حساء الفطر الفاخر على طريقتي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المقبلات و السلطات و الشوربات

قسم المقبلات و السلطات و الشوربات وصفات المقبلات و السلطات و الشوربات حصرية من عضواتنا

منتديات الجلفة ... أكثر من 14 سنة من التواجد على النت ... قم بالتسجيل في أكبر تجمع جزائري - عربي و استفد من جميع المزايا، تصفّح دون اعلانات، اشترك في المواضيع التي تختارها ليصلك الجديد على بريدك الالكتروني

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

حساء الفطر الفاخر على طريقتي

إضافة رد
 
أدوات الموضوع انواع عرض الموضوع
قديم 2014-02-04, 21:48   رقم المشاركة : 1
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










B10 حساء الفطر الفاخر على طريقتي





مساء الخير خفاشاتي


جبتلكم وصفة حساء الفطر بعد ماتأكدت أنها غير موجودة في المنتدى تلبية لطلبكن وحتى لو ماطلبتوهاش نحطهالكم بالسيف عليكم ههههههههههههههههههههه

عندي بزاف منقطعة عن وضع الوصفات لأنو نحب كي نجي نجيب الجديد والمميز مانحبش نعاود وصفات موجودة في المنتدى ونوعدكم بإذن الله رايحين تشوفو العديد من الوصفات المميزة والجديدة .



للمرة الثانية : مع حساء فرنسي راقي آخر والميزة فيه أنه لذيذ جدا واقتصادي ويحمر الوجه قدام الضياف وتغيير عن المألوف ,



قبل مانبدى الوصفة حبيت نحطلكم طريقة تنظيف الفطر الباريسي Champignons de Paris بما أنها أيضا غير موجودة هنا في المنتدى باش نضربو عصفورين بحجر واحد :



الفطر الباريسي يعتبر من أكثر انواع الفطر استعمالا في الطبخ لذا حبيت نعلمكم كيفية تنظيفه خاصة وأنه في هذه الأيام موجود بكثرة في الأسواق وكمية صغيرة منو وهو طازج تعطي بنة رووووووووووووعة للأطباق
يعجبني بزاف شوفو كيفاش بوبون ياعمري يهبل


أولا : ننظف أسفل الساق بقطع الجزء السفلي بشكل أفقي كأننا نبري في قلم بسكين ( نستعمل سكين حاد لأن الفطر وهو طازج اسفنجي )




ثانيا : الفطر ينمو فوق أسطح يعني نظيف بطبيعتو يعني يكفي نغسلوه على خفيف ونستعملوه لكن باش نخدمو خدمة نظيفة نتاع شافات يستحسن نقشروه, يتقشر بمنتهى السهولة ، شوفو الصور :



ثالثا : هذي الخطوة زيادة من عندي :
نجيب ملعقة صغيرة ونبرش غير بالشوية هذاك السواد لأنو الفطر طري ويتقسم بسهولة كي يكون طازج ، ماشي شرط يتنحى كامل المهم نحاول نزيل الطبقة العلوية منو


رابعا : في إناء مليء بالماء البارد نحط الفطر ونغسله ومانخليهش يطول في الماء فقط خمس دقائق تكفي لأنه أصلا نظيف ثم نقطروه ونقطعوه ونستعملوه مباشرة,


ملاحظة : الفطر لا ينظف مسبقا يعني مباشرة بعد التنظيف يستعمل ,



نأتي الآن لوصفة الحساء اللي هي أصلا ساهلة خلاااااااااااااااااص :


المقادير :

خمس حبات فطر طازج أو علبة فطر معلب يكون شرائح ( خمس حبات فطر طازج شريتهم بعشرة آلاف فقط )
حبة بصل صغيرة مقطعة مكعبات صغااار أو إذا تحبو كيما انا شرائح
ثلاث فصوص ثوم مفروم وممكن كيما انا نحبو شرائح
ملح
فلفل أسود
أربع ملاعق كبيرة فرينة
زوج كيسان حليب كبار
ثلاث كيسان كبار ماء
زوج مكعبات ماجي دجاج
اللي عندها مرق دجاج جاهز تحط ثلاث كيسان بدلا من الماء ومكعبات الماجي
تشكيلة اجبان حسب الذوق ك انا استعملت كامومبير و قرييار و جبن ابيض
زوج ملاعق كبار معمرين مليح زبدة أو مارغارين
أربع ملاعق كرام فراش أو حليب يستحسن يكون بقري كامل الدسم
معدنوس


