ربي يوفقكم كامل صحاب الباك

[Oustad_Ahmed]

السلام عليكم و رحمة الله و بركاته ..



علابالي شيانتو كامل جماعة الباك .. ما راكمش تتفرجو بزاااف .. ما راكمش ااالالاز كامل ..
ماكانش بورتابل .. الهدرة قليلة و التخمام بزاااف

..
في الدار غير الي يهدر تسكتو ماماك .. اسكت خوك/ اختك .. راه يريفيزي
حالة طوارئ في الداار .. و هدا كل على جالك انت


ايه هادو هوما الوالدين ـ املهم و امنياتهم يشوفو ولادهم يشرفوهم و يرفعو شانهم ...
و يفتخرو بيهم قدام الناس


ان شاء الله ربي ما يحرمهمش من هادي الفرحة ...
و يوفقكم كااااااااااامل ..


صح كل ما ينقص الوقت يزيد شوية هداك القلق و الخوف
راه ما بقالكمش بزااف ..

شوية كوراج برك خاوتي ..

و مش كي ما تفهمش حاجة و لا ما تعرفش تحل و لا تنسى واش كنت حافظ
يطيحلك المووراال ..

شيء طبيعي هداا . و ما لازمش تقلق منه ....

ثق في نفسك و اتكل على ربي ....
و كن متفائلا في جميع الاحواال و احسن ظنك بالله ..


و دير في بالك بلي انت درت الي عليك .. وو الباقي على ربي
و كل شيء بالمكتوووب



هادي هي ..

ربي ينجحكم ان شاء الله و يعطيكم واش راكم متمنيين ..


و السلام عليكم ..