عاونوا خوكم حاب يتزوج

المفكر المشاكس · 2014-05-31, 13:20

السلام عليكم
الحمد لله درست كبرت وتوظفت صايي راتي قريب نموت ارى اني استحق الزواج الان نعود للنقاش اردت ان اسئل عن اختيار الزوجة فانا الحمد لله لم اقم اي علاقات عابرة والحمد لله مي شوية راه تافتلي في الاختيار ما لقيتش يا اما راني نتشرط لاني نشبه لشاروخان خخخخخ ام اني منيش نشوف المهم دلوني على الاختيار كيف يكون ياك في الشارع الحية مهيش قاع تعجب وانا متردد جدا الاخوات الملتزمات اصحاب الحجاب الشرعي مكانش انقرضوا متلا ولا انا منيش نشوف
المهم عطونا شوية هدرة شابة بالك ديرونا شوية قلب ونزدموا وصايي والي يقنعني راني نعرضه في عرسي

والشباب الي مر بتجربة جيدة في هدا المجال يتحفنا بما لديه ايا عاونوا خوكم

تراتيـل صبــح · 2014-05-31, 13:47

ربي يرزقك الزوجة الصالحة ان شاء الله.

زرقـآء اليمآمـة · 2014-05-31, 13:58

السلام عليكم
مبروك عليك مسبقا وما تنساش العرضة غير في المنتدى وبزاف علينا ...........
المهم اذا اردت ان تظفر بذات الدين فاقصد الوالدين الصالحين ........... خاصة الاب الي عنده الكلمة والراي على اهله ........... والله المستعان

eBusiness · 2014-05-31, 14:16

لا أريد أن أفسد لك النية يا خويا لهذا اقول لك مكتوبك سيلحقك بادن الله، استخر الله وتزوج والعرضة رانا جايين بلا عرضة

نارينا · 2014-05-31, 14:22

ان كنت طيبا وصالحا سيحق فيك قول "وافق شن طبقة" ....افعالك ستقرر مع من ستكون مستقبلا .

*سيرين نور عيني * · 2014-05-31, 14:25

rabi yjiblek bent lhalal amine

المفكر المشاكس · 2014-05-31, 14:29

شكرا لمروركم مالغري عطيتوني غير الدعاوي تسحب شوابين ههههههه بدنا واقع عملي
ebisines شا تفسدلي هادي صايي بديتها اهدر اهدر خخخخخخخخ

eBusiness · 2014-05-31, 14:39

اقتباس:

المشاركة الأصلية كتبت بواسطة المفكر المشاكس

شكرا لمروركم مالغري عطيتوني غير الدعاوي تسحب شوابين ههههههه بدنا واقع عملي
ebisines شا تفسدلي هادي صايي بديتها اهدر اهدر خخخخخخخخ

والله يا أخي الوهراني واش نقولك وواش نخلي الحالة ما راهيش تعجب خلاص، رانا نحوسوا على مرا ما لقيناش تقول ماتوا النسا الله يرحمهم لهذا أهم شيئ أنصحك به هو أن تستخير الله وتضع ثقتك التامة في الله تعالى وحده وان شاء الله يرزقك بالزوجة الصالحة

سلملي على ناس وهران الطيبين

أم عبد الكريم · 2014-05-31, 14:42

ننصحك ببنت الاصل يعني مهما يكون راح ترجع لاصلها يمعني والديها يكونو ملاح و هي ايضا ربي يوفقك

المفكر المشاكس · 2014-05-31, 14:51

صحيت خويا عندك الصح انا يبانلي نجيبوها من كاش دوار وصايي هههههههههه
يبلغ سلامك اخي
شكرا ام عبد الكريم

eBusiness · 2014-05-31, 14:58

اقتباس:

المشاركة الأصلية كتبت بواسطة المفكر المشاكس

صحيت خويا عندك الصح انا يبانلي نجيبوها من كاش دوار وصايي هههههههههه
يبلغ سلامك اخي
شكرا ام عبد الكريم

واش من دوار يا أبو نوار ههههههههههههه
الخبث راهو كاين في كل مكان كما الخير كاين في كل مكان، أخوك يسكن في العاصمة وسكنت في الدوار وفي وهران أيضا، توكل على الله وضع فكرة الدوار والمدينة جانبا لأن الأمر راهو في كل مكان يا أخ العرب، استخر الله والله ينجحك

أناييس الربيع · 2014-05-31, 15:07

ربي يرزقك بالزواج الصالحة ،المهم الاستخارة

آمِيْرَتُه · 2014-05-31, 15:07

ديها وهرانية تصبر و دير معاك الدار ههه
إن شاء الله ربي يرزقك الزوجة الصالحة

المفكر المشاكس · 2014-05-31, 15:15

انا ابو نوار وانت ابن بطوطة راك محوس قاع الجزاير ههههههههههه سي فري مي البيئة تلعب دور احيانا
الاميرة منين غادي نديها من البنين
وين راها الوهرانية حمبوك خخخخخخخخخخخ

ABDOU ELE · 2014-05-31, 15:16

الســــــلام عليكم

ليس لدي الخبرة و ساكتفي بقبول الدعوة ......مبـــــــــــروك مسبقا