ياَ مَطْبَخًا فَاحَتْ مِنْهُ رَوَائِحُ طَبْخَاتِي -متجدد باذن الله-

مليحة العرب · 2014-06-08, 20:41

الزلابية :
250غ فرينة -قرصة ملح-ملعقة صغيرة خميرة الخبز-ماء دافي
طريقة التحضير :
نخلطو المكونات الجافة مع بعض و منبعد نزيدو الماء تدريجيا حتى نتحصلو على عجينة تشبه البغرير نخلّوها ترتاح ليلة كاملة مع الخلط مرة او مرتين يعني نهبطو الخميرة
لغدوة من داك نزيدو للعجينة اللون البرتقالي و نحطوها في قرعة ما يونيز او ايّا كان
نسخنو الزيت مشي حتى ينحرق و نبدو نشكلو في العجينة تاعنا و غير نخرجو منا الحبة ديراكت في العسل . نخليكم مع الصورة

شهية طيبة

hloukaman · 2014-06-08, 20:57

barak el lahe fik hayla

mari mimia asma · 2014-06-08, 21:03

رائعة ولكن كم كمية الماء

مليحة العرب · 2014-06-08, 21:51

اقتباس:

المشاركة الأصلية كتبت بواسطة mari mimia asma

رائعة ولكن كم كمية الماء

ما قستش كمية الماء على حساب خبرتي المتواضعة ممكن يكونو 125 حتى ل 150 ملل شفتي عجينة البوراك هاكا

ام امجد و انفال · 2014-06-08, 22:00

44444444444444444

مليحة العرب · 2014-06-09, 14:12

الرفيسة المغربية :

العجينة :
عجينة المسمن اللي هي عبارة عن كمية من السميد و ملح و ماء
نعجنوها مليح و نخلوها ترتاح من بعد نقرصوها و نخلوهم حتى هما يرتاحو وحد الشوية شي 5 10 دقايق من بعد نشكلوهم على شكل حرابيش و نحلوهم في الماكينة تع القريوش ندهنوهم بالزبدة و نفوتوهم في القطعة الخاصة بالرشتة الرقيقة نلوها على نفسها كيما الحلزون نخلوها ترتاح و ندهنوها بالزبدة و الزيت بيلاما نزيدو نديرو زوج وحداخرين نعاودو نولو للاولى نحلوها بيدينا و نطيبوها و هكذا حتى نكملو باقي العجينة .نحتفظو بيها في قطعة قماش حتى حين التقديم .
المرق :
قطع دجاج او دجاجة على حسب افراد العايلة
بصل مفروم حبة او اثنين للي يحب يكتر
معدنوس و قصبر
شوية زيت و سمن
التوابل:سنجبير-كركم-شوية قرفة قرصة لا اكتر ما راناش باغيين طعمها يبان -ملح -فلفل اسود-مربع مرق دجاج و الماء قيس ما تغطي قطع الدجاج نغلقو الكوكوط و نخلوها وحد النص ساعة
كي تطيب المرقة نفتتو الدجاج
طريقة التقديم:
نفورو قطع العجين اللي كنا طيبناهم وحد الشوية قد ما يتفككو الشعيرات و نحطوها في طبق التقديم كي نكملو كامل الكمية اللي نحتاجوها نغرفو الدجاج مع المرق اللي غادي يكون شوية خاثر
نزوقو بقطع البيض او اللوز محمص اللي وجدلنا .
بصحتكم.

مليحة العرب · 2014-06-11, 12:16

FOUGASSE
نحتاج الى :
300 ملل ماء دافي -500غ فرينة-50 ملل زيت زيتون-10غ ملح ما يعادل 2 م/ص -نصف م/ص خميرة الخبز

طريقة التحضير:
نحطو كل المكونات مع بعض نعجنوهم مليح حتى نتحصلو على هذا القوام

نخلوها تخمر حتى توليلنا هاكا

نهبطو العجينة تاعنا من الخميرة و نخلوها تخمر مرة وحداخرى وحد 40 د حتى توليلنا هاكا

نرفدوها من جاط الخلاط غير بالعقل نطويوها وحد المرتين و نحطوها ف وعاء عميق كنا من قبل حاطين فيه شوية زيت

نخلوها تخمر 40 د ثانية على بالي راها تدي الوقت بالصح خفيفة و ما تنبشعش صدقوني

هنا بعد ما خمرت ,نوجدو صينية مدهونة بالزبدة انا ما كانش عندي وحدة كبيرة لذلك كبرو احسن شوية من هادي و نحلوها

من بعد ما نحلوها نطلوها بزيت الزيتون و نرشقو الزيتون الاخضر او الاسود و رشة زعتر او اعشاب عطرية

ندخلوها للفرن على درجة حرارة عالية في الرف الوسطاني و نراقبو انا خدات مني نص ساعة لانو الصينية تقيلة شوية ممكن تدي منا اقل او اكتر حسب الفرن و الصينية

هنا بعد ما طابت ..يميييييي

و هنا بروفايليا هههههههه

شهية طيبة

مليحة العرب · 2014-08-19, 12:08

البسملة1

كرات القرفة بالشوكولا
العجينة :
اي عجينة فطايرمعتمدة لديك عجينة العشر دقائق مثلا
الحشو:
قطع شوكولا
وللتغليف:
سكر و قرفة و شوية كاكاو

نعجنو العجينة تاعنا مليح و نخلوها تخمر مدة ساعة

هنا بعد ما خمرت نزلوها شوية ما نعجنوهاش نقطعوها كريات متوسطة بأي حجم حبيتي

الطريقة كالاتي :بعد ما نكملو العجينة من التقراص نبدو نحشو الكريات بالشوكولا و ندحرجوها في خليط التغليف و نرصوها ف قالب مدهون زبدة و فرينة لانو فيها سكر مع الخبز غادي يولّي كراميل بعد ما نكملو الكمية تاعنا مباشرة للفرن على درجة 180 أنا تحمرتلي من الفوق و من التحت و لكن حطيتها تحت الشواية شوية

هادا شكلها بعدما تخرج من الفرن تبغو تخلوها هاكا تبغو تزينوها كيما درت انا

ألف عافية