صابلي بالشوكولا هشيش وبنين

.farah · 2014-05-20, 14:25

صابلي هشيش وبنين ويقطع مليح هذي المقادير تقطع حوالي 50 حبة

المقادير:
7بيضات
كاس ونص سكر قلاصي
كاس زيت
3 كيان مايزينة
قشور القارص
1 خميرة
لافاني
الفرينة
التزيين :
شيكولا سوداء
شيكولا بيضاء
معجون
طريقة التحضير :
نحلطو البيض مع السكر مليييييح نزيدولو الزيت وقشور القارص ونواصلو الخلط بعد نظيفو المايزينة والخميرة ولافاني ونملو بالفرينة حتى تولينا العجينة طرية
نبسطو العجينة ونحلوها سمك حوالي 1 سم ونطبعو بالطابع انا اهنا اخترت القلب وكل واحدة وواش تحب والاختيار تاعها نطيبوه في فرن يكون سخون درجة 180 حوالي 10 د( هنا كل واحدة والفرن تاعها ) نخرجوه نخلوه يبرد ونلصقو كل اثنين مع بعض بالمعجون
نسخنو الشوكولا السوداء في حمام مائي ونغطسو نصف الحبة برك كي نكملوهم نذوبو الشوكولا البيضا ونغطسو النص الباقي
وبالبوش ادوي او ابر ة او بوش ادوي جوتابل نرسمو فوق الحبة بالشكولا البيضاء و السودا كيما فالصورة ونخليكم مع الصورة..

وعن قرب

ان شاء الله تنال اعجابكم هي بزااااااااف بنينة وهشيشة والتزين كيما تحبو