تعبت من تصرفات اولادى

[ahlam92]

كنت اضن اننى ربيتهم احسن تربية تركت العمل لاجلهم حتى يجدونى امامهم فى كل لحضة اجوع و يشبعون اتعرى و يلبسون امرض و يداوون ربيتهم على الاخلاق الحميدة و التربية الحسنة حتى اصبح يضرب بهم المثل فى الاخلاق و التحصيل اللعلمى منهم من تخرج ومن تزوجت ومن تدرس بالجامعة ومن بالثانوى لكن مشكلتى انهم اصبحو يتشاجرون يتذمرونننن باختصار ذهبت عنهم القناعة طلباتهم زادت عن حدها بالرغم من اننى و والدهم وفرنا لهم تقريبا كل متطلبات الحياة من منزل و سيارة وانترنيت ووووووووولقد تعبت كثيرا من تصرفاتهم تجاه بعضهم و تجاهى اصبحو يعاملونى بقصوة و عندما اتذمر يقولون لم نفعل شىء و اذا ابديت رايا يحسسونى اننى لا افهم شىء بالرغم من ان مستوايا الدراسى ليس اقل منهم لقد تعبت كثيرا كيف يمكننى علاج ذلك انا اطلب مساعدتكم

[sarl02]

خلاص راكي تقولي كبرتيهم وقريتيهم وكاين الي زوجتيهم...ما عندك ما اتزيدي ديري ذرك ....راكي درتي الي عليك وزيادة .خليهم يتخذو والي ما يعجبكش حاوزي جدو برا .

[little smile]

المشاركة الأصلية كتبت بواسطة sarl02

خلاص راكي تقولي كبرتيهم وقريتيهم وكاين الي زوجتيهم...ما عندك ما اتزيدي ديري ذرك ....راكي درتي الي عليك وزيادة .خليهم يتخذو والي ما يعجبكش حاوزي جدو برا .

ههههههههههههههههههههههههههههههههههههه عجبتني هذي
والي ما يعجبكش حاوزي جدو برا

[sali-sali]

السلام عليكم
المشاحنات بين الاخوة في كل بيت
لكن مانظنش واحد مايحبش الخير لخوه

تبانلي درتي لي عليك

ادعي ربي يهديهم

[ام رفال]

في حل سهل .. و بسيط جدااا

مادام العطلة الصيفية قربت .. ابتعدي قليلا عن البيت

و حاولي ترقبهم من بعيد

يعني سفر لاي مكان او مدينة و لكن تبقى اخبارهم تصلك عن حدا موثق منه و ثقتك فيه

مجرد يلاحظن غيابك يحسون معنى الامومة و فقدانها

و حاولي عقاب من يستفزكِ منهم او يرفع صوته في وجهك بعدم الرد و التكلم معهم .. مثل ما تقول ماما : صوميهم

وقتا يحسو بتانيب الضمير

لكن لا تهربي و لا تتركيهم ... مهما كبروا يظلو محتاجونك

[أم شروفة]

امامك فقط يتعاملو مثل ما قلتي .لكن وقت الصح ما يلقاو غير بعضاهم.فلا تتقلقي امي جميعنا كنا مثل اولادك لكن الان اصبحو اخوتي سندي في حياتي واللي ثقيلة عليا خفيفة عليهم

[مريم الصابرة]

السلام عليكم
سيدتي الفاضل احييك لانك ام بمعنى الكلمة بارك الله فيك
من راي شوفي إنت درت كل شي واجبك وزيادة حقهم الآن يردولك إنت وباباهم خيركم لكن إنت دورهالهم غربة كل شي ماكانش زعاف وتقلاق دابزيهم إنت رفضي كلباتهم فكل الاحوال راهم يتذمرو لما يعتادو على قسوتك معاهم راحين يتسقمو ما تسمتيلهمش إنت امهم وحقهم يطيعوك ويشكروك مش يتذمرو من راي بدلي للاسلوب معاهم بزاف لحد وينتا اهاليهم يخدمو عليهم عيب عليهم بزاف
ما تقلقيش روحك ودوريهالهم غربة كيا قال الاخ سارل 02 اللي ما عجبوش الحال حاوزوه برا من الدار ويشق حياتو لروحو يتعلمو يتحملو المسؤولية

[ahlam92]

شكرا لكم اخوتى على ردودكم المفيدة لقد قررت ان اخذ عطلة و لو لبضعة ايام سابتعد عنهم و انا التى لم افارقهم يوما الا للضرورة القصوى منذ سنين طويلة و انا على يقين من ان امورهم جميعا ستتلخبط لقد تعبت كثيرا اعصابى تكاد ان تفلت منى

[naamane3]

اين دعواتك الصادقة بالصلاح لاولادك
ثم لا تنسينا من صالحها

[ام ياسين187]

يا ااختي لما تقولي لهم اللي يزعفني مراحش نرضى عليه وربي مايسسرلهش أموره أكيد راح يخافو لأنو رضا االله من رضا االوالدين .... لكن أنت في قلبك لازم تكوني راضية عليهم كل الرضا

[dalal 28]

راكي قلتيها كبرتيهم وعلمتيهم وكاين اللي زوجتهم شوفي حياتك روحي عمرة وادعيلهم وانا نقلك ان هذه المشاحنات والشجارات بين الاخوة في كل بيت لكن في اعماقهم تلقاي حب كبير ماتقلقيش روحك وادعيلهم دعوة الام مستجابة ربي يفرحك بهم ان شاء الله

[ياسمين1990]

ربي يصلحهم ويحنن قلوبهم على بعضهم ويرزقك برهم
ويرزقهم برك و يرضى عليهم امين
دعواتك مع الاستغفار ان شاء الله تتصلح الامور

[100000100001]

والله يا سيدتي و من منزلي مرت قرابة عامين و اخواي الاكبر مني لا يتكلمان مع بعض والى حد الان اخي له بنت و يلوم امي في كل صغيرة و كبيرة بالمنزل و وتبقى هي الحياة

[ahlam92]

شكرا لكم اخوتى

[زوجة الغول]

يا ختي نتي ربيتيهم أحسن تربية بصح ما ربيتيهمش بلي القناعة كنز لا يفنى
وهذا اسمو الدلال