الطريقة :

أولا : نحط الزبدة في كوكوط تذوب ثم نحط الفطر يتقلى حوالي خمس دقائق ثم نزيد البصل ونقلي مليح حتى يذبل مليح ,
نضيف الثوم ونقلي دقيقة فقط ثم نضيف الفرينة ونحمصها حتى يصبح لونها اشقر,


لاحظو أن الفطر يسود بسرعة ، شوفو الحبة الأخيرة كيفاش بيضاء والحبات اللي قبلها كيفاش رجع لونهم رمادي.







ثانيا : نضيف الحليب والماء ومكعبات الماجي و الفلفل الأسود وقرصة ملح فقط مانكثرش لانو الماجي والأجبان مالحين ,



أعذرو رداءة الصور لأنو نعمل ونصور ويديا موسخين وزيد البخار نتاع الحساء ماخلانيش نصور .

ثالثا : لما تغلي نضيف الاجبان :
الجبن الأبيض نحطو في صحن ونحط فوقو مرق سخون ونحاول بالشوكة نهرسو مليح ونزيدو للمرق
القرييار نبرشوه في لا راب
الكامومبار نحيلو القشرة البيضاء لانها ماتذوبش في الحساء ونرابيه أو نقطعو صغيييير ونزيدو للحساء


نقص النار على الحساء باش ماينشفش ونغطي الكوكوط دون وضع الصفارة فقط نحط الغطاء ونخليها تغلي حوالي عشرين دقيقة ,

رابعا : كي توجد نضيف الكرام فراش ونخليها تهز الغلية ونطفي ,

خامسا : نذوق الملح إذا تحتاج نزيدوها ملح ,

سادسا : نحط مباشرة رشة زكية من المعدنوس المقطع رقيق ونخلط ( هذي إضافة من عندي أنا )، خليت المعدنوس على الأخير باش يبقى محافظ على لونو والنكهة نتاعو والفوائد نتاعو .




سابعا : يقدم مباشرة مع خبز محمص بالزبدة ( انا ماصبرونيش جاعو )






تتحصلو في أقل من ساعة على حساء لذيذ وقوامه كريمي ويعجب جميع الاذواق


ملاحظة : حبيباتي كي بحثت في النت مالقيت حتى وصفة لحساء الفطر فيها أجبان وبقيت مصممة ندير فيه جبن وحبيت نعرف أي نوع يديروه في حساء الفطر وكي يأست وليت قلت ندير من راسي ونحط اللمسة نتاعي فيه لكن حبيت فقط نعلمكم أنه في الأصل بدون أجبان .
أيضا ممكن تستعملو قطعة من الاسكالوب تكون مقطعة رقيقة او تفتتوها بعد الطياب تقليوها مع البصل والفطر وتكملو عادي وفي هذي الحالة نستعمل فقط مكعب واحد ماجي .


أتمنى فعلا جربوه لأنه فعلا يستاهل تعطيوه فرصة مسكين وتذوقوه .


تصبحو على خير


مع تحياتي لهومة









 

رد مع اقتباس
قديم 2014-02-04, 21:54   رقم المشاركة : 2
معلومات العضو
lahna moka
عضو متألق
 
إحصائية العضو










افتراضي

بما أنني أول من يرد فالطبسي الأول تاعي
ممممم رااائع لهلوبة يعطيك الصحة و بارك الله فيك على الوصفة









رد مع اقتباس
قديم 2014-02-04, 21:57   رقم المشاركة : 3
معلومات العضو
أم إناس
عضو برونزي
 
الصورة الرمزية أم إناس
 

 

 
إحصائية العضو










افتراضي

الهام ماشاء الله وأكيد يجئ امممممممممممممم والله يعطيك العافيه بسبوسه









رد مع اقتباس
قديم 2014-02-04, 21:58   رقم المشاركة : 4
معلومات العضو
أم إناس
عضو برونزي
 
