ممنوع دخول اقل من 18 سنة

[samirabahi]

السلام عليكم علابالي دخلتوا صحاب 17 و16 ........ المهم كان وحد الموضوع للنقاش هنا لكن لم اعرف كاتبه نسيت اسمه يقول انه يحب الزواج من البنت الصغيرة اي 18 سنة و19 سنة لانه مادارت لاعلاقات ومتعرفش مسكينة ومنديش 30 و35 راهم مروا بتجارب وداروا علاقات المهم حط من قيمة الفتاة الكبيرة في السن على الزواج وانا بدوري نقول لهذا المخلوق ان شاء الله تدي وحدى عاد خارجة من كرش ماماها مغمضة عينيها لانه في هدا الوقت رانا نشوفوا 18 سنة و19 سنة و20 سنة الله يستر ويحفظ لكن سامحوني ماشي قاع البنات تدي وحى شاربى عقلها ولا وحدى عادا الماعين متخسلهمش تديها تولي ماماك بونيشا ديالها وحاشا ليخلي يماه هكدا المهم لقرى هادا الموضوع عرف روحوا يرد عليا راني نستنى فيه ماكانش ليسلك بيناتنا

[نارينا]

لا لا راه يدخل مباعد ويرد ............بنت 18 سنة هذا خبث في النية كي قريتها هديك النهار قلبي وجعني

[rafik1406]

اولا السلام عليكم ومن بعد ان مانضنش واحد يحب يتزوج من وحدة صغيرة على خاطر التجربة حنا الرجال والاغلبية علابالهم بلى صغارات يطيرو كثر من الكبار يجو حشمات ميشي كيما الجيل الجديد 12 سنة طير تدير حال الى ماتديروش وحدة في عمرها 35 سنة مي الاختيار اختيار غريزي ميل الرجل للمرأة الاصغر سنا لاعتبارات اخرى أغلبها حول التركيبة الحجمية والفاهم يفهم

[Hanouna Tahfouna]

كوني متأكدة عزيزتي اللي خايف يلقاه فالكبيرة راح يلقاه الضعف فالصغيرة لانو هذا رزق من عند ربي مش عند العبد وربي يرزق كل واحد على حساب نيتو

[مريم الصابرة]

السلام عليكم اختي
انا كنت مشاركة فالموضوع ومانكونوش ظالمات الاخ محترم جدا ونعرف ردوده وصراحة هو ماقالش اللي كبيرة فاسدة لا محال والله نعرفو ردودو ومشاركاتو الأخ كادير قال انا نديها عندها 18 سنة وتكون متجلببة هو حر في رأيو وفي سن زوجتو اكيد
كلنا ناقشناه وانا وحدة من الناس قتلو روح مد العربون وهي في كرش يماها ولما تزيد 10 سنين بداو توجدو للعرس وديها 12 سنة او من رأي يروحو يدوها من قسم التوليد وتكون طبيبة هي من أشرفت على ولادتها وتكون ولدت بولادة قيصرية هكذا تكون اشرف من الشرف لكن اكيد كلامي ليس له هو كشخص ولكن لكل رجل يرى الفساد فالمرأة
المرا كبيرة او صغيرة اللي متربي متربي وخدامة او قاعدة فالدار بزاف يخدمو ويجو مع المغرب للدار ومحترمات وغيرهم قاعدين فالدار ودارو كوارث وربي يهدينا كلنا
وبزاف داوهم عندهم 30 و35 وطلقو وداوهم 18 وكانو ربات بيوت هذي ليست معاير
اما يهدرو على كبيرة السن والله جماعة الرجال يحبو التعدد خلاص يدو 18 ولما يعدو يدونا حنا الكبارات هكذا نربوه ونربوها معاه ههههههههههه
ما تقلقيش روحك اختي لكن كلمة حق هو ما قالش الكبارات عندهم تجارب انا كنت فالموضوع وهذا كلام حق
شكرا

[كلمة و ابتسامة]

اصلان تاع 18 سنة مش رزينة و ماتعلمت والو من الدنيا و زيد تاع 18 سنة دركا ربي يستر