ثم ادركت ان لا مستقبل في الجزائر

[zikou3]

هي الخلاصة التي انتهيت بها



لي عندوا احلام كبيرة و اهداف بعيدة وحاب يوصلها
فإنها هناك وراء البحر اذهب واحصل عليها

اشكون يوافقني في رايي؟

نكونوا واقعيين !!!

[biba_g]

انا معاكْ بلاد الفساد ماكان حتى خير يجيك منها

[criss96angel]

قالهنا استاذنا لي عندوا فرصة باش يكمل قرايتوا فالخارج ما يضيعهاش

[خواطر شاب]

hiiih sah.. bassah ta9dar tabda kamontala9 et tkawan rouhek hna sa3 b chwui apré trouh wra labhar..
puisk lazm ta3ref t3oum lataghre9 9bel matoussel

[إبرآهيمـ]

معآك 100% ، Bladéé Blad Corruption

[YOUSEF-ALG]

الله غالب ربي يجيب الخير

[ange perdu]

أواااااااااااافقك تماما بلاد ميكي
بفففففففففففففف

[zikou3]

خويا ساجد لله

انا والله ماني قاعد لهنا

في الصيف هذا تبدا حياتي الجديدة
عندي عام وانا نحوس نهرب منا

هذا العام تواصلت مع عشرات الاشخاص حول امكانية الخروج من هذا البلد المنهوب
وكيما قلت سنغفورة ميش فايتتنا برك
يحصرااااااااه سنة ضوئية بينها وبيننا

نخدم حوايجي ولاشتا نسنى 3 سنين ولا 5

المهم منبقاش هنا

[ماريا كلارا]

يا جماعة على الاقل في الوطن راك مع عايلتك و صحابك و ناس مسلمة خير الف مرة من الغرب رغم النقائص و العيوب تبقى بلادك

[شعلة الطموح]

انا مارانيش كامل حابة نروح من بلادي العيب ماهوش في البلاد العيب فينا حنا و الله تعالى يقول ان الله لا يغير ما بقوم حتى يغيروا ما بانفسهم
و ما تعتاقدوش بلي رايحين تلقاو الجنة في البلاد الاجنبية

[Bissa1977]

لعمرك ما ضاقت بلاد بأهلها لكن أحلام الرجال تضيقالغرب لو عرفوا أنّ لا نفع لهم فيك ما قيّموك ، هم براغماتيون
لا يكترثون بالجانب الإنساني .

[نسْمۃ إِرتقـآء]

المشاركة الأصلية كتبت بواسطة bissa1977

لعمرك ما ضاقت بلاد بأهلها لكن أحلام الرجال تضيقالغرب لو عرفوا أنّ لا نفع لهم فيك ما قيّموك ، هم براغماتيون
لا يكترثون بالجانب الإنساني .

مــع حقْ أستآذ كلآم منطقي وَ موزون قطرآن بلآدي و لآعسل البلدآن..،

لآ تأبه لكلآمهمْـ أستآذ طيْشُ شبآب ليس إلآ ^ــــــــــــ^

~ نعيبُ و طننا و العيب فينـا و ما للوطن عيب سوآنــا ~

إلآ كلْ مـن يتهم المجتمع بالفسآد و الخرآب لست إلآ وآحد منهم ! و المجتمع الذي بِتّ تشتمه ؟ مكون من أبيك و أمك و أخوتك و أقاربك ....، لذآ فإذآ أردنــا الصلآح و الفلاح فليبدأ كل وآحد بنفسه بتغييرها و إصلآحها ...، و لنعمل على إرجاع مكانة الأمه الإسلآميه.
نكافح نجاهد حتّى وإن لم تتهيّأ لنا الظروف فلنهيّأها لأحفادنا بعدنا ! و هكذا نكون قد سآهمنا في بناء الأمة من جديد ، و هل إنضجارك من المجتمع يفيد في شيء هل سيغير الحـال ؟ بل سيزيد الطّينة بلّه ...، فكّروا في الموضوع مليـا ولآ تتخذوآ قرآرََا لحظة غضب !
لذآ أنصح كل من يفكر بهاته السّخآفات التي لآ يرجى من ورآءها طائل بأن يعيد ترتيب حسآباته ، همنا اليوم الشتات لآ أثر للوحدة بيننا ! لو نتحد لو نتكاتف سترون كيف سيكون حالنا سترون التغيير الذي سيحول عالمنا من السواد إلـــى البيآض.

لايزال في جعبتي الكثير إلا أني سأتوقف عند هذآ الحد .

آســفهـ على تبعثر الأفكآر ...

أشْكـــر صآحب الموضوع على هذا المتنفس الصغير للفضفهـ ولو قليلآ ...~

تحيـّــآتي =)

[باباي و زيتونة]

