البيت الحمراء

[ali herzallah]

[size="6"]البيت الحمراء


لاَنَنْسَى عَادَاتْنَا يَا ذَالْحُضْرا
..........وْنَحْكي على التَاريخْ نُضْرُبْ تجْوَالة
قَلِْبي فَرْفَرْ شَاقْ للْبَيتْ الْحَمْرا
..........بالْمُقْرَة حَنَّاتْ طَابَعْ لَعْمَالة
ارْجَالْ ابْمِيعَادْ شَيّاخَة حُضْرا
..........وْعُقبْ اللَّيلْ اتْبَاتْ تَمْدَحْ جَلْجَالة
أزْرَابَة وَافْرَاشْ وَالرَقْمَة حُرا
..........وْزَخْرَافَة بَالْوَانْ تَعْطِي دَلاَلَة
أشْكَالْ وْرُسُومْ تُرْمُزْ للصَحْرَا
..........تَحْكِي عَنْ اسْنِينْ فَاتَتْ طَـوّالَة
اسْنَيّاتْ امْزَوْقَة تَجْلَبْ نَظْرَا
..........وَالْقَهْوَة والتّايْ منْهَا سَيّالَة
الشَكْوَة بَرْبَاطْ فُوقْ الْحَمّارَا
..........بَالْعَفْصْ وْ عَرْعَارْ ريحَة فَعّالَة
فَوّاحَة ابْجَرْتِيلْ وَ الدَبْقَة عَطْرا
..........اشْرُبْ يَا مَعْلُولْ لَبنْ الْمَوّالَة
سَلكْ امْرَارَة فِيهْ للسَاقَمْ يَبْرَا
..........مْنَ النَعْجَة فَالْبَرْ تَرْعَى جَوّالَة
وَاقْدَاحَاتْ الْبَانْ تَحْضَرْ فَالْمَرَا
..........غَرسْ وْ دَقْلَةْ نُورْ لَينَا بَجّالَة
المْلّة فَالْكَانُونْ طَابَتْ بَالجَمْرَا
..........حَرْشَايَة وَاحْلِيبْ لَيهَا وَكّالَة
جَبنْ ابْقَفْصْ ابْيَاضْ نعْتُو جُمّارَا
..........طَبِيعِي فُرْمَاجْ مَنْ صُنعْ الْخَالَة
وَالْقَرْبَة بَامْيَاهْ سَالَتْ شَرْشَارَا
..........بَنّتْ مَسكْ اتْزِيدْ تَعْطِي مَثْقَالَة
جَلْبَتْلِي لَنْظَارْ رَكْبِيَا شَقْرا
..........وَرْيَاهَة للْخَيرْ دِيمَة صَهّالَة
الرَقْبَة بَسْبِيبْ بيها نَعّارَا
..........مَسْرُوجَة للْقَومْ عَنْهَا عَوّالَة
مَنْ لحْيَالْ الْهِيهْ تَلْقَى جَرْجَارَا
..........ابْنَقْرَاتْ الْخَلْخَالْ تَقْضِي جَيَالَة
الضَيفْ الْكَرِيمْ ليهَا بَبْشَارَا
..........بَالرَفْسَة وَادْهَانْ مَاهِي طَوّالَة
كَرّامَة للضَّيفْ ذِيكْ الْمَسْرَارَا
..........اطْعَامْ الْكُسْكُسْ ليهْ دِيمَة فَتّالَة
صِفَتْهَا غَزَالْ تَسْلَبْ بَالنَظْرَا
..........مَا يَامَنْ صِيّادْ جَاوهْ خَتّالَة
الْعَينِينْ السُودْ خُمْرِيَة سَمْرَا
..........وَاحْوَاجَبْ عَالْعينْ دَارُو هَلاّلَة
فُوقْ اكْتَافْ اشْعُورْ رَابَتْ مَظْفُورَا
..........كَمّوسَة بَالطِّيبْ للنّيفْ اقْبَالَة
الْبَاسْ الْحَشْمَة زَادْ فَالْهمّة كُبْرَا
..........,وْ بَالشَعرْ الملْحُونْ عَنْهَا قَوّالَة
امْلاَحَفْ الْوَانْ بَانُو سَحّارَا
..........واحْزَامْ البَثْرُورْ سَلْكُو يَتْلاَلَة
تَكْلِيلَة وْ مَسْلُوتْ في وَذنْ الْبَتْرا
..........خُرصْ القَصّة وَ الْعِوَاشَقْ شَعّالَة
الشّدْ وَالشَنْبِيرْ وَالْقَشْطَة صُرَا
..........والْخُمْري مَنْسُوجْ بالدّقْ أُخْلاَلَة
الْمَدْوَرْ لمّاعْ وَ الْحَولي سُتْرا
..........وامْشبّكْ وَسْـوَارْ فَضّة وْ خَلاّلَة
أجْحَافْ اعْلى الْبَلْ فَاتَتْ سَيّارَا
..........وْمرْحُولْ الْخَودَاتْ فيهُمْ سَوّالَة
الْجَحْفَة مَوْجَاتْ مَاحَتْ بَالْعَطْرَا
..........اتبّـعْ في خَطْوَاتْ لحْجَلْ عَدّالَة
