سفيرية بالبطاطة بطريقة رووووووووووعة

ياسمين177 · 2014-05-16, 10:32

بعد بسم الله السلام عليكم

لتحضير: اولا نحضر مرقة بيضا عادية
دجاج + بصل +معدنوس + ملح + فلفل اسود + قرفة + سمن نقليهم مبعد نمرق+ حمص ونخليها تطيب حتى تعقد.

من جهة اخرى نقطع 1كلغ بطاطة مربعات صغيرة نملحا ونفورها حتى تطيب.
نحضر عجينة القلي: 3بيضات+ كاس الا ربع حليب+ ملح+ فلفل اسود + 3مغارف فرينة + نص باكي خمارة + معدنوس رقيق + جبن ابيض مقطع مربعات نخلطهم ونضيفلهم البطاطة ونخلط بالعقل باش منكسرش البطاطة

مبعد نسخن الزيت في مقلة ونرفد خليط البطاطة بالمغرف ونحط في المقلة

مبعد نخليها حتى تتحمر

مبعد نقطرها في ورق ماص

مبعد نحطها في طبسي التقديم ونسقيها بالمرق والحمص والدجاج ونزوق بالمعدنوس والليمون

ملاحظة: 1كلغ بطاطة يقطع كمية مليحة.