مشكلتي ي بنات

[مشكلتي]

حاب نخطب .. و محتاج معاونتكم يا بنات
السلام عليكم


خاوتي الله يرضى عليكم ، محتاج معاونة منكم

انا راجل خدام و عمري 27 سنة و عندي محّل و وين نخدم كاينة "انسانة" طفلة قل مني .. شفتها و عجبتني و هي ما تعرف .. على حساب ما نشوف "النظرة الاولية" عاجبتني و زيادة ..

لمشكل وين تخدم ما نعرف حتى واحد نسقسيه عليها
و تبعتها لوين تسكن لقيتها في بلاصة ما نعرف فيها حتى واحد .. للاسف


حصلت كيفاه ندير

السؤال :

عندي اختي كبيرة مزوجة .. و قتلها عليها .. و راه ف بالي
نبعثهالها .. تحكي معاها

كلمة و لا زوج و تعطيلها رقم الهاتف .. باه من بعد تعيطلها و تسقسيها

على عمرها و قرايتها و و وو ..

حاب نعرف هاذ تصرف عادي و لا الطريقة مش مليحة ؟

و لو كان اني "لقاعدة تقراي ف لموضوع" جي ليك وحدة و تقولك .. هاذ القصة

ممكن تقبلي و لالا ؟

و اذا ممكن طريقة ، مش انا منتبه ليها ماتبخلوني الله يرضى عليكم

[ايمان نور الجزائر]

ألسلام عليكم
في رايي فكرتك نتاع تبعت اختك مليحة
نحكي عن نفسي حدثت معي عدة مرات وهنا البنت تلقى راحة
وتعرف بللي الشاب ناويها للحلال
والتفاهم بنت مع اخرى يكون افضل

[حمودية]

عين الصواب.........كي تبعث اختك قولها تسقسيها على تفاصيلها
لكن هذا لا يمنع من انك تزيد تسقسي عليها مليح..............مليح.......مليح
هذا ارتباط ماش لعب ............و زيد و حدا ماراح تعطيك الرسمي نتاعها و حدها

[○•ميسون•○]

السلام عليكم

فكرة مليحة بارك الله فيك و كثر من أمثالك

تصرفك يدل أنك ناويها للحلال و مش أي حاجة أخرى

توكل على الله و أخطبها

موفق..

[ام اياد 2013]

استخر ربك وتقدم ان شاء الله خير

[sali-sali]

السلام عليكم

البنت راك شايفها و عاجباتك .. و عاجباتك تصرفاتها و اخلاقها
فكرة تبعث اختك فكرة مقبولة ...
ان شاء الله تكون من نصيبك

[soulami sousou]

ان شاء الله ربي يرزقك بالزوجةالصالحة........

[YouCefo_dz]

فكرة مليحة ربي يوفقك
واسمحلي راني جاوبتك وان كان في سؤالك يفهم منه أنك طرحت سؤالك للبنات فقط .

[ام رفال]

الله يسهلك و يوفقك يارب

ان شاء الله تكون زوجة مثالية و تسعدك

و يبارك الله في ايمانك و تفكيرك و نعم اخلاقك

[حورية38]

الله يوفقك ويعطيك على قد نيتك الفكرة مليحة وتخليك تنحي كل الشكوك قبل ما تتقدم للبنت ربي يجيب الخير وان عزمت فتوكل على الله

[نارينا]

شيءيحدث مع معظم الفتيات فكرة عادية وجيدة لانك ستبعث باختك لتجس نبضها وتعرف بعضا من ملامح شخصيتها خلال الجلسة فالبنات يفهمن ويحللن كل شيء في وقته ............زد على ذلك الكثير يتعرفون عبر الهاتف او الفايس ويدخلون في علاقات متشعبة .....أنت أفضل حالا منهم بكثير ....وفقك الله أخي ....وأكيد مع الاستخارة والسؤال سوف يسخر لك الله من يعرف معلومات عن الفتاة وعائلتها رغم انك لاتعرف عنهم شيئا

[sajida oriflam]

فكرة جيدة وتعطي انطباع اولي عند الفتاة بانك انسان جدي ابعث اختك وليكن التواصل جاد اذا الطفلة مليحة و ذات اخلاق ربي يسهل وتكون من نصيبك

[7anine 87]

فكرة ملاحة خويا نقولك ربي يسهللك مى لازم ماتكتفيش باللهدرة تاع اختك ورائيها فى الطفلة لازم تزيد تسقسي كان انت ماتعرفش حتى واحد سقسي جيرانك او اصحابك بالاك يعرفو استخير ربي وانشاء الله الف مبروك مسبقا

[الفاتحة]

حاول التقرب لمسكنها والتحدث مع والدها بشكل مباشر ، أو ارسل والدتك وأختك إلى بيتهم لعرض امر الخطبة على أهلها، وفكرتك لابأس بها،ربي يوفقك.

[بنت لبحر]

فكرة مليحة و تفكير هايل كي تبعت اختك الطفلة متقولش راهو يتمسخر

وزيد لازم تسقسي عليها مليح قبل ما تقدم

ربي يوفقك و لي فيه خير يقدمهولك ربي