قاطو في الكوكوطة اقتصادي وساهل

[ملامح خجولة.]

السلام عليكم
اهلا كيراكم ان شاء الله تكونوا بخير اليوم جبتلكم قاطو في الكوكوطة ساهل
كي رحت لدار صحبتي حطتلي منو رحت نقرعج عليها عرفت بلي طايب في الكوكوطة بنين وهشوش
يهبل مالا جبت الوصفة من عندها وجربتوا جاني يهبل واقتصادي تاني وحتى كي يجوك ضياف تقدري ديريه
المهم نبداو الوصفة على بركة الله مي راهي بلا تصاور الكاميرا تحرقت ومانجي نصور بالميكروا بورتابل غير نتمرمد مالا ماصورتش
المقادير
6 مغارف ماكلة فرينة
2 مغارف ماكلة كاكاو مش معمرين ياسر باش مايجيش مر
4 بيضات
1 خميرة
1 فاني
كاس ناقص شوي زيت
كاس سكر
الطريقة
تخلطي كلش مع بعضاه ومبعدا تدهني الكوكوطة بالزبدة وتصبيه فيها وتقفليها وتخليه على نار هادئة مدة 15 دقيقة
الى 30 دقيقة حتان يطيب
التزيين
التزيين دركا اختياري انا درتوا بالمربى نتاع المشماش والكاكاو مرحي وقصيتو مربعات
وصحبتي دارتلوا بالشيكولا والكاكاو وقصاتو مربعات جا روعه
لا تنسوني بادعاء ادعولي ربي يوفقني