سؤال للنقاش...ارجوكم اريد اجابة من فضلكم

khadidja_m · 2009-07-24, 15:31

السلام عليكم.....اخوتي اخواتي اعضاء منتدى الجلفة حبيت نسقسيكم سؤال على وحد الكلمة راهي تدور بزاف في الشوارع تاعنا خاصة عند لمصاغر....
واش معناها كلمة .كافي.واش هو المقصود من هدي الكلمة؟؟؟؟
و ايضا واش يقصدو بكلمة ...التحلاب؟؟؟
وشكرا لكم مسبقا واسفة ان احرجكم سؤالي...

بنت المحمدية · 2009-07-24, 15:39

كافي معناها مغندف مايفهم والو
محلب معناها حيلي ويعرف كل شيئ
شكرا على السؤال

لحن الوفاء · 2009-07-24, 15:51

ايه اختي كيما قالت بنت المحمدية بصح اكثر الصغار ميفهموهاش

ع.جمال · 2009-07-24, 16:27

السلام عليكم.
يقولون عيش لافي يا كافي والكافي طبعا هو الغير متحضر .
والتحلاب هو الدخول والسؤال عن كل شيء كما يقال يحشر نيفو في كل شيء.
والله أعلم .
وهما عبارتان من عبارات العصر الكثيرة والتي لها دلالتها عند الشباب أي لغة تخاطب بينهم إختصارا.ومشكورة على الموضوع.

chahd alger · 2009-07-24, 16:30

كيما قالو الكافي هو الحابس في مخو ومعندوش ذوق في الدنيا
و المتحلب هو اللي كان كافي وتحلب جديد ولا يعرف ديمارا شويا على واش كان

مارس · 2009-07-24, 16:34

والله العضيم ضحكتيني بزاف هذه العبارات السوقية التي يرددها الشباب و تحلو لهم إختراع كل يوم كلمة ياليتهم إخترعوا لنا آلات تنفعنا

اسد الاسلام81 · 2009-07-25, 14:05

كلمة كافي ياأخت مشتقةةمن كلمة cave manوهي رجل الكهف.....وتعني انسان متخلف.....
وتحلب يعني بدا يفيق.......

أمـ جيجل ــال · 2009-07-25, 14:46

السلام عليكم ورحمة الله وبركاته :

والله يا أختي ياما سمعت بهذه الكلمات بصح عمري ماحوست واش معناها خاطر مايقولها غير هذوك المراهقين الضايعين يعني نخلي اللغة تاعنا الأصيلة وحتى لهجتنا ونروحو نختارعو في كلمات ........ والله لوكان نهاودوهم يجيبونا لهجة جديدة نحن في غنى عنها شكرا لك

قارئة السلام · 2009-07-25, 14:49

اقتباس:

المشاركة الأصلية كتبت بواسطة marsmylove

والله العضيم ضحكتيني بزاف هذه العبارات السوقية التي يرددها الشباب و تحلو لهم إختراع كل يوم كلمة ياليتهم إخترعوا لنا آلات تنفعنا

صدقت والله وإن أردت أن أعلق فلن أجد أحسن من ما قلت
بارك الله فيك

kakashi1994 · 2009-07-25, 15:42

الكافي معنتها ماهوش شايف ومازال جديد
والمتحلب عكسها يعني واحد عرف حوايج وكرهم معنتها تحلبلهم
والتحلاب هو يعلمك واحد حاجا حتان انت تخدم بهاديك الحاجا وحتان تكرها وتولي مادايرلهاش قيمة يقولولك تحلبت
لابأس هادا رأيي

khadidja_m · 2009-07-25, 15:52

chkouran lakoum nchallah mankounech déronjitkom

انس البليدي · 2009-07-25, 19:22

متخافش من البحر كي يتهول بصح خاف من الكافي كي يتحلب
او نت خرجي المعى ا شعبور

مريم الطالبة · 2009-07-25, 20:45

كيما قالوا الاخوة الاعضاء الكافي هداك اللي ما يعرف والوااا.........و المحلب واعر على الكافي