سؤال بخصوص تجميد الفراولة

maiar · 2014-05-22, 10:12

السلام عليكم و رحمة الله و بركاته

منذ مدة و انا نحوس على طريقة تجميد الفراولة و لقيت وحد الطريقة هنا فالمنتدى و هي

نغسل الفراولة و نحي منها الاوراق الخضراء تاعها و نخلي الفراولة تجف و من بعد نحطهم في صينية كل حبة بعيدة على

اختها و بعد ساعتين نهزهم و نحطهم كامل في بورث مونجي و غطيتهم و حطيتهم فالكونجيلاثور الصباح جبدت 2 حبات

قلت نشوف كيفاه رايحة تكون لقيتها راحت فيها خلاص طرية طرية فوق الحق يعني ما تصلح لا لسلطة الفواكه و لا لي

ثارثولاث من فضلكم شكون عندها طريقة مجربة و صالحة مع العلم الحبات لي خيرتهم لي كانو ملاح و مش طريين

و كيفاه ندير لهذه لي مخبيتها

laloua42 · 2014-05-23, 14:04

الله اعلم ممكن الاخوات يفيدوك

oum radja · 2014-05-23, 15:12

اختي ميار انا تاني راني مجربة هاذيك الطريقة ولقيتهم طريين بالزاف
وهاذ المرة غسلتها برك ونحيت الاوراق و درتها في علب صغيرة في المجمد بالصح رايحة نستعملها غير في العصائر يعني كي نخرجها نخليها تديكونجلا و ديراكت للميكسور نديرها مع عصير الليمون المركز تجي هايلة
غير ما تخافيش على هاذيك لي جمدتيها
وتقدري تاني تطحنيها مع شوية سكر و تستعمليها كصلصة لتزيين الايس كريم او البناكوتا
نتمنى نكون افدتك

بريق الدجى · 2014-05-23, 18:01

اختي شوفي هذا الرابط كنت محتفظة بيه في المفضلة بالاك يفيدك و كاين رد نظن في الصفحة الاخيرة عجبتني الطريقة

طريقة تجميد الفراولة