وَارْجَالْ الْبَارُودْ بالْبَاسْ الْفُخْرَا
..........غَي فُرْسَانْ اطْيُورْ حَامُو مَيّالَة
مَنْ رَاسْ الْمَشْوَارْ دَارُو غَبّارَا
..........اهْرُبْ يَا عَلاّلْ جَاوْ الْخَيّالَة
الْعَرْبي وَ الْقَابْسِي مَاهُمْ عُرَا
..........دُخّانْ اكْحَلْ غَيمْ دَايَرْ ظُلاّلَة
ازْغاريتْ الْحَانْ للضّايمْ يَبْرَا
.........تَمْسَحْ كُلْ اقْلُوبْ وَاتْنَحْ ازْلاَلَة
احْني وْضَايَاتْ غَابَة بَالسَدْرَا
..........وَاشْعَابْ وْ خُلْجَانْ وَدْيَانُو حَالَة
البُطْمَة بَاظْلاَلْ بَانَتْ شَوَارَا
..........مَقْصَدْنَا فَالْحَرْ فِيهَا قَيَّالَة
اللّكْ وْ زَبُّوجْ فَالْوَادْ أُعْمَارَا
..........وَ الزّاوَشْ وَزْوَازْ دَايَرْ حَلْحَالَة
أُعْقُبّة وَ اطْيُورْ سَكْنُو وَكّارَا
..........عَنْ لَرْنَبْ وَ احْبَارْ عَاشُو مَدْلاَلَة
وْلاَتَامَنْ حَجْلاَتْ طَارُو صَفّارَا
..........والثَبَّتْ فَالسَيرْ وَ أقْرَا الْبَسْمَالَة
الثَعْلَبْ وَالذِيبْ طَبعْ الْمَكّارَا
..........صَيّادَة فَالْبَرْ يمْشُو دَهْكَالَة
الْقَوبَعْ وَ التَرشْ مَنّكْ فَرْفَارَا
..........وْ مُسَيْسِي وَالدُخْ طَارُو مَذْلاَلَة
اصْرنْدِي وَ الصَوّاقْ مَاهُمشْ احْيَارَا
..........واللَّهَايَاتْ أُرْكَاكْ لُحتْ الدَرْبَالَة
والْجَرْبُوعْ أمْعَا الجرْدَة في زَغْرَا
..........مِيرَاقَة وَاعْفَارْ دَارُو شَغْلاَلَة
والقنْفُودْ امْعَا الزِوَاقَدْ في سَهْرَا
..........وَالْوَرْنَة وَالضّبْ ديمة صَوّالَة
امْعَاذَرْ وَامْرُوجْ شَعّاعَـة خَضْرَا
..........مخْرُوفَة وَ ارْبِيعْ جَادَتْ غَسّالَة
الْخَدّة وَالرُقّيمْ تَفْلى دَرْدَارَا
..........حُمّيضْ وْ خُبيزْ للْمَة كَمّالَة
مَرِّيوتْ وَ الْخَافُورْ وَ الْفَيجَلْ تَارَا
..........تَالْمَة وَالتَرْثُوثْ مَانَا قَدّالَة
الْعَجْرَمْ وَ اقْدَادْ وَارْمَاثْ وْ شَجْرَا
..........كُمّيشْ وْ لَوّايْ خَبّلْ تخْبَالَة
وَالْقِيزْ ابْعَسْـلُوجْ دَارْ النُوَارَا
..........خَيّاطَة وَ اشْنَافْ نَجمْ وْ خُرْطَالَة
الْحَلْفَة بَالدَقْمُوسْ دَارَتْ جُمّارَا
..........وَالْبَاقَلْ بَاكْدَاهْ خُوذْ الْحَمّالَة
الْجَوْبَرْ وَالتَرْفَاسْ مَطْيَبْهَا صُفْرَا
..........سُبْحَانْ الله خَالْقُو ذُو الْجَلاَلَة
اللِّي قَالْ الأبْيَاتْ جَاتُو ذَالفَكْرَا
..........مَنْ صُغْرُو شَفّايْ عَرْشُـو رَحّالَة
يَنْضَحْ بَاللِّي فِيهْ بَاشْعَارُو يَقْرَا
..........متْفَكّرْ لَرْصَامْ مَنهُمْ في حَالَة
عَايَشْ في خَيَالْ مَطْيَبْهَا عَشْرَا
..........وْ مَتْفَكّرْ مِيعَادْ ذُوكْ الرَجّالَة
ابْقَاوْ اعْلى خَيرْ رَاجَعْ للدَشْرَا
..........الْبَاطِيمَة عَلاّتْ دَارَتْ خِيّالَة
ادْرُوجْ وْ كَرْلاَجْ تَطْلَعْ دَوَّارَا
..........وْ فَالثَاني إيطَاجْ بَانَتْ طَلاّلَة
اثْمَنْيَا وَاتْلاثينْ رَقْمِي يَا حُضْرَا
..........وْ مَكْتُوبَة في الْبَابْ لَيكُمْ دَلاّلَة
مَرْحَبَا بَضْيُوفْ ليّا زِيّارَا
..........وَحِيدْ وْ لَولاَدْ بِيكُمْ وَهّالَة


