السلام عليكم

أمي قرة عيني · 2014-02-07, 13:21

موضوعي هو عن السكن مع اهل الزوج واااااااااااااعرة بزاف الناس الكل تعس فيك انا عندي 4 اخوة لزوجي راشدين و 4 بنات اغرهن عندها 24 سنة و هن غير متزوجات ربي يفرج عليهم المشكلة في ام زوجي ديما مشنفة عليا و تحب تدخل في اموري الشخصية مع زوجي و حتى الاكل متحبنيش نطيب اكلة اخرى ادا معجبتنيش وش طيبت لأن نختلفو في الاكلات فانا من و لاية غير ولاية زوجي و المنزل صغير جدا فيه 3 غرف و صالة فقط المهم راني في ضغط كبير و معرفتش كيفاش نفتح الموضوع مع زوجي و نخططو لمستقبلنا نطلب من السيدات لي غندهم خبرة يقولولي كيفاش ناقش زوجي في موضوع كيما هكدا

أم شروفة · 2014-02-07, 13:38

يا أختي اصبري .راه مع الوقت زوجك يفهم روحو.أنا مثل ظروفك 4اسلاف و4بنات.و الضيق.صحيح الوقت الاول ماقدرتش على خاطر دار بابا واسعة بزاف و عدد افراد عايلتنا قلال.لكن مع الوقت3 سنين و أكثر تعودت و الله نحبهم أكثر من اخوتي و الضيق غير في القلوب.وراني نستنا في سلفي باش يقرر يتزوج و نخللو الدار.و ربي يفرج على كل واحد ضايقة بيه

eBusiness · 2014-02-07, 14:26

اقتباس:

المشاركة الأصلية كتبت بواسطة أم شروفة

يا أختي اصبري .راه مع الوقت زوجك يفهم روحو.أنا مثل ظروفك 4اسلاف و4بنات.و الضيق.صحيح الوقت الاول ماقدرتش على خاطر دار بابا واسعة بزاف و عدد افراد عايلتنا قلال.لكن مع الوقت3 سنين و أكثر تعودت و الله نحبهم أكثر من اخوتي و الضيق غير في القلوب.وراني نستنا في سلفي باش يقرر يتزوج و نخللو الدار.و ربي يفرج على كل واحد ضايقة بيه

أنا كي نشوف جامعية الله يبارك وماكتة بالبيت وعايشة كيفيك في الضيق ومع 8 إخوة وحامدة ربي والله نفرح، أختي الكريمة الله يسترك ويكثر من أمثالك، هاكا يديرو بنات الرجال الله يرزقك فيلا ما شي دار برك يا ربي

عبييير · 2014-02-07, 20:46

أصبري أختي
أكيد رايح يجي يوم وديري دار وحدك
وما تبقى غير الكلمة الطيبة
ربي يفرج عليك

asma anoucha · 2014-02-07, 13:56

ما عليك غير تصبري أختي وربي يفرجها عليك

لحن الحياة. · 2014-02-07, 22:44

وكي ماكيش قادرة علا المسؤولية علاه رايحة تخربي في دار الناس وتقطعي في روابط الاسرية!!!!

shaydiaa · 2014-02-07, 23:45

أختي أتفهك جيدا لأنو ضيق السكن شيء صعيب بزاف وأكيد أنو زوجك أكثر منك حاب يستقل بسكن باه يترك المكان لواحد من خاوتو يتزوجو فما عليك إلا الصبر ووسعي خاطرك حتى يفرج ربي زوجة أخي أيضا صبرت و جازت على كثير من المشاكل و بعد5 سنوات زواج فرج عليها ربي بسكن و ما زال ما راحتش حتى يجهزوه عقوبة ليك إن شاء الله