الدرس 6: les pinces و la découpe شرح مفصل.......

[sarra5]

اليوم راح نتعلمو حاجة اساسية في خياطة اي قندورة حابينها

وهي البينسات " les pinces " و la découpe لانها هي الي تحدد la taille تاعك


les pinces

هذه هي القاعدة الاساسية تاعهم




البنسة دائما تكون في خط الخصر لانها مثل ما قلنا تحددلنا la taille

و تكون في الامام وفي الخلف ايضا

ماعلينا الا تحديد نصف الكتف و ننزل الى غاية الطول المطلوب للبنسة

يجب يكون مثلث الاعلى والاسفل متساويين

خياطة البنسة تكون بخياطة الخطين المائلين مع بعضهم فنتحصل على بنسة مليحة

حاجة مهمة وهي طول البنسة لازم يكون من 18 الى 28 سم على حساب طول المراة

مالازمش الطول تاعها يوصل للحوض لانها راح تمدلنا مظهر باشع

لذلك كل واحدة تحط الميترة عليها وتشوف

المراة العادية تكون 20 سم اي 10 سم لنصف البنسة

و ايضا حاجة مهمة بزاف وهي عند خياطة الخطين المائلين تاع البنسة لازم الخياطة توصل للزاوية اي للنقطة الي بينهم

و الله les pinces ساهلين خلاص لكن لازم التطبيق فيهم



la découpe

la découpe نستعملها لتحديد الصدر

هي ساهلة ماعليك الا تحديد نصف الطابق و ننزل الي خط تاع نصف الكتف ونعمل المثلث مثل البنسة

و نخيط الخطين المائلين مع بعض الى غاية نقطة تقاطعهم





وهذه طريقة سهلة وممتعة دايما نستعملها كي نخيط

وهي اني نقص من نصف الطابق الى غاية طول البنسة المطلوب

و بذلك نكون ضربت عصفورين بحجر واحد "" عملت la pince و la découpe""





شوفو كيفاه تكون











ملاحظة : لما نقول نصف الطابق نقصد نصف قوس الطابق تاعنا
خياطة البنسات والديكوب تكون من الداخل

و الان ماعليا غير نقلكم في رعاية الله وحفظه

واي سؤال او حاجة غير مفهومة قولولي عليها لاني حاولت نبسط على قد مانقدر

لا احلل بنقل دروسي لاي منتدى آخر و الله رقيب عليكن