كل تقولو بلي بلادنا عسل و مليحة نوافقكم بلادنا فلة (كانت)درك رجعت ما تسوا قشور بصلة
تقولو لا يغير الله ما بقوم حتى يغيروا ما بأنفسهم بصح ربي قال ارض الله واسعة و ما حرمش الخرجة من البلاد ، و زيد ما دام ربي غير حال البلدان الاوروبية و البلدان الأخرة و صلحها معناتو عباد هذوك البلدان صلحو انفسهم و نقدروا نعيشو معاهم
تقول بلاد الغرب فسق و دعارة مي هوما على الأقل كفار غدوا لو كان يسلمو كلشي يرجعلهم حسنات بصح حنا المسلمين (قولا فقط الا من رحم ربي) وش تقول فوش ديرين بنات و دري حدث ولا حرج و ما تقولوش نحكي برك كلامي عن تجربة و الله البارح برك ما صحاباتي كي حرجت بعد الفلسفة تصرانا موقف يطيح الما في الركايب و ما يصلحش لبلد اسلامي و كي تجي تهدر و تقول ربي يقولولك متخلف و الغلط و الحرام صارت حاجة نورمال حتى تتوسوس من روحك
تقولو الفرقة عن الاهل و الأصحاب ، الأهل نديهم معايا و اصحابي راهم في قلبي و ندربلهم دورة و زيد بالزايد الصحبة ماشي غير في الدزاير كاينة بارتو
و انا الحمد الله اهلي اغلبهم منتشرون حول العالم و انا قريب نخرج من this hell hole نروح كاش ما كوريا و لا نيويورك و لا اي بلاصة
تقولونا اصلحو رواحيكم تتصلح البلاد مي رانا صلحنا رواحينا و استغفرنا و كلش و النافع ربي ، و زيد في الدزاير 45مليون عبد ما تقدرش تصلحهم كامل لوكان وش يصرا
عليها انا راني out من هذ الأرض ، و نهار ترجع بقعة صالحة لعيش العباد بلاك نرجع ، كومام ارض مات عجالها جدي ربي يرحمو و كل الشهداء
بصح درك راني كارهة العباد و الارض تاع هد البلاد

[~عبد السلام~]

المشاركة الأصلية كتبت بواسطة سآجدْ للهْ

انا نتبرّا من كل واحد يسب في ربّي
انا نتبرأ من السرارقــة
إني بريء منكم
صح البلاد مليحة هذي ارض ربي
بصح عبادها
غير ربي يجيب الخير برك
وراك تهدري على احفادنا ههههههه
يا ونقولك ظرك تشوفي البلاد كيف ما تولي بعد خمس سنوات
ما تقوليليش ما لا حظتيش المجتمع
كيف ما كنا في الابتدائي....والآن
هناك تغيّر جذري ملحووووووووظ لا ينكره عاقل أبدا
لا يجب ان نعيش في المثالية لازم نروحو للواقع
والواقع راهو يهدر وحدو الشمس ما تتغطاش بالغربال
وما نقولكش انا وانا وانا وانا
الى الآن لم اقدم شيئا للبلاد ؟
لانني لم اتكون كما يجب
نحن الشعب الجزائري استهلاكي اكثر منه إنتاجي
الانتاج 0.00000001 %
واش راح نديرو بالعلم اذا ما نستخدموهش ؟؟؟
مبصح لهيتا عندهم تقراي اليوم وغدوا تطبقي
تقراي اليوم الكهرباء غدوة تخدمي دارة كهربائية
تقراي الكيمياء غدوا تخدمي الاسترات والصوابن والروائح وووو
تقراي الميكانيك تخدمي الطيارات والدبابات والسيارات
وهكذا دواليك
قوليلي برك الجزائر واش فيها
فيها غير التعليم والصحة فرات يبالي فرا ت والحرف سي تو
مكانش اختصاص تقراي فيه وكيما تخرجي تروحي للمجال إسمو صناعة هههههه
آآقــــرا وكدّس
هذا الفساد تم بناؤه في عقووود من الزمن
الاصلاح يلزملك عقوود من الزمن ايضا
هذا بشرط إذا اتحد الكل واراد الصلاح وهذا ضرب من المستحيل
الواقع راهو امر مختلف عن الكلام فرغا
انا الصراحة أريد الذهاب وبشدة الحاجة لي تحكم فيا برك هي نوعية البلاد لي نروحلها فأنا لا أحب بلدان الالحاد ولكن
لو كان لقيت نروح لسنغافورة وما جاورها لسيكون الامر افضل ولكنالذهاب يبدو ضرب من الخيال..المهم
اختي نحنا في آخر الزمان لي قدر يهرب وين يلقــى غايتو ورضى ربي فليفعل...
ألم تكن ارض الله واسعة فتهاجرو فيها
والأمة لن تتوحد حتى يجي المهدي من هناك من بلاد الحرمين ويبايعوه المسلمين ويمشيو تحت رايتو...
----

ونحنا هكا تقدري تقولي ما صرا والو ونحبو نخرجو لانو حسينا بالظلم..
مزااال نستناو.... القادم أعظم...
والحمد لله على كل حال وربي يجب الخيير


الصراحة نكره الحدود هاذي
هذي أرض ربي ولكن نحنا قسمناها وفسدناها

وربي يعاونك
لهيتــا البرا راهو زي خلاف على الهدرة المثالية لي هنا...
الواقع لي يفرض نفسو وليس الاماني

ولله عندك الصح ياحصراه على ايام الابتدائي و البراءة دركا ولا واحد عمرو 5 سنين يسب و يكفر كي السلام عليكم لبلاد رحت فيها خلاص

[ماريا كلارا]

الاخ ساجد الله متقولش هكا لانو في كل مكان كاين الخير و الشر و زيد رغم انه كاين ضعف ايمان لكنهم على الاقل ناس تصوم و تصلي و تصدق و تحترم الحرمات و عندهم حدود مشي لهذه الدرجة و ينطقو بالشهادة و هذا كله لن تجده عند الغرب + تقبل مروري