علي عبدالواحد حرزالله سنة 2003[/size]

[ام زيزو]

روووووووعة كلام دافئ ينساب للقلوب بكل سلاسه

يعطيك ألف عافيه على هذا الطرح المتميز

[علي النموشي]

حقا هي بيت اولاد نائل العظماء .
عندك اعجاز في القافية اخي علي و الله رائع .

[ali herzallah]

المشاركة الأصلية كتبت بواسطة souha.nwl

روووووووعة كلام دافئ ينساب للقلوب بكل سلاسه

يعطيك ألف عافيه على هذا الطرح المتميز

الأخت سهىأشكرك جزيل الشكر على الرد و المرور الجميل

[ali herzallah]

المشاركة الأصلية كتبت بواسطة علي النموشي

حقا هي بيت اولاد نائل العظماء .
عندك اعجاز في القافية اخي علي و الله رائع .

كم أنا فخور بك اخي على كفخري بهذا الصرح العظيم خيمة أولاد نايل بيت الجود و الكرم ، حتى قمت بشرائها جاهزة بكل توابعها و تجهيزاتها
الرائع علي النموشي شكرا لك على المرور العبق

[~*نجم*الدين*~]

و الله قصيدة رائعة أخي عبد الواحد
وأوافق رأي أخي علي النموشي في أن لديك إعجازا في القافية
شكرا لك على هذه القصيدة

[♥ وآثقة الخطــــى ♥]

موفق بإذن الله ... لك مني أجمل تحية .

