من الفتيات

وهناك حتى من نزلت من سيارة الزفاف بدات تبكي اما الناس اجمع

الأمر عادي

ضرك توالفي

نحكيلك حكاية قالك كاين 4 معندهش الزهر راهو لمشعوذة واش يشوف حكايتهم

الأول قاتلوا أنت عامين ويفرج عليك ربي

الثاني شافت في يدوا قالتلوا 3 سنيين ويفرج عليك ربي

الثالث شافت في ديوا قالتوا 4 سنيين ويفرج عليك ربي

كي لحق الرابع قاتلوا تقعد 4 سنيين وتوالف ..................

هكذاذك أنت سيأتي الأمر صعبا في الأول ثم توالفي

[أناييس الربيع]

يا أختي الزواج راه مسؤولية

وانت لازم توالفي وديري في رأسك بلي المعزة

نتاع الوالدين مادومش والزواج راه يختلف ع

وش راكي عائشة في داركم

أكثري من الاستغفار

[* عبد الجليل *]

السلام عليكم
شوفي ختي هادا زواج مش لعب يعني انتي اتخذت قرارك والاهم انك حبيتيه
خلاص مالا ماتخلي اي شيئ يفرق بيناتكم وراح توالفي مادامك عرفتي عقليتو
ايييييه ونفسيتك تغيرت على حساب ما قرأت في قصتك
عليك بالاستغفار والدعاء والصلاة ثم الصلاة
اختي الكريمة لا عليك كانت مجرد مكالمة
لا تتركي الوسواس يؤثر عليك
ربي يهنيكم ان شاء الله
لا تنسي صلاة الاستخارة
وربي يفرحك دنيا وآخرة

[مملكة الأحزان]

هذا يحصل كثيرا عندما يقترب موعد الزواج عااااااااااااادي
حاولي ان ترقي يا أختي انتي قلتي بأنكي عند دخولك للبيت تغيرت نفسيتكي ,,أكثري من الاستغفار والدعاء عسى ان ترتاحي
بالنسبة لزوجك فلا يوجد انسان خال من العيوب ولكن مادام انه يحبك وتحيبنه فهذا ما تحتاجه اي علاقة اما عدم انتباهه لكي بأنكي مستاءة فهذا يحصل انتي حساسة بعض الشيء
لذا توكلي على الله وعسى الله ان يصلح بينكما و يبارك لكما وتصبحين عروسة جميلة وستلاحظين بعد زواجكي بأن كل ما كنتي تفكرين فيه مجرد احساس الفراق بينك وبين عائلتكي .. وعسى هو ان يعوضكي خير

[الحياة وقفة عز]

انا نظن هذي بسبب كاش عين حاسد او سحر يعني من الافضل ترقي عند الرقاي وان شاء الله ترجعي كيما كنت اما في خصوص الزواج لازم تتزوجي لانه واجب وسنة الحياة .اما احساسك بلي هذا الراجل ماهوش مهتم بيك نحيه من بالك لانك حكمتي عليه من المرة الاولى مادامك تعرفيه من قبل من المفروض راكي عارفة طبايعو ..والرسول عليه الصلاة والسلام قال الحب ياتي بعد الزواج...اكثري من صلاة الاستخارة وربي يعطيلك الحل لمليح ربي فيه غير الخير وشكرا يا اختي[

[naamane3]

هذا راه توسويس برك
وهو راه مشغول بالتلفون على جالك
واعلمي ان الانشغال من اجلك خير من الانشغال بك
لذا احمدي الله واشكريه على هذه النعمة
واكثري من ذكر الله كي يطمئن قلبك
والله المستعان

[إيمان احمد]

اختي عااااااااااااااااااااااااااادي لانو راح تخلي والدين وخاوتك داركم غرفتك دكريااتك عاادي انك تحاافي

حاولي تلتي روحك بامور العرس

[الحياة وقفة عز]

Iلله يصلح حال كل المسلمين وان شاء الله تعم الفرحة والسعادة في كل بيت وفي كل عايلة

[الوليـــــد]

أود أن أطمئنك أختي الكريمة , و أقول لك أن هذه الحالة جد طبيعية, تحدث لأي فتاة قبل الزواج, بل قد يصل الوسواس احيانا الى تخيل امور رهيبة.

كوني متيقنة انها مرحلة و ستزول مع مرور الوقت.

اتمنى لك زواجا سعيدا في حياتك و ستضحكين بعدما ترزقين بالاولاد ان شاء الله حينما تتذكرين هذه الوساوس حينئذ قولي " كان واحد العضو سطايفي في منتديات الجلفة يضحك عليا ههههه "

صح سحوركم.

[7anine 87]

اختى بالك تجربتك السابقة شوية ماثرة فيك يعنى هو الخوف فها فها مى انتى بزايد عندك شوية حابة نقلك انى كيفك عرسي مورالعيد لكبير والف حاجة تسنى فى والف سؤال فى راسي وخايفة ومية من الخوف مى ديما نصبر روحى ونقول انو هدى مرحلة وكلنا لازم نعديو علها صح كنا فى دار وليدنا معزين مكرمين ومدلين من فوق مى حياتنا مع الراجل شئ تانى لازم نخلعو علينا ثوب الدلال والترفيه ونحملو المسؤولية ونكونو كيما امهاتنا قدوات لابابنائنا ونخليو اهلنا يفتخرو بينا وفى نفس الوقت نبنيو حياتنا كيما حبينا ومع الانسان لحبيناه اختى مش راح نقلك ساهلة مى هو كيما يقولو شر لابد منه

[مريم الصابرة]

السلام عليكم اختي
أولا إستغفري مولاك الاكيد إنت غالطة إنت لما شفت الدار قبل ما تروحي حسيتي بالحنين لداركم قبل ما تغادريها وهذا شعور عادي تحسو أي طفلة وإنو كان مشغول فالتلفون يا اختي امر عادي جدا توقعي لو إنت هابطة فالدرج وعيطتلك يماك الأكيد تهدري وتخليه لانو تصرف عفوي هذي تصرفات تافهة تغاضاي عليها إنت تحبيه والراجل راه راجلك إنت غايضاتك تخلي داركم لازم تتغلبي على الإحساس السلبي
أختي ما تكونيش حساسىة في أمور تافهة وإسمحيلي نقولك امور تافهةكيفاه عرفتيه ما هتمش بيك برك لانو كان مشغول ويهدر الامور الإجابية لخرى كلها نسيتيها وشديتي غير فامر التلفون لالا اختي راكي غالطة وظالماتو
من رأي وجدي لعرسك وفرحي براجلك وتعلمي امور تافهة كيما هذي تفوتيها حتى تعيشي مرتاحة مع زوجك لانو الدنيا مش كلها كلام معسول وغراميات ولو جا نهار راجلك عندو مشكل مقلق زعفان كاره روحو إمالا تطلبي الطلاق اواه يا اختي راك مدللة
ربي معاك وإنعلي بليس ووجدي لعرسك الف مبروك

[الواثق]

تتزوجي وتضحكي على روحك ............ومبارك عليكم الزواج مسبقا

[kramnik]

مشكلة نفسية فقط
ارتاحى قليلا

[وهراني41]

بالتوفيق لكم