راني مشوكية ادخلونقلكم

minoucha amina · 2014-07-14, 16:03

راني جربت بريوش نتاع 8 ملاعق سكر و ,,,,,,,, المهم مصلحليش مجانيش هشوش انا نطلب من كل وحده تعرف وصفة هشوشة تكتبهالي و صح فطوركم

ام الهضاب · 2014-07-14, 16:06

هاهو هذا راني مجرباتو يهبل
https://www.djelfa.info/vb/showthread.php?t=595325

minoucha amina · 2014-07-14, 16:09

rabi ya3tik wech tetmenay w s aha ftork

ميمي ناصر 22 · 2014-07-14, 16:34

سلام حنونة
انا ديما ندير بريوش تاع ام رامي والله رووووووعة
وبالخصوص بريوش السحور يجي خفيف على الكيف
هدا بريوش السحور

الطريقة والمقادير
في صحن عميق حطي 3بيضات + 2كاس حليب دافء + كاس زيت + نصف كاس سكر +3ملاعق صغيرة ملح + ملعقة كبيرة خميرة الخبز + كيس خميرة كيميائية وخلطي جيداا بواسطة شوكة

ثم اضيفي الفرينة بالتدريج ومع الخلط بواسطة ملعقة حتى تتحصلي على عجينة رخوة وتلصق في اليدين

غطيها بكيس نايلون وفوقه قماش وخليها تخمر مليح حوالي ساعة

فشيها بيدك فقط ودخلي فيها الهواء مليح دون العجن وخليها تخمر مرة ثانية

وزيدي الثالثة وزيدي الرابعة
ملاحظة : الخمرة الثانية والثالثة والرابعة تكون سريعة وما تديش الوقت بزااف
بعد الخمرة الرابعة ديري زيت في يديك وشكلي كريات صغيرة اقسمي العجينة على 12
او شكلي كيما تحبي حلزونات او وردات

خليهم يرتاحوا حوالي ساعة يخمروا مليح ثم ادهنيهم ببيضة كاملة + شوية حليب سائل
شوية سكر وذري الجلجلان او السنوج

وطيبيهم في الفرن وحمريهم من فوق

وهدا البريوش العادي

المقادير
بيضة واحدة + ربع كاس زيت او مرغرين ذايبة وباردة +كاس ماء دافىء + ملعقة كبيرة خميرة الخبز + ملعقة كبيرة سكر + ملح + نصف كاس طحين ( دقيق ) + 4 ملاعق كبيرة حليب بودرة احنا في الجزائر عندنا حليب بودرة اللحظة

نخلط جميع المقادير مليح مليح

نغطيها ونتركها تخمر نفشها ونعاود نخمرها مرة اخرى ثم نعجنها قليلا ونحضر شكولا مبشورة

العجينة تلصق بالايدي نستعمل الزيت لتسهيل العمل

باقي المراحل واضحة بالصور

ندهنا ببيضة كاملة + سكر وحليب ونرش الجلجلان ونخليها تخمر ونطيبها

شوفو الهشاشة

وهنا نفس المقادير السابقة لكن بدل الباتور والعجانة استعملت الكيس يعني خلطت المكونات الاولى بالشوكة فقط وبعد ما اضفت الطحين لميتها بيدي وحطيتها في الكيس المبلل وخمرتها مرتين وشكلتها ..دهنتها وخليتها تخمر وبعد ما حطيتها في الفرن

ثم نضيف 3 كؤوس طحين + ملعقة قهوة خميرة كيميائية ( البكينح باودر) ونعجن

جربيهم و مارايحاش تندمي
سورتو بريوش السحور
بالتوفيق

عطرالذهب · 2014-07-14, 16:41

شوفي ديري نتاع نينافرات لاقبلو لا بعدو وعلى ضمانتي

minoucha amina · 2014-07-14, 17:51

ya okhti rani jarebt nta3 om rami mais wwalo tani maslohlich jani m3ajn w yabes mahouch hchouch kechma kayna recette ghir gololi 3liha

omranesouhila · 2014-07-14, 18:33

اهلا بيكي و صحا صيامك
هاكي هذا انا تقول عجبني و اليوم في الليل ان شاء الله انجربوا انتي كذلك اليوم بالليل جربيه و تفكريني و نتفكرك بالخير و ان شاء الله ينجحلك
https://www.djelfa.info/vb/showthread.php?t=1469857
سلامممم