وش ندير مع صحاباتي

مشكلتي · 2014-02-19, 21:36

السلام عليكم

اولا حابة نشكر كل لي ساهم في نجاح هذ القسم من اداريين و اعضاء على نصائحهم وقوفهم جنب صاحب اي مشكلة

انا مشكلتي هي عندي صديقاتي 3 ديما مع بعضانا عندنا 6 سنين وحنا مع بعضانا

لكن كيما طلعنا الجامعة بدات كل وحدة تتبدل يعني بكري كيما كنا مع بعضانا كانت كل وحدة تحب الخير لاختها

اما ذركا لا ساعات نحسهم يحسدوني حتى في نقاطي او مثلا كيما الاساتذة يقعدو يشكرو فيا ويشجعو فيا نحسهم مايحبوش و صدقوني في الاخير هوما يدو نقاط خير مني وانا اصلا مانجيبش فوق الـ 10

راح نهبل مي في الاخير نقول الحمد لله وحتى كيما تكون حاجة تفرحني و نقولهالهم مايفوتش نهار وترجع عليا هذيك الفرحة يعني نرجع مهمومة وحتى الحاجة لي كانت فرحتني ماتكملش

ومشكلتي الرئيسية هي احد صديقاتي حيث انها تغيرت بزاف حنا بكري ماكناش نهتمو خلاص بشباب و العلاقات كيما لي راهي تصرا دركا

لكن صاحبتي هذي مع الاسف دخلت في هاذ الوسط ورجعت تجكي مع شاب وتتلاقى بيه

وانا وصحابتي في 2 ديما ننصوحها وديما معها باش تخليه وترجع كيما كانت لكن هي ماتسمعناش

ولله تعبت معاها ماهيش حابة خلاص تسمعني قولتلها اذا راهو باغيك يجي لداركم وخصوصا هو خدام ولاباس بيه

و المصيبة قالتلي راه قالي بلي انا مانيش راح نتزوج بيك راح نفوت الوقت ونخليك

راني راح نهبل ولله كيفاش طفلة تعرف بلي طفل راه يتمسخر بيها وتقعد معاه

وفوق هذا هي تحكيلو كل اسرارنا

وصلت بيه حتى قاللها بعدي على صحاباتك هذو ماهمش نتاع صحبة

والحاجة الاخيرة خلاص

نهار جاتنا وقالتلنا لي بيني وبينكم خلاص انا راح نجبد روحي عليكم وكل واحد يروح في طريق

تعيشو قولولي كيفاش ندير معاها منيش حابتها تضيع راني عييت ماننصح فيها مي هي راسها خشين

ماهيش تسمعني

انصحوني تعيشو راني محتاجتكم

نارينا · 2014-02-20, 00:54

اختي مشاكل الجامعة لا حصر لها وكلها ستساعدك في تكوين شخصيتك وابراز ذاتك فانت في احدى اهم مراحل حياتك والتي بفضل تجاربها ستتبلور شخصيتك حاولي حل مشاكلك بهدوء واستشارة ذوي الخبرة ولا تغلبي عواطفك ابدا وانسي موضوع الغيرة والحسد ووووو اما فيما يخص صديقتك فان لم تاخذ بالنصيحة حاولي الدعاء لها بالهداية ولا تضغطو كثيرا عليها لكي لا تتمرد وتحقد عليكن لكن حاولي كسبها وجذبها الى المجموعة بذكاء وابعادها عن ذلك الذئب البشري

dznina · 2014-02-20, 13:49

ربي يهديها مي اختي نتي متخليهاش وابقاي بجنبها وديري لخييير معاها وربي يجازيك اختي لعزيييييزة
ربي يكملك في قرايتك ويبعدك على ولاد لحرام

طالبة علم شرعي · 2014-02-20, 14:29

السلام عليكم ورحمة الله وبركاته

نصيحة ليك بعدي عليها وخلاص

راكي درتي لي عليك وزيادة يكفي

راح تمرضي روحك هاكا

نورمال لي حب يتبدل عليك الله يسهل عليه

انت المهم كنت وفية ومخلصة لهم

لكن يا اختي ادا اافتاة حالتها تغيرت هاكا لازم تبعدي

خصوصا وانها مع هدا اللئيم ممكن تتسبب لك بمشكل

و ادا اردت النجاح في دراستك نصيحة من اخت في الله لك اخطيك مالصحابات

الصداقة المثالية لم يعد لها مكان و لا تبوحي لاي كان باسرارك فالزمن يتغير وكذا الاشخاص

رغم ان العيش وحيدة صعب ويؤلم الا انه افضل احيانا في هذا الزمن والله اعلم

وفقك الله وثبتك وكان في عونك

سلااام

faty05 · 2014-02-20, 16:57

انصحيها و ادعيلها ما عندك ما ديريلها

nibou · 2014-02-20, 17:28

يا ختي واش راح نقولك،ربي يهديها و خلاص و زيد هادي هي سنة الحياة يجي نهار و تبتعدي على صحاباتك وتولي عندك مشاغل أخرى،غذا غير ما تعمريش راسك بيها بزاف و تلهاي بروحك و قرايتك ولاكان حبت تبعد أهلا و سهلا و ما تعلقيش روحك بالناس بزاف باه ما تاثريش بفراقهم

soumiafree · 2014-02-20, 19:19

الصداااااااااقة خلالالالالالالالالالاص مكانش منهااااا في هد الوقت ماتت

blisi · 2014-02-20, 20:22

السلام عليكم

أنتم قمتم بما عليكم معها ,ربي يهديها إن شاء الله
حقيقة العام الأول عموما في الجامعة يغير الأشخاص الدين لديهم شخصية ضعيفة
و لكن التربية الصالحة هي المنقد الوحيد

~~اميرة13~~ · 2014-02-21, 02:26

ربي يجمع القلوب مع بعضاها

loulou cristal · 2014-02-21, 11:30

اختي في الجامعة كاين تياران تيار مليح والي هوا تيار الدراسة وحب التعلم وتيار اخر هو تيار الانحراف والانحلال الخلقي والفايقة في هدا المجتمع متضيعش روحها حاولو معاها متتخلاوش علاها انصحوها بلاك تفيق ملي راهي فيه