الى الاخت ام اماني و الاخوات الي جربو خبز الياغوررت الطبعي

[idron0]

السلام عليكم،هو سؤال بخصوص خبز بالياغورت الطبيعي :
جربته و جاني هايل في الذوق،وخفيف كي القطن ، لكن المشكل هو انه في الوسط اتنفخ اكثر و عند خروجه من الفرن و كي برد هبط و عندما قطعته بالسكين الطبقة العلوية او القشرة تنفصل عن البابا او الداخل،ماعرفتش لماذا؟؟؟؟؟؟ ما هي نصيحتك؟؟؟
بارك الله فيكن.

[بشرى2008]

انا جربتو وجاني روووووووووووووووووووووووووووووووووووووووووووووووعة

[oum anas 69]

و الله ماجربتو حنونة أبعثي رسالة لأم أماني سقسيها

[lyzzabel]

ما جربتهش حبيبتي نتمنى من الأخوات لي جربوه او ام اماني يساعدوك

[الملتزمة بالدين]

السلام عليكم

أنا جربتو وجاني مليح

بلاكي كثرتي الخمارة

[ikhlasse25]

الحق ما جربتوش ام شاء الله الاخوات يفيدوك

[idron0]

بارك الله في كل اخت جاوبت عل سؤا لي ,الله يفرج عليكم من حيث لا تحتسبن ,و ان شاء الله تدخل ام اماني و تجاوبني.

[ساندي 28]

لم اجربه بعد ان شاء الله ام امانى تدخل وتفيدك ببعض النصائح

[أم ياسين الزهراء]

ماجربتوش اختي ونضن الخميرة بزاف راهي السخانة

[ام اماني77]

اولا نقولك يعطيك الصحة على التطبيق وشكرااا على الثقة

انا نظن ان كمية الخميرة بزاف والا مدة الاختمار طويلة يعني كي شكلتيه في البلاطو وخلتيه يختمر المرة الثانية طولتي باه طيبيه غير تشوفيه طلع شعلي الفرن يسخن لمدة 10 في هذا الوقت انت ادهنيه بصفار البيض ورشي الجلجلانية ودخليه يطيب

[idron0]

بارك الله فيك اختي على الاجابة و رايحة نتبع نصائحك للمرة القادمة ,راني معتامدة الوصفة.
رب يباركلك في العمر و الصحة و الزوج و الذرية و المال و الاعمال و يعطيك ما تتمناي انت و كل اخت حاولت تساعدني.. امييييين

[هادية 10]

انا جربتو جا هايل كما في الصورة عاوديه و شوفي

[تينا ماريا]

شوفي اختى مدام تورقلك لازم تنقبيه كما خبز الدار في الوسط

[MINA-NINA16]

السلام عليكم اختي انا جربت خبز ام اماني وخرج هايل ومن ذلك الحين وانا اعتمده وبالنسبة لهبوطه بعد خروجه من الفرن راجع اما انه فاتو الخمور خليتيه طلع فوق اللازم واما قويتي النار بزاف الخبز يحب200 درجة لا اكثر ولا اقل باش يطيب مليح
اما بالنسبة للقشرة باش تتفادي القشرة جي وحدها والخبز وحدو كي تكوني رايحة دخلي الخبز يطيب اعملي تقابي خفاف على كامل الوجه وبسرعة بلا ما تدخلي الكيردون اي دربات خفاف على السطح باش ما يهبطش الخبز اا نتشكو بسكوبيدو هههههههههههه
اتمنى ان اكون قد افدتك وبالتوفيق المرة القادمة

[idron0]

بارك الله في كل اخت جاوبت عل سؤا لي ,الله يفرج عليكم من حيث لا تحتسبن