الصورة الرمزية أم إناس
 

 

 
إحصائية العضو










افتراضي

الهام راكي تسألي هذيك الصفراء هههههه









رد مع اقتباس
قديم 2014-02-04, 22:09   رقم المشاركة : 5
معلومات العضو
أم ريمة*
عضو مميّز
 
إحصائية العضو










افتراضي

ما شاء الله واثقة فى ذوقك اكيد روعة الله جازيك









رد مع اقتباس
قديم 2014-02-04, 22:14   رقم المشاركة : 6
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

ماشاءالله لهلوبة حساء جميل وراقي
شكرا على الوصفة









رد مع اقتباس
قديم 2014-02-04, 22:29   رقم المشاركة : 7
معلومات العضو
almazalina22
عضو مميّز
 
الصورة الرمزية almazalina22
 

 

 
إحصائية العضو










افتراضي

وصفاتك روعة بصحدائما بحوايجما نلقاهمش بزاف المهم شكرا على الشرح الوافي









رد مع اقتباس
قديم 2014-02-05, 00:21   رقم المشاركة : 8
معلومات العضو
Oum Aness Bba
عضو مبـدع
 
الصورة الرمزية Oum Aness Bba
 

 

 
إحصائية العضو










افتراضي

صراحة شكله يشهي و الذوق بما انه عجبك فأكييييييييييد بنين يعطيك الصحة و بارك الله فيييك









رد مع اقتباس
قديم 2014-02-05, 06:52   رقم المشاركة : 9
معلومات العضو
دائمة الحمد
عضو فضي
 
إحصائية العضو










افتراضي

باين بنين ومغذي اضافة لمنظرو لي يشهي
احسنت









رد مع اقتباس
قديم 2014-02-05, 06:56   رقم المشاركة : 10
معلومات العضو
.1....2....1.
زائر
 
إحصائية العضو







افتراضي

امممممممممممممم باين هاااااااااااااااااااااااايل يعطاك الصحة حبيبتي









رد مع اقتباس
قديم 2014-02-05, 07:13   رقم المشاركة : 11
معلومات العضو
فايزة1207
عضو مميّز
 
الصورة الرمزية فايزة1207
 

 

 
إحصائية العضو










افتراضي

حساء جميل وراقي

شكرا على الوصفة








رد مع اقتباس
قديم 2014-02-05, 07:27   رقم المشاركة : 12
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

روووووعة لهاليبووووووو يعطيك الصحة دائما مع الجديد والمفيد









رد مع اقتباس
قديم 2014-02-05, 07:45   رقم المشاركة : 13
معلومات العضو
اولادي حياتي
عضو نشيط
 
الصورة الرمزية اولادي حياتي
 

 

 
إحصائية العضو










افتراضي

امممممممممممم يعطيك الصحة الهام اللهلوبة راه يشهيييييييييييييييييييييييييييييييي .
هدا شحال وانا حابة نجرب حساء الفطر جا في وقتو امواااااااح
بارك الله فيك على الشرح الوافي .
نظن نستعمل فطر معلب ماشفتش الفطر فالاسواق عندنا
نسيت باش نقولك حساء البسباس ديالك روووووووووووووووووووووووووووووووووعة بنة عظيمة والله لا يقاوم انا ولادي عمرهم ولا كلاو البسباس بصح بطريقتك تحل المشكل .قدما ندعيلك قليل عليك ربي يعطيك ما تتمناي حبوبتي .احبك في الله .









رد مع اقتباس
قديم 2014-02-05, 07:46   رقم المشاركة : 14
معلومات العضو
ام محمد78
عضو محترف
 
إحصائية العضو










افتراضي

يعطيك الصحة و بارك الله فيك








رد مع اقتباس
قديم 2014-02-05, 07:49   رقم المشاركة : 15
معلومات العضو
فراح فرفوشة
عضو مجتهـد
 
الصورة الرمزية فراح فرفوشة
 

 

 
إحصائية العضو










افتراضي

الله يبارك وصفة صح مميزة وراقية









رد مع اقتباس
إضافة رد

الكلمات الدلالية (Tags)
الفاير, الفطر, خصال, طريقتي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 03:29

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2020 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc