زوجي سرقني

[مشكلتي]

السلام عليكم
[انا حكاتي ومافيها اني تزوجت من 9اشهر زواج تقليدي .

في ايام الاولى من الزواج زوجي قالي وريلي ذهبك
انا وريتهولو.بعد ايام جاء لي وقالي محتاج دراهم انا حرت معنديش منين نجيب
امالا ولا قالي اعطيني حاجة من ذهبك متقبلتش الفكرة ومن بعد قلت ماعليه هادا راجلي وراح يرجعلي واش دا
يامات من داك زاد عاود نفس لحكاية انا مقبلتش .هو معجبوش الحال وشنف عليا
بقيت انا نخمم منين نجيبلو وليت سلفت على اختي
باه رجع معايا نورمال
وقال خلال شهر نسلك ديوني
فاتت7 اشهر وانا نستنى حتى نوض على مصيبة سرقلي محزمة تاع ذهب وكي قتلو عليها ضربني
قالي تحوسي على لحزام ولا نحى حزامو وضربني
سمعت بماه وباباه كي كان يضرب فيا قالولي وش فيها راجلك وحقو يدير وش يحب
قلت ليما وبابا قالولي متخليش دارك والذهب مخلوف وزيد كي تطلقي راح الناس تشفى فينا
انا مبقاتليش غير في الذهب انا نبكي على عمري وين وكيفاه نتمو معاه انا طلبت الطلاق وراني حامل ضك في الشهر الثاني .وش تنصحوني

[البريئة]

السلام عليكم
صراحة أختي انت في موقف لا تحسدين عليه سرقك و زاد ضربك لا حول و لا قوة الا بالله أدعو لكي من صميم قلبي ان يفرج الله همك ما كنش كيما رأي الوالدين هما وحدهم لي ما يحبولكش الضر ما تزيديش تخلي ذهبك و دراهمك في دارك خبيهم عند والديك هذا اذا قررت تقعدي عندو صراحة تقعدي عندوا مراه حل تطلقي مراه حل

[khawla.ch]

ياااو ادا راجل ولا بطل....اختي غير انتي الي بيدك القرار انا ندعييلك ربي ينورك عقلك و يدلك على الطريق الصحيح و يفرج علييك عن قريب...و يهدي زوجك و يصلح بالواااااا و يفيق مع روحو ان شااااااااااااء الله...

[rafahe2012]

والله موقف صعيب والحل وهو لي راح يكون بيديك

شوفي نتي ادا كان في راجلك صفات وحدو خرى

مليحة تغلب على الحوايج اللي مش ملاح لي دارهملك

وتكوني سير بلي مايزيدش يعاود وش دار طبعا بعد ما تتحاورو

بلاك الحوار معاه راح يفيدك بلاك كانت عندو سبة كبيرة باه يديلك الذهب

معلبليش مي انا نقول والله الطلاق مش مليح خلاص مهما كانت الاسباب سيرتو راه عندك بيبي في كرشك ومزالك عروس

9 اشهر زواج مزلتي سيرتو يقلك العام الاول نتاع الزواج صعيب وبلاك مبعد يتعدل راجلك ويهديه ربي

والله راني حاسة بيك وعندك الحق نتي بسكو مي زيدي اصبري شوي علاجلال وليدك

بصح لازاد عاود هادي لغلطة لكبيرة يخي يقلك المؤمن لا يلدغ من الحجر مرتين

وربي يهديييييييييييييييييييييييه ان شاء الله

[djazia87holi]

والله يا اختي ربي يكون معاك اختي ننصحك ذهبك عمرك ولا تخليه في دارك او دراهمك والو وكبري قلبك مادام فيه طفل جا في الطريق واذا قالك وين راه الذهب قوليلي نحهولي بابا الله غالب وشوفي من بعد اذا عاود الفكرة قوليلو معنديش منين نجيبلك ومرة مرتين ان شاء الله يترقيل ربي يكون معاه

[samirabahi]

ربي معاك اختي راجلك يسرقك الاصل راجلك الامان ديالك لكن سرقك هادي موصيبة واش نقول لاختي دسي ذهباتك عند الاهل ديالك وقولي سلفتيهم لاختك باش يقطع لياس واصبري واش ديري.

[bellaluna]

لا أنصحك بالطلاق فالمجتمع لا يرحم خاصّة و أنت حامل.

[ZORRO__DZ]

لا حول ولا قوة إلا بالله

حسبنا الله ونعم الوكيل فيه

ضرب وعنف وسرقة، ماهذ الصفات، وكيف تم الزواج.....

أف أف أف من رجال أخر زمان

[إيمان احمد]

يا اختي واش انقولك ربي يهديه راه جاي رمضان ادعيلو و ربي معاك اما الطلاق راه صعيب في مجتمعنا

[صَمْـتْــــ~]

السلام عليكم ورحمة الله وبركاته

أقدّر شعورك أختاه وأسأل الله الفرجَ لكِ..

ومع ذلك عليكِ بالصّبر فلعلّه اختبارٌ لكِ من اللهِ سيُجزيكِ عليه إن سبّقت نيّة الطّاعة لزوجِكِ إرضاءً له سبحانه وتعالى..

فنيّتك كانت "أن تساعديه بِظَرفٍ ألمَّ به" ورغم إساءته لكِ فهو بالنهايةِ زوجك ويوما ما قد يذكّرك بموقفك تجاهه اعترافا بِرفعة تصرّفك..
وستنالين إن شاء الله خيرا لِقاءَ ذلك..

ثمّ إنّ الأيّام كفيلة بإظهارِ حقيقة نواياه..فلا تتعجّلي الأمورَ السيِّئة لأن العجلة لن تغيّر مشيئة الله
وفكّري الآن بالمولودِ الذي سينير حياتكما والذي قد يكون سببا في سعادتكما، واسأليه تعالى هِداية زوجِكِ لما فيه صلاح لكما.

[rose malak]

رحم الله عبدا عرف قدر نفسه ... يا اختى عليك بشراء كرامتك و الا ستموتين قهرا طول حياتك و فكرى في نفسك و ليس في المجتمع

[om_hadil]

قريبتي حدث لها نفس الشيئ
في اول ايام زواجهم سرق ذهبها و لما واجهته قال لها فيا ديون
و صبرت الا ان علمت انه يصرف المال على بنت و لما واجهته ضربها و قال لها الباب يفوت جمل و طلقها الحمد لله لايوجد اطفال
فقط ستة أشهر

[hamssa99]

انا نقلك الاحترام و الاهتمام اساس كل علاقة ضربك و محترمكش اخطيك منو اختي راي صعيبة عليك و خاصة معندكش بزاف متزوجة لكن صدقيني الطبع يغلب التطبع و هدا طبعو ماهوش را ح يتبدل ابدا

[ام ايمان16]

ربي يكون معاك
صح الطلاق موش حل سورتوو كي والديك قالولك ماتطلقيش
لكن لازم تديري حاجة باش الراجل يعرف قيمتك ويكون عندك موقف باش مايزيدش يعاود واش دارلك ؟سورتو انو ضربك ؟وهاذي الحاجة موش بسيطة في اول زواجكم
لازم يكون عندك موقف والاراح تمشي يدو عليك دايما لانو لو عقبتيهالو هاذي المرة بالسااهل يعود في اي سبة يضربك
وذهبك لازم تعرفي كيفاش تتصرفي بيه ووكتاش تتصرفي فيه
وهاذا درس ليك لازم تتعلمي كيفاش تتصرفي في حياتك
وكي يضلمك قولي
حسبي الله و نعم الوكيل

[مليحة العرب]

و عليكم السلام..
نصيحة لكل وحدة حديثة الزواج تصبر شوية باش تخمم تجيب دراري حتى تشوف و تميّز و تعرف هاد الراجل كيفاش داير
مشي من نهاركم يا نسا و من بعد تباصو بيم و تباصوهم معاكم ..
في حالتك اختي هذا راه كتر من القمارجي و الكحولي .. السرقة او اخذ المال لمكان مجهول ..هادي وحدها قضية ..
حكميه و هدري معاه صارحيه باللي في قلبك و قوله راه جاينا بيبي كي نديرو ؟ كي غادي نكملو مع بعض و انت ضربتني و بهدلتني مع عائلتك و هادو والديه يبغوها على بناتهم باش يرضاوها لبنات الناس؟؟؟ لا اخترم ناس هاكا زعمة رجولية اللي دارها السيد ولدهم زيدوله جرعة تربية عاد فكرو تزوجوه و تمحنو بنات الناس معاكم ...
غاااااااضبة جداااا من هاد الواقع العاهر اللي كبّل المرأة في هادي الظروف حسبي الله و نعم الوكيل في كل واحد شايف و ساكت عن الحق

الله يفرج همّك و كربك ويهدّي بالك يا رب