-- قالك واحد يتعقن في الهدرة بزاف، مسكين كل ما يروح للقهوة يقول للقهواجي اعطيني ققققققققققققق....قققهوة، مايجي يكمل الكلمة تكون غلقت القهوة... كره حياتو مسكين... وحد النهار جات في بالو عفسة... ناض عل 3 تع الصباح وبدى يوجد فيها... قققققققققققققققق... كي جا الصباح دخل للقهوة فرحان و قال للقهواجي: قهوة دار ليه القهواجي و قالو: واش نعطيك خويا؟!
-- رئيس دوله صغيره راح للصين، رئيس الصين قالو احنا عددنا كثر من مليار نسمة نسمه انتوما شحال؟ رد رئيس الدوله احنا 30 ألف راح رئيس الصين قالو يا راجل علاه ما جبتهمش معاك!!!
-- 2 فنيانيييين قاعدين في القهوة،واحد طاحلو ستيلو قال لصاحبو لو كان تجيبهولي في 3 ايام نعطيك 200 دينار قالو واش راك تشوف فيا.... طيارة!!!!!!!!
-- قالك في وحد الغابة... النمر دايمن يحب يحقر الذيب... كل ما يلقاه جايز يعيطلو و يقولو: وين راه الكاسك تع الموتو؟
الذيب يقولو:واش من كاسك؟؟، ديجا ما عنديش موتو..
النمر يقولو: ما نحوسش نفهم... ويعطيه طريحة (يضربو)
الذيب كل يوم ياكل طريحة مسكين... راح اشتكى للأسد...
الأسد حكم النمر وقالو: واش هذا الكاسك تع الموتو.. على الأقل جيبلو سبب مليح و اضربو... غدوة كي تلقاه أعطيلو 5دج و قولو يشريلك قارو دخان ريم... إذا جابلك المكتوب اضربو و قولو كنت حاب اللي ماهوش مكتوب و العكس...
النمر عجباتو و في الصباح عيط للذيب كي العادة .. اعطالو 5 دج و قالو اشريلي قارو ريم..
الديب تمشى شوية و رجع ليه و قالو: نشريلك المكتوب ولا اللي ماشي مكتوب.....
النمر سكت شوية و ممبعد قالو: بصح الكاسك تع الموتو وين راااااااه...... ههههههه
ما تبخلوش علينا بالردود
( تقرير عن مشاركة سيئة )، و الموجودة أسفل كل مشاركة .
2009-07-21, 14:14
Blagues tooooooop
العرض الشجري