[♥ وآثقة الخطــــى ♥]

رمضان كريم

[ali herzallah]

المشاركة الأصلية كتبت بواسطة abdou-abdou

و الله قصيدة رائعة أخي عبد الواحد
وأوافق رأي أخي علي النموشي في أن لديك إعجازا في القافية
شكرا لك على هذه القصيدة

هذا من ذوقك و ذوق الاخ علي شكرااخي عبدو
لاحرمنا من طلتك البهية

[ali herzallah]

المشاركة الأصلية كتبت بواسطة الفراشة المحلقة

موفق بإذن الله ... لك مني أجمل تحية .

شكرا ايتها الفراشة الجميلة على المرور العبق

[ali herzallah]

المشاركة الأصلية كتبت بواسطة الفراشة المحلقة

رمضان كريم

تقبل الله منا و منكم الصيام و القيام

[ام زيزو]

المشاركة الأصلية كتبت بواسطة ali herzallah

الأخت سهىأشكرك جزيل الشكر على الرد و المرور الجميل

[khaledmissi]

هذي بيت اولاد نايل في الصحراء **** منعة للمظيوم فيها رجّالــــة
عزّ الساكن فارق الذلة مـــــــــــرّة **** فخرة لينا في الدزاير جمّالة


هذه مساهمتي التي تعبر عن مدى إعجابي بهذه القصيدة الرائعة في وصفها وفخرها وتقريرها للقيم الأصيلة . والحق أقول لقد نبهت في حنينا الى وكر تذوقت فيه حلاوة البساطة والعظمة في نفس الوقت . الى رشفة لبن مصفى وماء القربة المقطرنة ورائحة خبز فارقني طعمه منذ أمد لكنه ما زال محفورا في الذاكرة . وقهوة بالشيح يتعالى أريجها وقبل ذلك وقع المهراس كأنّه سيمفونية تسبق قدوم عظيم يستعد لاستقباله العظماء . هي الأيام تجري كالرياح . وتترك في النفوس دروس ماض.

[ali herzallah]

المشاركة الأصلية كتبت بواسطة khaledmissi

هذي بيت اولاد نايل في الصحراء **** منعة للمظيوم فيها رجّالــــة
عزّ الساكن فارق الذلة مـــــــــــرّة **** فخرة لينا في الدزاير جمّالة


هذه مساهمتي التي تعبر عن مدى إعجابي بهذه القصيدة الرائعة في وصفها وفخرها وتقريرها للقيم الأصيلة . والحق أقول لقد نبهت في حنينا الى وكر تذوقت فيه حلاوة البساطة والعظمة في نفس الوقت . الى رشفة لبن مصفى وماء القربة المقطرنة ورائحة خبز فارقني طعمه منذ أمد لكنه ما زال محفورا في الذاكرة . وقهوة بالشيح يتعالى أريجها وقبل ذلك وقع المهراس كأنّه سيمفونية تسبق قدوم عظيم يستعد لاستقباله العظماء . هي الأيام تجري كالرياح . وتترك في النفوس دروس ماض.

أسمحلي أخي ان اشكرك على الإضافة المجميلة و المتمثلة في البيتين
و الله يا اخي من خلال ردكم عرفت من انتم
شكرا على المرور الجميل و اللوحة الفنية الرائعة التي رسمتها
بارك الله فيك لا تحرمنا من طلتك البهية

[حمراوي نت]

بارك الله فيك ، فكرتنا في عوايد ناس بكري ، مازال الخير في سكان الصحراء .
و عندنا الكبار مازالوا ايقولوا :
الخير في بيت الشعر و اطنابها مش في الدار اللي زريط بابها
يا حسراه على عيشة زمان